İnuyama qəsri
İnuyama qəsri (犬山城, İnuyama-co?) – Yaponiyanın Ayçi prefekturasının İnuyama şəhərində yerləşən qəsr. Kiso çayının yaxınlığında, Aiçi və Gifu prefekturalarının sərhədində yerləşir. İnuyama qəsrinin 1580-ci illərdə tikilmiş tenşusu Yaponiyadakı orijinal 12 tenşudan biridir və Yaponiyada salamat qalmış ən qədim tenşu hesab olunur. Qəsr 2018-ci ildə Milli tarixi yer statusu almışdır.[1]
| İnuyama qəsri | |
|---|---|
| 犬山城 | |
İnuyama, Aiçi prefekturası ( Yaponiya) | |
 | |
| Hündürlüyü | 19 metr |
| Tikinti yerinin tarixi | |
| Tikilib | 1537 |
| İnşaatçı | Oda Hiroçika |
 Vikianbarda əlaqəli mediafayllar
| |
Tarix redaktə
Qəsr tikilməzdən qabaq ərazisində Haritsuna məbədi yerləşirdi. Struktur Muromaçi dövründə bir çox dəfə yenidən tikilsə də, hazırkı quruluşunun böyük qismi Oda Nobunaqanın oğlu Oda Nobukatsunun işidir. Tenşuda istifadə olunmuş qədim stil və tikinti materiallarındakı ağac halqaları tenşunun 1580-ci illərdə tikildiyini və Yaponiyada ən qədim tenşu olduğunu göstərir.[2] Qəsrin tikintisi və bərpa işləri 1620-ci ilə kimi davam etmişdir.[3]
İnuyama qəsri Oda Nobunaqanın Ovari əyalətini birləşdirmək hərəkatı zamanı qarşısındakı sonuncu əngəl idi. 1560-cı ildə Nobunaqa İmaqava klanını Okehazama döyüşündə məğlub etdikdən sonra qohumu Oda Nobukiyo Sayto Yoşitatsunun dəstəyi ilə qəsri ələ keçirmişdir. 1564-cü ildə Nobunaqa qəsri yenidən tutmuşdur. Nobunaqanın ölümündən sonra Toyotomi Hideyoşi İşikava Sadakiyonu qəsrin hakimi təyin etmişdir. İşikava dövrün dizaynından istifadə edərək qəsrin müdafiə qurğularını yenidən tikdirmişdir. Donjonun hazırkı forması onun rekonstruksiyasının məhsuludur. Sekiqahara döyüşündə sonra Tokuqava İeyasu İşikava klanını qovmuş və qəsri Ovari hanına vermişdir.
Tokuqava dövründə qəsr Naruse klanı tərəfindən idarə olunmuşdur. 1871-ci ildə Meyci hökuməti qəsri ələ keçirmiş və tenşusu istisna olmaqla bütün strukturlarını məhv etmidir. Lakin Böyük Nobi zəlzələsi qəsrə böyük zərər vurmuş və 1895-ci ildə qəsr Naruse ailəsinə qaytarılmışdır. Müqaviləyə əsasən Naruse ailəsinə qəsri bərpa etmək və baxmaq öhdəliyi verilmişdir. Qəsr Yaponiyada hökumət tərəfindən nəzarət olunmayan yeganə qəsr olmuşdur. 1961-1965-ci illərdə qəsrdə araşdırma və bərpa işləri aparılmışdır.[4]
2004-cü ildə Naruse ailəsi qəsrin sahibliyini bir qeyri-kommersiya təşkilatına vermişdir.
Struktur redaktə
İnuyama qəsri Kiso çayına baxan təpənin üzərində yerləşir. Qəsrin tenşusu kompleks quruluşu səbəbindən kiçikdir və bucaqdan asılı olaraq müxtəlif siluetlərdən nümayiş etdirir. İnuyama qəsrinin tenşusu Yaponiyada milli xəzinə statusu almışdır.[5]
Qalereya redaktə
-
1937-ci ilə aid fotosu. -
İnuyama qəsri və Kiso çayı. -
Qəsr şəhərciyi. -
İnuyama festivalı. -
Karakuri axını. -
Ön darvaza
İstinadlar redaktə
- ↑ "新情報". National Treasure Inuyama Castle (yapon). Inuyama Castle. 16 November 2021 tarixində arxivləşdirilib. İstifadə tarixi: 25 September 2019.
- ↑ "Inuyama Castle keep confirmed to be oldest in Japan". Washington Post (ingilis). 2021-03-30. 2021-11-16 tarixində arxivləşdirilib. İstifadə tarixi: 2021-03-31 – New Hampshire Union Leader vasitəsilə.
- ↑ Young, David and Michiko. Introduction to Japanese Architecture. Hong Kong: Periplus Editions, 2004. p100.
- ↑ Nanjō, Norio; Tatsuya Naramoto. Nihon no meijō kojō jiten (yapon). Hankyū Communications. 1989. 240. ISBN 9784484892085. 2021-10-17 tarixində arxivləşdirilib. İstifadə tarixi: 2021-08-17.
- ↑ "犬山城天守". Cultural Heritage Online (yapon). Agency for Cultural Affairs. 19 October 2021 tarixində arxivləşdirilib. İstifadə tarixi: 25 September 2018.
Xarici keçidlər redaktə
