"Kitab" haqqında aforizmlər

Saytımızda yerləşən Aforizmlər aşağıdakı hərflərə görə qruplaşdırılıb

• Axmaqlarla oturub-durmaqdansa, kitabla tənha oturmaq yaxşıdır. (Qasım bəy Zakir)
• Az pulla böyük sərvət əldə etmək istəyirsənsə, – kitab al! (Tur Xander)

• Bir mədəniyyəti yox eləmək üçün kitabları yandırmağa gərək yoxdur. Oxumağın qarşısını alın, yetər. (R.Bredberi)
• Dünyada nə qədər kitab var belə
Çalışıb əlləşib gətirdim ələ
Oxudum, oxudum, sonra da vardım
Hər gizli xəznədən bir dürr çıxardım. (Nizami Gəncəvi)
• Ən yaxşı kitab sənin qəlbini vərəqləyən kitabdır. (Əbu Turxan)
• Hər bir kitab yazıldığı mövzu barəsində sizə tamlığı ilə kömək edəcək bir enerjiyə sahibdir. Oxumadığınız kitab isə sizə yardım edə bilməyəcəkdir. (Rövşən Abdullaoğlu)
• Hər kitab özü bir xəzinə olmaqla yanaşı, həm də neçə-neçə başqa xəzinələrə açardır.. (Əbu Turxan)

• İdmanın bədənə göstərdiyi təsiri kitab beyinə göstərir. (E. Hant)
• İki dəfə oxunmağa layiq olmayan kitabı heç bir dəfə də oxumağa dəyməz. (K.Veber)
• İki kitab... bir insanın taleyini dəyişmək üçün necə də kifayət imiş. Sadəcə iki kitab.... (Rövşən Abdullaoğlu)
• Kitab bir nəslin digər nəslə mənəvi vəsiyyətidir. (A.İ.Gertsen)
• Kitabı müəllif, onun aqibətini isə cəmiyyət yaradır. (Viktor Hüqo)
• Kitablar bizi ötən əsrlərin varisi edir. (Nəcəf bəy Vəzirov)
• Kitablar qocalıqda ən yaxşı dost, cavanlıqda ən yaxşı rəhbərdirlər. (Smayls)
• Ordu torpaqları, kitab könülləri fəth edir. (Əbu Turxan)
• Pis kitab da bizi pis yoldaşlar kimi korlayır. (Fildinq)
• Yalnız qəlbimizdəki suallara cavab verən şeyləri oxumaq lazımdır. (Lev Tolstoy)
• Yaxşı ki, cahillər kitab oxumurlar.
Yoxsa kitab nüfuzdan düşərdi. (Cəlaləddin Rumi)
• Yaxşı kitab çox qiymətli xəzinədir. (Həsən bəy Zərdabi )

Dostlarınla Paylaş

Saytda 112 nəfər