Cəfər İbrahimov
Cəfər Məmməd oğlu İbrahimov (15 iyun 1904, Gədəbəy, Yelizavetpol qəzası – 2 mart 1977, Bakı) — Azərbaycan tarixçisi, tarix elmləri doktoru, professor.[mənbə göstərin]
| Cəfər İbrahimov | |
|---|---|
| azərb. Cəfər Məmməd oğlu İbrahimov | |
| Doğum tarixi | |
| Doğum yeri |
Gədəbəy rayonu, Kiçik Qaramurad kəndi,  Rusiya imperiyası |
| Vəfat tarixi | (72 yaşında) |
| Vəfat yeri |
Bakı, .svg){kind=small} Azərbaycan SSR |
| Vətəndaşlığı |
 SSRİ |
| Elm sahəsi | tarix |
| Elmi dərəcəsi | tarix elmləri doktoru |
| Elmi adı | professor |
| İş yeri | Azərbaycan Dövlət Pedaqoji Universiteti |
| Təhsili | ali |
| Mükafatları |
 |
Həyatı redaktə
Cəfər İbrahimov 15 iyun 1904-cü ildə Gədəbəy rayonunun Kiçik Qaramurad kəndində anadan olmuşdur. O, 1939–1940 illərdə müəllim işləmiş, 1941–1943 illərdə Bakı şəhəri Çaparidze rayon partiya komitəsində şöbə müdiri, partiya komitəsinin katibi vəzifələrində çalışmışdır. Cəfər İbrahimov 1943–1977 illərdə Azərbaycan Pedaqoji İnstitutunun Tarix fakültəsinin dekanı, SSRİ tarixi kafedrasının müdiri olmuşdur.
Cəfər İbrahimova 1972-ci ildə Azərbaycan SSR Əməkdar Elm Xadimi fəxri adı verilmişdir.
Cəfər İbrahimov 2 mart 1977-ci ildə Bakıda vəfat etmişdir.
Elmi fəaliyyəti redaktə
Cəfər İbrahimov orta əsrlər dövrü tarixinin tədqiqatçılarından idi. O, Şirvanşahlar, Qaraqoyunlular, Ağqoyunlular, Səfəvilər dövləti haqqında bir sıra qiymətli tədqiqat əsərlərinin müəllifidir.
Əsas elmi əsərləri redaktə
- Qaraqoyunlu dövləti. Bakı, 1948.
- Azərbaycanın XV əsr tarixinə dair oçerklər. Bakı, 1958.
- Феодальные государства на территории Азербайджана XV века, Баку, 1962.
Mənbə redaktə
- Azərbaycan Sovet Ensiklopediyası. IV cild, Bakı, 1980
