Saytımızda yerləşən Aforizmlər aşağıdakı hərflərə görə qruplaşdırılıb
"Həyat-ölüm" haqqında aforizmlər
• Adam o zaman özünə yer tapa bilmir ki, yerini başqa yerdə axtarır. (Əbu Turxan)
• Adətən ölənləri ağlayırlar; doğula bilməyənlər haqqında düşünən də yoxdur. (Əbu Turxan)
• Ancaq eşq ölümdən qorxmur, çünki ruhdan yoğrulub. (Əbu Turxan)
• Ancaq özünü tapan adam həyatını istədiyi kimi idarə edə bilər. (Əbu Turxan)
• Ancaq yaradıcılıq məqamları sözün həqiqi mənasında həyatdır. (Əbu Turxan)
• Arzudan doğan arzular ayağı gerçəkdən üzülmüş arzulardır. (Əbu Turxan)
• Arzular həyata məna verir. (Anatol Frans)
• Bədbinlik əhval-ruhiyyədir, nikbinlik – iradə. (Alen Emil Ogüst)
• Bəzən biz yolu seçirik, bəzən də yol bizi. (Əbu Turxan)
• Bəzən mənliyi yaşatmağın yeganə yolu ölüm olur. (Əbu Turxan)
• Bəzən uzaqlaşmaq lazım gəlir, yaxınlaşmaq üçün; bəzən xatırlamaq lazım gəlir, xatırlanmaq üçün; bəzən ağlamaq lazım gəlir, açılmaq üçün; bəzən anmaq lazım gəlir, anılmaq üçün; bəzən de susmaq lazım gəlir, duymaq üçün. (Şəms Təbrizi)
• Bəzən yaşamadıqlarımız bizi yaşadığımız həyatdan daha çox mühakimə edir. (Əbu Turxan)
• Bir insanın ölümü ölüm, iki milyon insanın ölümü isə statistikadır. (Erix Mariya Remark)
• Bir şərdən qaçsan, başqa şərə düşərsən. Ona görə də şərdən qaçmaq yox, onu dəf etmək lazımdır. (Əbu Turxan)
• Bir şey ki, qaçılmazdır, ondan qaçmaq axmaqlıq olardı. (Publiliy Sir)
• Bir var, sən ölümdən qaçasan (onda o, səni mütləq yaxalayacaq), bir də var, üzərinə elə gedəsən ki, ölüm səndən qaçsın. (Əbu Turxan)
• Bir yatmış başqa yatmışı necə oyada bilər?! (Sədi Şirazi)
• Biri ölüb biri ölməsəydi, ölmək çox acı olardı. (Jan de Labrüyer)
• Birinin məhvi başqasının yaranması deməkdir. (Aristotel)
• Biz tez-tez gələcək günlərdən borc götürürük ki, keçmiş günlərin borclarını qaytaraq. (Cübran)
• Bu dünyada həyat heçliklə varlıq arasında cərəyan edir. Ölüm bu həyata yekun vurur və kimləri isə heçliyə, kimləri isə varlığa qovuşdurur. (Əbu Turxan)
• Bu dünyada uğuru yalnız bunun üçün lazım olan şəraiti axtaran tapır; tapmasa, bu şəraiti o özü yaradır. (Corc Bernard Şou)
• Bu günün hər əməli sabah üçün alın yazısıdır. (Əbu Turxan)
• Bu qala bizim qala Həmişə bizim qala Tikmədim özüm qalam Tikdim ki, izim qala. (Xudu Məmmədov)
• Bundan sonra hara gedəcəyini bilmək üçün, buna qədər haradan gəldiyini bilməlisən. (Əbu Turxan)
• Cavanlıq artıq cavan olmayan üçün böyük çatışmazlıqdır. (Aleksandr Düma)
• Cavanlıqda biz sevmək üçün yaşayırıq; yetkin dövrdə yaşamaq üçün sevirik. (Sent Evremon)
• Cavanlıqda intuisiya, qocalıqda – düşüncə üstünlük təşkil edir: buna görə də birincisi poeziya, ikincisi fəlsəfə üçün əlverişlidir. (Artur Şopenhauer)
• Çayın həyatı onun axmasındadır. Dənizə çatmaq sanki bu həyata son qoyur, amma əslində onun həyatı öz mənasını bu vüsal məqamında tapır. Dua: Qoy sənin vüsalın çayın dənizə qovuşması kimi davamlı olsun! (Əbu Turxan)
• Damlada itirdiyimiz bir dəniz qədər önəmli ola bilər. (Əbu Turxan)
• Dənizdə məhəbbətin hər iki qütbü ehtiva olunur; onun səma ilə görüşü ancaq üfüqdə baş tutur; buna Platon ik məhəbbət də deyirlər. Onun yerlə görüşdüyü yerlərdə isə məhəbbətin başqa formaları ortaya çıxır. (Əbu Turxan)
• Dirilər ölülərə heç nəyi öyrədə bilməzlər, amma ölülər dirilərə öyrədir. (Şatobrian)
• Dözümə əsaslanan səbir tükənə bilər, ümidə əsaslanan səbir – tükənməz. (Əbu Turxan)
• Düşüncəni dəyiş ki, həyatını dəyişəsən. (Brayan Treysi)
• Düzənim pozular, həyatımın altı üstünə gələr deyə əndişə etmə. Haradan bilə bilərsən həyatın altının üstündən daha yaxşı olmayacağını? (Şəms Təbrizi)
• Düzlüyü çox sevər taleyi yazan, Görmədim düz yolda yolunu azan. (Sədi Şirazi)
• Əbədiyyət insanın içindədir! (Əbu Turxan)
• Əgər bəladan qaçmaq mümkündürsə, onda nədən narazısan? Yox, əgər o qaçılmazdırsa, onda şikayətlənməkdən nə fayda? (Sokrat)
• Əgər danışsaydı, ölümlə də dil tapmaq olardı. (Əbu Turxan)
• Əgər həyatı gözləməklə keçirmək lazım gələcəksə, onu yaşamağa dəyməz. (Feyxtvanqer)
• Əgər içindəki işıq ətrafı işıqlandıra bilmirsə, o da sönmüş kimidir. (Əbu Turxan)
• Əgər insan dünyada tək olsaydı, ölüm haqqında heç bir təsəvvürü olmazdı. (Kondilyak)
• Əgər nəyə isə təəccüblənə bilirsinizsə, deməli, hələ cavansınız. (Uinston Çörçill)
• Elə xatirələr var ki, danışsan gözəlliyi gedər. (Jorj Sand)
• Elm alın yazısını qəbul etmədi, amma genetik proqram adı altında onu özü kəşf etdi. (Tur Xander)
• Ən çox batan yaxşı üzənlər olur. (Tomas Fuller)
• Əsl həyat doğulma və canlanma proseslərinin bütöv bir silsiləsidir. (Əbu Turxan)
• Eşqsiz insan tək ölümdən yox, həyatdan da qorxur. (Əbu Turxan)
• Ətrafımda qaranlıq kölgələr sıxlaşsa da, içimdəki işıq sönməmişdir. (İohann Volfqanq Göte)
• Ey könül quşu, kor olsan da, unutma ki, qanadların var! (Rabindranat Taqor)
• Ey müqəddəs həyat! Müqəddəs insan! Sənə ilham verən yalnız ürəkdir. Ayıl məclislərin sərxoşluğundan Ömür röya kimi boş keçəcəkdir! (Səməd Vurğun)
• Əzm nə qədər böyük olsa, məqsədə aparan yol bir o qədər qısa olar. (Əbu Turxan)
• Fəal adamlar bəzən məqsəddən uzaqlaşdıqlarının fərqində olmurlar; onlar üçün əsas olan hərəkətdir. (Əbu Turxan)
• Fəlakət anında qərar verə bilmək qurtuluşun yarısıdır. (Pestalotsi)
• Fərd ölməyə məhkumdur, bəşər övladı – olümsüzdür. (İmmanuel Kant)
• Fərdi cismani həyat başa çatanda insan öz ideyalarında, ideyalar isə davamçıların şəxsində yaşayır. (Əbu Turxan)
• Fərq olmadıqda inkişaf da olmaz. Kimsə irəli çıxmalı, sürünənlərə şahin zirvəsindən baxmalı, ürəyinin atəşi ilə qaranlıq meşədə azanların yoluna işıq saçmalıdır. (Tur Xander)
• Gəlin, istədiyimiz kimi düşünək və düşündüyümüz kimi yaşayaq. (Əmin ər-Reyhani)
• Gənclər yenilik sevir, qocalar isə ənənələrə sadiq olurlar. (Fransua de Laroşfuko)
• Hamı çox yaşamağı istəyir, lakin heç kəs qocalmaq istəmir. (Molla Fənari)
• Haraya üzəcəyini bilmirsənsə, üzməyi bilməyin faydası yoxdur. (Əbu Turxan)
• Heç bir şöhrətə çiçəkli yollarla gedilməz. (Lafonten)
• Heç kim cavanlığının necə getdiyini duymur, amma onun artıq getdiyini hamı duyur. (Kiçik Seneka)
• Heç ölməyəcəksənmiş kimi dünya üçün, Sabah öləcəksənmiş kimi axirət üçün çalış. (Mühəmməd peyğəmbər (SƏS))
• Heç vaxt çıxdığın qapını bərk çırpma; ola bilər geri dönmək istədin. (Don Gerold)
• Hələ ki, heç kim ölməz doğulmayıb. Kiminsə başına bu iş gəlsəydi, o, heç də başqalarının düşündüyü qədər xoşbəxt olmazdı. (Platon)
• Hər bir insan ancaq öz boyuna biçilmiş bir həyat yaşayanda xoşbəxt ola bilər. (Əbu Turxan)
• Hər həyat səhifəsi ömürün ilk yazıdı, Bu günün hər əməli sabah üçün yazıdı. (Əbu Turxan)
• Hər ötən günə kiçik bir həyat kimi baxmaq lazımdır. (Maksim Qorki)
• Hər şey, nəyə layiqdirsə, ona dönür. (Cəlaləddin Rumi)
• Hər şeyin iki üzü var: biri solanda o biri çiçəklənir. (Fridrix Nitsşe)
• Hərənin öz yolu var; amma başqalarının saldığı yolla getmək daha asan olur. (Əbu Turxan)
• Həyat – ideyanın realizasiyasıdır. (Tur Xander)
• Həyat balaca bir əbədiyyətdir. (Emerson)
• Həyat balonla səyahət kimidir. İp qırılanda ruh göydə uçur, bədən yerə düşür. (Əbu Turxan)
• Həyat beşiklə məzar arasındakı sınaq müddətidir. (Onore de Balzak)
• Həyat bir dağdır: qalxanda yavaş-yavaş, düşəndə tez-tez düşürük. (Mopassan)
• Həyat cavanların gözündə sonsuz gələcək, qocaların gözündə – qısa keçmişdir. (Artur Şopenhauer)
• Həyat da, ölüm də eşqin təzahürləridir. Bizim təbiətə sevgimiz həyat eşqidir. Təbiətin bizə sevgisi bizi yenidən əbədiyyətə qaytarmaq əzmidir. (Əbu Turxan)
• Həyat eşqi həyatdan ikiəlli yapışmaq deyil, həyatı yüksək tutmaqdır. (Əbu Turxan)
• Həyat eşqi ilə ölüm qorxusu əkizdir. (R.Rollan)
• Həyat hərəkət deməkdir, su da axmayanda iylənir. (Aristotel)
• Həyat hisslərlə yaşayanlar üçün faciə, ağıl ilə yaşayanlar üçün isə komediyadır. (Şarl Lemel)
• Həyat iki əbədiyyət arasında yarğan, iki qara bulud arasında çaxan şimşəkdir. (Əmin ər-Reyhani)
• Həyat naminə həyatın mənasını itirmək olmaz. (Yuvenal)
• Həyat öyrənildikcə şirinləşir. (Xudu Məmmədov)
• Həyat suyun axarında üzmək, ölüm isə – arada istirahətdir. (Tzya İ)
• Həyat və mənəviyyat bölünməzdir. (Tomas Mann)
• Həyata məna verən – anın dəyərləndirilməsidir. (Əbu Turxan)
• Həyatda insani başlanğıcı tamamilə məhv etmək mümkün deyil. (Əbu Turxan)
• Həyatı sevməyənlər ölümdən daha çox qorxurlar. (Əbu Turxan)
• Həyatın açdığı bütün yollar gec-tez ölümə aparıb çıxarır. Ölməzliyə isə insan ancaq öz açdığı yolla çata bilər. (Əbu Turxan)
• Həyatın ağrı-acısını görən və dərk edən insan fəlsəfəni həyatın öz kitabından da oxuya bilər. (Əbu Turxan)
• Həyatın alovu görünməyən aydınlığını göstərmək üçün özünü öz dumanı ilə pərdələyir. (Məhəmməd İqbal)
• Həyatın hər üzü gözəldir. (İohann Volfqanq Göte)
• Həyatın nə olduğunu bilmiriksə, ölümün nə olduğunu necə bilərik? (Konfutsi)
• İnsan nə qədər də qəribədir !? O var-dövlət qazanmaq üçün sağlamlığını itirir, sonra da sağlamlığını geri gətirmək üçün sərvətindən keçir. O hazırkı vaxtında gələcəyin dərdini çəkir, amma gələcəkdə isə keçmiş vaxtları özləyir. O elə yaşayır ki sanki heç ölməyəcək, amma elə şəkildə ölür ki sanki heç anadan olmamış. (Əli bin Əbu Talib)
• İnsan ona bəxş edilmiş ömrü heç vaxt tam yaşamır. Ömür qismətin ancaq bir qismidir. (Əbu Turxan)
• İnsanın bütün həyatı böyük məqsədlərə yönəlməlidir. Amma hərdən bir nəfəsini dərmək üçün tez bəhrə verən işlərə də vaxt ayırmaq olar; bu şərtlə ki, yenidən yoluna davam edəsən. (Əbu Turxan)
• İnsanın ölüm anındakı sözləri çox qiymətlidir. (Konfutsi)
• İşıq hər tərəfi bürüyəndə, onun mənbəyi diqqəti cəlb etmir. (Əbu Turxan)
• İstək həyatın, laqeydlik isə ölümün yarısıdır. (Cübran)
• İsti xatirələri olmayanlar üçün qış soyuq keçər. (J.Renan)
• Keçmişini unudan onu təzədən yaşamağa məhkumdur. (Santayana)
• Kim ki, heç vaxt uşaq olmayıb, heç vaxt böyük də olmayacaq. (Çarli Çaplin)
• Meyvə çəyirdəyini daşıdığı kimi, insan da ölümü öz içində daşıyır. (Reyner Maria Rilke)
• Möcüzələr normaya çevriləndə, normal həyat möcüzə kimi görünür. (Əbu Turxan)
• Müdriklik – məsləhətlərin, tale – hadisələrin başında durur. (Helvetsi)
• Müstəsna vəziyyətdən çıxış yolu ancaq müstəsna qərarla tapıla bilər. (Əbu Turxan)
• O şey ki, verilir, o əlimizdən alına da bilər. (Kiçik Seneka)
• Ölmədən öncə ölmək lazımdır. (Mühəmməd peyğəmbər (SƏS))
• Ölüm bir dəfə gəlir, amma biz onu ömrü boyu gözləyirik: ölüm qorxusu ölümün özündən də əzablıdır. (Jan de Labrüyer)
• Ölüm gələndə həyatdan dördəlli yapışma. (Pifaqor)
• Ölüm gözləmir, deməli, ömür də gözləməməlidir. (İ.S.Turgenev)
• Ölüm olmasaydı, insanlar çətin ki filosofluq edərdilər. (Artur Şopenhauer)
• Ölüm var ki, həyat qədər dəyərli, Həyat var ki, ölümdən də zəhərli. (Hüseyn Cavid)
• Ölüm zamanın qırıldığı bir məqamdır. (Cübran)
• Ölümdən qorunmaqdansa, ruhla dost ol ki, səni yalqız buraxmasın. (Əbu Turxan)
• Ömrü vaxtla yox, əməllərlə ölçmək lazımdır. (Kiçik Seneka)
• Ömrün ən böyük qazancı ömürdən sonrakı həyatın qazanılmasıdır. (Əbu Turxan)
• Ömrün gecəsi özü ilə öz çırağını gətirir. (Jozef Juber)
• Ömür çoxölçülüdür və hər ölçüdə fərqli bir həyat yaşanır. (Əbu Turxan)
• Ömür genetik proqramın mühitdə açılışıdır. (Tur Xander)
• Ömür qısadır, şöhrət isə əbədi ola bilər. (Mark Tulli Siseron)
• Özünə mühit yaratmayan insan ömrü boyu başqa bir mühitdə – qərib kimi yaşamağa məhkumdur. (Əbu Turxan)
• Özünü dərk edənlər bu dünyanı rahat tərk edə bilirlər. (Əbu Turxan)
• Pessimist hər imkanda çətinliklər görür, optimist hər çətinlikdə imkanlar görür. (Uinston Çörçill)
• Pis hadisədən sarsılmamaq üçün düşünmək lazımdır ki, bundan da pis ola bilərdi. (Epiktet)
• Qaranlıqda yeganə işıq mənbəyi olmaq qürur verir, daha güclü işığın içərisinə düşmək – sevinc. (Əbu Turxan)
• Qəhrəmanlıq üçün bircə an belə kifayətdir, ləyaqətli insan olmaq üçün isə bütöv bir ömür lazımdır. (P.Bryula)
• Qırx yaş cavanlığın qocalığı, əlli yaş qocalığın cavanlığıdır. (Viktor Hüqo)
• Qocalığa cavanlıqdan hazırlıq görmək lazımdır. (Əvhədi Marağayi)
• Qocalığın aqibəti gəncliyin nəyə sərf edilməsindən asılıdır. (Stendal)
• Qocalıq axmaq üçün yük, nadan üçün – qış, alim üçün – biçin vaxtıdır. (Volter)
• Qocalıq fırtınalı həyatın limanıdır. (K.Preston)
• Ruh olan yerə ölüm girə bilməz. (Əbu Turxan)
• Sağlığında tərki-dünya olanlar öləndə heç nə itirmirlər. (Əbu Turxan)
• Sahil ümiddir; gözdən itəndə dənizdə ancaq vahimə qalır. (Əbu Turxan)
• Səbir insana ömrü boyu dözmək üçün yox, məqamı düzgün seçmək üçün lazımdır. (Əbu Turxan)
• Səhər axşamla qarşılaşmaq istəmədiyi kimi, gənclik də solmuş qocalığı görmək istəmir. (Cübran)
• Sənə bircə dəfə gərək olacaq silahı ömrün boyu gəzdirməlisən. (Rəsul Həmzətov)
• Silgi istifadə etmədən rəsm çəkmək sənətinə həyat deyilir. (Hölderlin)
• Sübhə yalnız gecənin cığırı ilə gedərək çatmaq olar. (Cübran)
• Sürünmək üçün yarananlar uça bilmirlər! (Maksim Qorki)
• Tale bəhanələr qəbul etmir. (Ziqmund Freyd)
• Tale getmək istəyəni aparır, istəməyəni sürüyür. (Kleanf)
• Tale vəd etdiyini baha satır. (Helvetsi)
• Tarix üçün yaşamaq bir şeydir, əbədiyyət üçün yaşamaq başqa bir şey. (M. Unamuno)
• Təzad həyatın ahəngidir. (Hüseyn Cavid)
• Toxumun cücərməsi üçün münbit mühit tələb olunduğu kimi, alın yazısının da yaşanması üçün müvafiq şərait olmalıdır. (Əbu Turxan)
• Uça bilməyənlər üçün dünyanın başlanğıcı da, sonu da (bir) yerdədir. (Əbu Turxan)
• Uçmaq üçün yarananları sürünməyə, sürünmək üçün yarananları uçmağa təhrik etmək günahdır. (Əbu Turxan)
• Uğur qazanıb sevinmək üçün öncə bir çox məhrumiyyətlərə dözmək lazımdır. (Con Milton)
• Ümid hətta artıq heç nəyi qalmayanlarda da var. (Plutarx)
• Ümidini itirənin başqa itirəcək bir şeyi yoxdur. (Pyer Büast)
• Unutmaq mümkün olmasaydı, həyat işgəncəyə çevrilərdi. (Konfutsi)
• Uşağın ağlaması ilə gülüşü arasında məsafə çox kiçikdir. İnsan böyüdükcə bu məsafə də böyüyür və birindən o birinə keçid çətinləşir. (Əbu Turxan)
• Uzaq planları olmayan insanı yaxında fəlakətlər gözləyir. (Konfutsi)
• Üzməyi bilənlər gəmidə özlərini daha rahat hiss edirlər; halbuki gəmi dənizin ortasında batanda hamını eyni aqibət gözləyir. (Əbu Turxan)
• Xatirə görüşün bir növüdür. (Cübran)
• Xəyal etdikləriniz sadəcə sizin xəyallarınız deyil; bütün dünya da sizin xəyal etdiklərinizi xəyal edər. (Nüaymə)
• Xoşbəxt adamlar üçün ən uzun ömür də bir gün qədər qısadır, bədbəxtlər üçünsə bir gün də əzablı ömür qədər uzundur. (Lukian)
• Yalnız ölmək istəməyəni xilas etmək mümkündür. (Lev Tolstoy)
• Yaradıcı adamın həyatı hüdud daxilində tükənməzlikdir. (Əbu Turxan)
• Yaşamaq – ruhani potensialın həyat enerjisinə çevrilməsidir. (Tur Xander)
• Yaşamaq – sadəcə nəfəs almaq deyil, həyatın nəfəsini duymaqdır. (Əbu Turxan)
• Yaşamaq gərçi xoş əməl, Yaşatmaq daha gözəl. (Hüseyn Cavid)
• Yaşayanları yönəldən çox vaxt ölülərdir. Deməli, öldürülməsi lazım olan ölülər də var. (Cəmil Meriç)
• Yaxşı yaşadığımız gün bizə sakit yuxu gətirdiyi kimi, yaxşı yaşadığımız ömür də bizə sakit ölüm gətirir. (Leonardo da Vinçi)
• Yeni cümlə başlamaq üçün əvvəl nöqtə qoymaq lazımdır. (Əbu Turxan)
• Yeni qərarlar qəbul etməyəni yeni problemlər gözləyir. (Frensis Bekon)
• Yolu düzgün seçə bilsən, düşmənin silahı özü üçün yükə çevrilər. (Əbu Turxan)
• Yumor bizi həyat dalğalarında qoruyan halqadır. (V.Raabe)