Mene biraz ondan danış... | Nüsrət Kəsəmənli
Geniş Kitabxana
Mene biraz ondan danış...
Mənə biraz ondan danış,
Az da olsa yaşat məni.
Çox dolmuşam için-için,
Bir az ağlat, boşalt məni,
Yaman sıxır həyat məni . . .
Mənə biraz ondan danış,
Duruşundan, yerişinden,
Şirin-şirin gülüşündən,
Gəlişinden, gedişindən.
Bacardıqca hər işindən,
Nə bilirsən, axır çaliş,
Mənə biraz ondan danış . . .
Başın necə qatmağından,
İstəyinə çatmağından.
Hər gün biraz öldüyümdə,
Gecə rahat yatmağından . . .
Məni necə atmağından,
Mənə biraz ondan danış.
Söylə neynir can yoldaşım ?
Qısqançlıqdan coşum daşim.
Qoy lap quru söznənsə də,
Özumu itirim . Çaşım . . .
Ona yenə yaxınlaşım . . .
Mənə biraz ondan danış,
Danış təbim dilə gəlsin.
Hər bir sözü bağrım dəlsin.
Qoy içkisiz, qoy içmədən,
Ruhum biraz məzələnsin,
Xatirələr təzələnsin . . .
Mənə biraz ondan danış.
Qaytar mənə xətir məni,
Qaytar mənə gətir məni.
Al onsuz bir gələcəkdən,
Keçmişimdə itir məni.
Danışdıqca bitir məni . . .
Mənə biraz ondan danış.
Hicran pozub düzənimi.
Sarıb şeir qəzəlimi,
De ki, təsəllim öpməkdi,
Ondan yazan öz əlimi.
Görərsənsə gözəlimi,
Ona bir az məndən danış.
Cemi 1717 nefer oxuyub
Beyen(425) | Beyenme(191)
Paylaş:
Nüsrət Kəsəmənli

Whatsapp Plus, Instagram Plus, Youtube Plus, Mp3 Yukle, Video Yukle, HD mp4, Bedava Indir, Android Dunyasi, Futbol neticeleri, Idman xeberleri, Tatli.Biz

Whatsapp+, Instagram+, Youtube+, mahni indir, pulsuz oyunlar, lazimli programlar, android dunyasi, pulsuz yuklemeler, romantik sekiller, qizlarin sirri, qadin dunyasi

[sitemap][mp3 sitemap][video sitemap]
©Tatli.Biz 2010-2019