Saytımızda yerləşən Aforizmlər aşağıdakı hərflərə görə qruplaşdırılıb
"İdeya" haqqında aforizmlər
• Aforizm – dəliliklə dahilik arasında şimşək kimidir. (Əbu Turxan)
• Aforizm fikrin ən az sözlə dillənməsidir. (Əbu Turxan)
• Aforizmlər söz sədəfinə salınmış həqiqət inciləridir. (Əbu Turxan)
• Ana ideya olmadıqda ideyaların çoxluğu yoxluğundan betər olur. (Əbu Turxan)
• Bir ideya min bir hadisə libasında üzə çıxır. (Əbu Turxan)
• Böyük ideya axınları sel kimidir; qarşısına çıxan bütün ufaq, zərif, yeni cücərən pöhrələri yuyub aparır. (Əbu Turxan)
• Böyük ideyalar amansızdır. (Anri de Monterlan)
• Böyük kəşflər o qədər işıqlı olur ki, yaxın ətrafdakı kiçik yeniliklər onun kölgəsində qalır. (Əbu Turxan)
• Dərin ideyaların şəffaflığı özünün dərinliyi üzündən tutqunlaşan təmiz sulara bənzəyir. (Helvetsi)
• Düşüncələrimizə hakim olan və əqidələrimizi tabe etdirən ideyalar elə bir zəncirdir ki, ürəyimizi qırmadan onlardan azad ola bilmərik. (Karl Marks)
• Ədəbiyyatın vəzifəsi hadisələri ideyaya çevirməkdir. (Santayana)
• Hansısa yeni ideyanın cücərə bilməsi üçün onu böyük ideyaların qızmar günəşindən qorumaq lazımdır. (Əbu Turxan)
• Hər bir dövr yeni ideyaları əldə etməklə yeni göz də əldə edir və insan ruhunun qədim əsərlərində çoxlu yeni şeylər görür. (Heyne)
• Hər bir dövrün müvafiq düşüncəli insanlara ehtiyacı olur. (P.Kapitsa)
• Hər dövr deyə bildiyini deyir. (Jil Delez)
• Hər hansı yeniliyi sübuta yetirmək çətindirsə, deməli, ona hələlik ehtiyac yoxdur. (Vovenarq)
• Həyatımız səyahət, ideya isə bələdçimizdir. (Viktor Hüqo)
• İdeya – onu irəli sürən adamdan daha çox, vaxtında ona yiyələnənlərə xidmət edir. (Əbu Turxan)
• İdeya ağlı artırmır, yönəldir. (Əbu Turxan)
• İdeya əbədi, iradə isə sonludur. (Əbu Turxan)
• İdeya faktdan üstündür. (Onore de Balzak)
• İdeya heç vaxt ölmür; ona yiyələnən hər bir yeni şəxsin simasında o öz növbəti həyatını yaşayır. (Əbu Turxan)
• İdeya iradə ilə birləşəndə gücə çevrilir. (Əbu Turxan)
• İdeya söz meşəsində az rast gəlinən ovdur. (Viktor Hüqo)
• İdeya sürtünmə nəticəsində alovlanır. (K.Buniç)
• İdeya təkamülü olmayanda ideya çevrilişlərinə ehtiyac yaranır və onun da qarşısı alınanda, başsız inqilablar – kütləvi iğtişaşlar başlayır. (Əbu Turxan)
• İdeya zaman hüdudlarını keçərək nə vaxtsa yeni bir iradə ilə birləşir və keçmiş yenidən canlanır. (Əbu Turxan)
• İdeyalar kütləni ələ alanda gücə çevrilir. (Vladimir İliç Lenin)
• İdeyalar öz ardıcıllarını tapması müqabilində yaşayır. (Qabriel Marsel)
• İdeyaları yalnız ideyalar zərərsizləşdirə bilər. (Onore de Balzak)
• İdeyanı yaşatmaq onun uğrunda ölməkdən daha şərəflidir. (Əbu Turxan)
• İdeyanın öz yetkinliyi hələ yetərli deyil; onun həyata keçməsi üçün məqamın da yetişməsi lazımdır. (Əbu Turxan)
• İdeyaya uyğun yaşamaq onun uğrunda ölməkdən daha çətindir. (A.Adler)
• Kəşf özü faydalı olsa da, onun eyforiyası ziyan gətirir. (Tur Xander)
• Okeanda olduğu kimi, hadisə və mahiyyət (ideya) dünyasında da qabarma və çəkilmələr bir-birini növbə ilə əvəz edir. (Tur Xander)
• Qərbdə ideya binanın ümumi strukturunu əks etdirir, Şərqdə isə hər kərpicin öz ideyası vardır. (Əbu Turxan)
• Silahlı üsyandan əvvəl ideyaların üsyanı baş verir. (U.Fillips)
• Yalnız o ideyalar həqiqidir ki, daxilən yaşanıbdı. (R.Rollan)
• Yeni doğulan ideyaların yaşaya bilməsi üçün müsbət aura lazımdır. (Əbu Turxan)
• Yeni ideya vəhşi at kimidir; sənə xidmət etməsi üçün gərək əvvəlcə onu ram edəsən. (Əbu Turxan)