Atalar Sözləri və Məsəllər

• Eşq üçün tökülən göz yaşı ilə savaşda axan qanı heç bir şey əvəz edə bilməz. (Fransız atalar sözləri)

• Eyni çayda iki dəfə yuyunulmaz. (Yunan atalar sözləri)

• Eşqin yumruğu üzüm kimi şirindir. (Afrika atalar sözü)

• Evində dinc olmaq istəyirsənsə, yoldaşının bütün istədiklərini et. (Afrika atalar sözü)

• Evlilik qala kimidir, xaricindəkilər girməyə, içindəkilər çıxmağa məşğul olarlar. (Çin atalar sözləri)

• Erkən qalxmayan arvad, söz dinləməyən övlad, mahbuzla getməyən at qapında varsa qaldır at. (Çin atalar sözləri)

• Elə arxalananın kürəyi yerə dəyməz

• El sevəni el sevər

• El bir olsa – dağ oynadar yerindən,
söz bir olsa, zərbi kərən sındırar.

• Elçidən söz alarlar, düşmandan göz.

• Eli dağlamaq olmaz,
Ağzın bağlamaq olmaz.

• Elmin gücü,
Yıxar bürcü.

• El tutanı ər tutar,
Ər atanı el atar.

• Eyni güldən ilan zəhər, arı bal çəkər.

• El elə dayanıb, tənbəl indi oyanıb.

• El gözü tərəzidir.

• Elnən gələn toy-bayramdır.

• Eşşəyə min ata çatana qədər.

• Eşqin gözü kordur.

• El üçün ağlayan gözdən olar

• Edən qurtuldu, diyən tutuldu.

• Ev alma, qonşu al.

• El gözünü dil açar.

• Eşəyə quyruq, öküzə buynuz, ağır olmaz.

• Eşq ağladır, dərd söylədir.

• Eşşək qaçdı, ip uzandı.

• Eşşəyin hesabı başqa, eşşəkçinin ki başqa.

• Evdəki qızın gözü qapıda, doymamış itin qulağı.

• El dediyin kimindir, dil dediyin elindi.

• El elə sığar, ev evə sığmaz.

• El qazanı ilə, aşın qaynamaz.

• El qulağı, su tutmaz.

• Eşqin gözü kor olur, qulağı kar.

• Eşşəyin qədrin atdan düşəndən sor.

• Ev almadan, qonşunu tap (tanı).

• Evi quran balta, dışarda qalar.

• Evi daraldan qonaq olsun, qonağı daraldan, dilin olmasın.

• Evin aşağısıda olur yuxarısıda.

• Evi yığanda arvaddı, yıxanda.

• El çarəsız olmaz, mərd yarasız olmaz.

• El ağzı, çuval ağzı, yel ağzı.

• El ağzına baxan, qadının tez boşar.

• El ağzına "ələk" tutulmaz.

• El ağzında, bir söz əkən, yüzün dəyər.

• El alır qız, "quda" qazanır, mən aldım qız, "qada" qazandım.

• El atı tez yorular.

• Eldən gəlsə məlamət, qalanmazsan səlamət.

• Eldən qalan dil olsun, seldən qalan iz olsun. oddan qalan kül olsun.

• Elə fırıldaq gəlib ki, fırlana fırlana qalmışıq.

• Elə günə düşüb ki burnun ucu titrəyir.

• Elin ağzı torba deyil ki büzəsən.

• Elinə ağlayan qalmır, elindən yazan qalır.

• Erkən qalxan, erkən çatar evinə.

• Ertə namaz gec namaz, ağılda qoyun qalmaz.

• Ertə qanmayan gec qanmaz, gec qanmayan, heç qanmaz.

• Ehsan verin, rəhmət aparın

• El yaxşı, biz yaman, el buğda, biz saman.

• El içində – əmioğlu; əmioğlu içində – qardaş.

• El el ilə keçinmiş, qardaş qardaş ilə keçinməmiş.

• Evli evdə yatar, qərib harda axşamlar?

• Eşşək başı ağırlıq (hörmət) götürməz.

• El bir olsa zərbi kərən sındırar.

• Eşşək nə eşşək - tükü məxmər, incə kəmər, üzü qəmər, yerişi at, üstündə yat, belinə min, evinə çat.

• Eşitmək hara, görmək hara.

• Eşşək nə bilir zəfəran nədir?

• El çalışar, yer sevinər.
Yer barlanar, el sevinər.

• El qapısı – həkim qapısı.

• El qapısı gec açılar, güc açılar.

• Eşşəyin üzünü yuyanda külək qopar.

• Elə yerdə otur ki, altına su çıxmasın.

• Elə yerdə ev salmışam ki, yıxılanda vay deyəm.

• Elə yeməyin belə də qusmağı olar.

• Elə ye ki, həmişə yeyəsən.

• Elə ye ki, dişlərinə zərər eləməsin.

• Elə iş tut ki, içindən qənbərqulu çıxmasın.

• Elə zılxın (çuğundurun) belə qazanı olar.

• Elə elə ki, nə şiş yansın, nə kabab.

• Elə elə ki, bir də bazara şor satan gəlsin.

• Elə don geymək gərək ki, yamağı evdə tapıla.

• Elə qırmızıdır ki, toxum xoruzuna oxşayır.

• Elə qazanın belə də aşı olar.

• Elə qazana, belə çuğundur gərək.

• Elə vurram beş gedərsən.

• Elə bir daşdır ki, götürən də peşmandır, götürməyən də.

• Elə bilirsən qara gözünə aşiq olub?

• Elə bilir yuxa arasında halvadır.

• Elə bil daşdan talaşa qopub.

• Elə bil üstümdən dağ götürüldü.

• Elə bil tükün oda tutdular.

• Elə bil kilsəyə bir daş atdım.

• Elə bil ölü qəbirdən xortdayıb.

• Elə bil odun üstə su töküblər.

• Elə bil malakan xəncər bağlayıb.

• Elə bil yumurta üstə oturub.

• Elə bil dənizdə üzən gəmidir.

• Elə bil dədəsini mən öldürmüşəm.

• Elə bil dalınca atlı salıblar.

• Elə bil qurbağa gölünə daş atdılar.

• Elə bil buz baltasıdır.

• Elə bil balıq ağzıdır.

• Elə bağın belə də meyvəsi olar.

• Elə atadan belə oğul?

• Elə allam, eşşəkdən palan alan kimi!

• Elin tutduğu quşun quyruğu qısa olar.

• Elin tərəzisi yoxdur.

• Elin sözünə baxan ac qalmaz.

• Elin sözü əvvəl-axır düz olar.

• Elin sözü daşı yeridər.

• Elin gücü, yelin gücü, selin gücü – güclü olar.

• Elin gücü – tufan gücü.

• Elin gözü daşı əridər.

• Elin atdığı daş uzaq gedər.

• Eli olmayanın dili də olmaz.

• Elə gedən əliboş qayıtmaz.

• Elə kor deyən özü badamgözlüdür?

• Elə iynə sancmaq istəyən əvvəlcə özünə sancar.

• Elə edən, sənə də edər.

• Elə arxalanan igid başa çatar.

• Eldən-elə, dildən-dilə, kim gülə, kim gülməyə.

• Eldən dərs alan Loğman olar.

• Eldə xəbər çox olar.

• Eldə olan bəydə olmaz.

• El şamı daim yanar.

• El çalan zurnanın səsi uzaqdan gələr.

• El hümmətlə, quş qanadla.

• El hər qalın bostan qırağına gəlməz.

• El hara, sən də ora.

• El sözü – atalar sözüdür.

• El sözü – ata nəsihətidir.

• El səsi – haqq səsi.

• El sevəni aləm sevər.

• El salan körpüdən hamı keçər.

• El sağolunu qazandın, el sağolundan özünü gözlə.

• El öz dəlisini yaxşı tanıyar.

• El od başına yığılar.

• El oğlu yumurtaya qulp qoyar.

• El nəğməsini eldən öyrənərlər.

• El namusu elə düşər.

• El mahnısı – yallı səsi.

• El malını qoru öz malın kimi.

• El malına göz tikmə, özün qazan, özün ye.

• El malına göz tikən, gözsüz qalar.

• El malına kəm baxan, malsız-davarsız qalar.

• El malı ilə dost qazanılmaz.

• El gücü güclü olar.

• El gözüylə dünya görünməz.

• El gözü aydın görər.

• El köçdü, sən də köç.

• El kisəsindən dəvələr sənə qurban.

• El keçən körpüdən sən də keç.

• El yumruğunu görməyən, öz yumruğunu batman sanar.

• El yaxşılığın unutma.

• El el üstə sığınar.

• El ağzı – çuval ağzı.

• El içində ol, el içində öl.

• El ipilə quyuya düşən, quyuda qalar.

• El ilə qara gün bayramdır.

• El ilə bir ağla, el ilə bir gül.

• El ilə allahu-əkbər.

• El igidləri ilə tanınar.

• El elin itgisini bayatı oxuya-oxuya axtarar.

• El elin aynası – batmanı, tarazısı.

• El el ilə, dəyirman yel ilə.

• El eybini sənə deyən, sənin də eybini elə deyər.

• El dəlisin çölə atmaz.

• El dəli olanda mollaya gedər, molla dəli olanda hara gedər?

• El dağlara dayanıb, çıraqlı indi oyanıb.

• El qızına inanmaq olmaz.

• El qalxdı, sən də qalx.

• El qazanı ilə aş qaynamaz.

• El qabağı – yel qabağı.

• El bərəkallahı qarın cırar.

• El atanı haqq da atar.

• El atanı – ər atar, el tutanı – ər tutar.

• El atan daşa güc çatmaz.

• El arasında it quyruğu kəsməzlər.

• El ayranı yanğını soyutmaz.

• El adamı igid deyə candan edər, comərd deyə maldan edər.

• El ağzında bir sözün yüz rəngi var.

• El ağzına baxan, qarısını tez boşar.

• El ağzı ilə şorba içilməz.

• El oğzı – çuval ağzı.

• El ağzı torba deyil ki, büzəsən!

• El ağzı kəramətdir.

• El ağzı – yel ağzı.

• El ağzı ilə quş tutulmaz.

• Eyməçiyə (qatıqçıya) doşab göstərməzlər.

• Eyibsiz gözəl olmaz, ay üzündə də ləkə var.

• Eyibsiz yar axtaran, yarsız qalar.

• Eyibsiz dost axtaran, dostsuz qalar.

• Eyibli söz danışma.

• Eyibli eybini bilsə, başına kilim örtər.

• Eybini bilən, özgəyə eyib eyləməz.

• Eyib tapır özgəyə, bir baxmayır güzgüyə.

• Eyibi eylər eybəcər, soğanı yeyər dərdəcər.

• Eyib eləmə eybəcərin eybinə, eyib edirsən öz- eybinə eybi yox.

• Ey cüt yatan bəxtəvər, demirsən bir tək də var?

• Ey fələk, batmanı eylədin çərək, hamıya verdin qovun, qarpız, mənə erdin yelpənək.

• Ey özü-özünü bəyənmiş, qoy səni el bəyənsin.

• Ey yar, gəl bağrımı yar, gör içində nələr var.

• Ey əmmamə, gör qayış nə çəkir?

• Evsizə qız verməzlər.

• Evli evində gərək.

• Evlərə gedən qızın dili altında qənd gərək.

• Evlərə gedən qızın: qulaqları kar, dili lal, gözləri kor gərək.

• Evlərə gedən qızın başı qovğalı olar.

• Evlər damı isti sacdır, davam gətirən oturar.

• Evlər ayrı, qayğılar ayrı.

• Evlənmək su içmək deyil.

• Evlənənlə ev tikənin köməkçisi çox olar.

• Evlənən göz-qulaqda olar.

• Evlənən evdar olar.

• Evində tapmaz bir çürük darı, bardaş qurub oturar hamıdan yuxarı.

• Evində yatır, yuxuda Həzrəti Suleymanı görür.

• Evində dəlik, belində yara, yar sirrini ellərdə ara.

• Evin olsun avardan, od düşsün gilavardan!

• Evin minarə dibində olsa da, qulağın səs eşitməz.

• Evin yıxılsın Müşküllü Məmməd, ayının böyüyünü burada qoyub gedib meşədə axtarır.

• Evin yaraşığı uşaqdır, süfrənin yaraşığı – qonaq.

• Evin yaraşığı gəlindir.

• Evin iti ol, kiçiyi olma.

• Evin bəzəyi ocaqdır.

• Evimizə gəldi qonaq vay dədəm vay, dədəm vay, olaydı yumurta, bişirəydim qayqanaq, vay tava dərdi, yağ da yoxdur !

• Evi odlanan mən əli kösövlü sən.

• Evi yoxdur, qapı axtarır.

• Evi abad edən arvaddır.

• Evi abad al, bağı – bərbad.

• Evə girirəm qarı döyür, bayıra çıxıram – tanrı.

• Evdir, aşağısı da olar, yuxarısı da.

• Evdən qabaq qonşu axtar.

• Evdəki hesab bayıra çıxmaz.

• Evdə öz başını bağlaya bilmir, toyda gəlin başı bağlayır.

• Evdə gəlinim olsun, bayırda – yeznəm.

• Evdə div olur, çöldə divanə, Evdə xoruz olur, bayırda toyuq.

• Evdə qonaq olanda uşağa acıqlanmazlar.

• Evdə bişməyib, qonşudan gəlməyib.

• Ev şamdan işıqlanar, baş – bilikdən.

• Ev xoruzudur(pəhləvanıdır).

• Ev tikən balta çöldə qalar.

• Ev təzə, divar təzə, ələyim, səni hardan asım?

• Ev süpürürəm, yer salaram, kimin qızından dala qalaram?

• Ev sözsüz olmaz, meşə çaqqalsız.

• Ev dağılsa tiri qalar, kalafa uçsa – yeri.

• Ev buzovundan öküz olmaz.

• Ev böyüksüz olmasın.

• Ev bizə qaldı desənə, halva bişibdir – yesənə.

• Ev bağda , bağ dağda.

• Ev ayranı acı olar.

• Eşşəyin canı yananda atdan bərk qaçar.

• Eşşəyin hesabı başqa, eşşəkçininki başqa.

• Eşşəyin palanı eşşəyə yük olmaz.

• Eşşəyin yükü yüngül olanda oynamağı gələr.

• Eşşəyin yükü ağır olanda yiyəsi aparar.

• Eşşəyin yaşından çərçinin daşından baş çıxartmaq olmaz.

• Eşşəyin duası müstəcab olsaydı çarvadar yolda ölərdi.

• Eşşəyin qulağını uzadan uzadıb.

• Eşşəyin qulağını kəsməklə köhlən olmaz.

• Eşşəyin quyruğu kimi, nə uzanır, nə qısalır.

• Eşşəyin qarqışı töylədədir.

• Eşşəyin anqırması artıq düşəndə, yiyəsinə şıllaq atar.

• Eşşəyin anqırması özünə xoş gələr.

• Eşşəyin anqırmayanı olmaz.

• Eşşəyimin qurd dayısı.

• Eşşəyə qızıldan noxta taxsan yenə adı eşşəkdir!

• Eşşəyə qızıl yükləsən, qiyməti artmaz.

• Eşşəyə buynuz versən, vurar ölkəni dağıdar.

• Eşşəklər evdə oturub, qoduqlar sahəyə çıxıb.

• Eşşəkqulaq – qabanbaş, heç görmüsən yeriyə daş?

• Eşşək üstə qəmə bağlayana gülərlər.

• Eşşək üstən düşən olmuşdu, heç bunun kimisi olmamışdı.

• Eşşək tapılanda yük vuran çox olar.

• Eşşək palçığa batandan sonra yol göstərən çox olar.

• Eşşək palçığa batan, yiyəsindən qeyrətlisi tapılmaz.

• Eşşək olasan, çulun bu qədər nazik?

• Eşşək olan qulaqların sallasın, nalbənd gəlib ayaqların nallasın.

• Eşşək olsa da özümüzünküdür.

• Eşşək nədir, döşək nədir.

• Eşşək nə bilir xurmanın dadını?

• Eşşək Məkkəyə getməklə hacı olmaz.

• Eşşək yük altında anqırmaz.

• Eşşək ya oduna gedər, ya suya.

• Eşşək eşşəyə uzunqullaq deyər.

• Eşşək dağda ölər, sorağı evə gələr.

• Eşşək qaçıb, palanı qalıb.

• Eşşək böyük, palanı kiçik.

• Eşşək bozdur, dəyirmana getməz.

• Eşşək at yerini verməz, ciyər – ət yerini.

• Eşşək anqıranda itin başı ağrıyar.

• Eşşəyə minib, eşşəyi axtarır.

• Eşşəyə min, piyada qalma.

• Eşşəyə min, baxtın açılsın.

• Eşşək aldım qatır çıxdı.

• Eşitmişəm, görməmişəm.

• Eşitmək görməyə bənzəməz.

• Eşitmək istəmədiyini özgəsinə eşitdirmə.

• Eşitdiyini unut, gördüyünü demə.

• Eşik qar, içəri dar.

• Eşidən görənə xəbər verir.

• Eşqin tərs-avandı olmaz.

• Eşqi topuğuna vurub.

• Eşq bir dəryadır, üzmək bilməyən bu dəryada boğular.

• Eşq ağladar, dərd göynədər.

• Ehtiyatı əldən vermə.

• Ehtiyatlı qoyunu qurd yeməz.

• Ehtiyat şərtdəndir.

• Ehtiyat ən böyük qoçaqlıqdır.

• Ertəykən əkən, erkən də biçər.

• Ertəyə qalan, arxaya qalar.

• Erkək itin qarnı tox gərək.

• Erkək eşşək, yanı qoduqlu?

• Erkək eşşəyin altında bala axtarır.

• Erkək quşun yuvası olmaz.

• Erkək quş ötər, dişi quş yuva tikər.

• Erkək balıqdan da yaşınır.

• Erkək atın yəhəri yırtıq olar.

• Erkək aslan şirdir, dişi aslan şir deyil?

• Enişin yoxuşu, yoxuşun da enişi var.

• Elçiyə yox cavabı verməzlər.

• Elçiyə zaval yoxdur.

• Elçi çox olar, qismət bir.

• Elmsiz adam – ruhsuz cəsəd.

• Elmsiz adam meyvəsiz ağac kimidir.

• Elmli qazıya şahid lazım deyil.

• Elmli adam cürətli olar.

• Elminə əməl etməyən alim, əlində çıraq gəzdirən kora bənzər.

• Elm öyrən beşikdən qəbrəcən.

• Elm sahibinə böyük zinətdir.

• Elm para ilə yox, çalışmaq ilə ələ gələr.

• Elm oxumaq – iynə ilə gor qazımaq deməkdir.

• Elm mərtəbəsi uca olar.

• Elm var ki, - rəndədir, adamı hamarlayır.

• Elm insana böyük mirasdır.

• Elm zəhmət ilə ələ gələr.

• Elm bir xəzinədir, nə qədər sərf edərsən, o qədər artar.

• Elm adama zinətdir.

• Elm ağlın çırağıdır.

• Ellərə gülən canım, indi olmuşam el gülüncü.

• Ellərə gülən canım, el mənə gülən oldu.

• Ellər nə gözəl məsəl demişlər: Dünyanı mürur ilə yemişlər!

• Ellər köçər, dağlar qalar.

• Ellər bizə, biz ellərə.

• Elə tikə götür ki, uda biləsən.

• Elə çömçənin belə də qazanı olar.

• Elə çobanın belə də sürüsü olar.

• Elə hürəyən itdən, belə zınqıldayan tula olar.

• Elə söz deyir ki, bişmiş toyuğun gülməyi gəlir.

• Elə söz de ki, kalı tökülsün, dəymişi qalsın.

• Evlənərkən qulaqlarına yox, gözlərinə inan.

• El çalan zurnanın səsi uzağa gedər.

• El harda, sən də orda.

• El tikəni yel yıxa bilməz.

• Elsiz dağ viranədir.

• El öz dəlisini tanıyar.

• El oğrusuz, çöl qurdsuz olmaz.

• Ellərə gülən canım - indi olub el gülüncü.

• El gücü, yel gücü, sel gücü.

• El gücü, sel gücü.

• El gözündən düşən gözsüz qalar.

• El gözündən düşən boy atmaz.

• El köçdü, oba qaldı.

• El keçən körpüdən qorxma, sən də keç.

• Elin oğlu yumurtaya qulp taxar.

• Elin gücü bir olsa, düşməni dara çəkər.

• Elin gözü sərraf olar.

• Elin eybini saxlamayan, sənin də eybini saxlamaz.

• Elimə qalsın, günümə qalmasın.

• Eli dağlamaq olmaz, Ağzın bağlamaq olmaz.

• Elə arxalanan igidin, arxası yerə dəyməz.

• El elin aynasıdır.

• El elə sığışar, ev evə sığışmaz.

• El dəlisini çölə atmaz.

• El qapısı həm gec, həm güc açılar.

• El tutanı ər tutar, Ər atanı el atar.

• El atan daşa güc düşməz.

• El atan daş dağdan aşar.

• El arxası çəmən olar.

• El ağzı faldır.

• El ağzını bağlamaq olmaz.

• Ey öz-özünü bəyənən, qoy səni el bəyənsin.

• Eşit, inanma.

• Elə bil biyara gedir.

• Eşşək palçığa bir dəfə batar.

• Elə elə ki, nə şiş yansın, nə kəbab.

• Elə yerdə otur, altına su çıxmasın.

• Elə bilir yuxa arasında halva var.

• Eyibli öz eybini bilsə, başına kilim örtər.

• Elmin gücü, Yıxar bürcü.

• Elm ağılın çırağıdır.

• Eşitdiyinə inanma, gördüyünə inan.

• Ehtiyatlı oğulun anası ağlamaz.

• Ehtiyat igidin yaraşığıdır.

• Ev bizim, sirr bizim.

• Evlilik, bir qala kimidir. Çöldəkilər oraya girmək üçün,içindəkilər də çölə çıxmaq üçün məşğul olar dayanarlar. (Tay atalar sözləri)

• Etimad idarəyə mane deyil. (Alman atalar sözləri)

• Eşqdə və döyüşdə hər şey mübahdır. (Alman atalar sözləri)

• Eşq gözlərdən başlar (Rus Atalar Sözləri)