Four Seasons Hotel Baku
"Four Seasons Hotel Baku" — Bakı şəhərində yerləşən, Four Seasons şəbəkəsinə daxil olan hotel. Neftçilər prospekti, 1 ünvanında, İçərişəhərin yanında yerləşir.
| Four Seasons Hotel Baku | |
|---|---|
 | |
 | |
| Ümumi məlumatlar | |
| Növü | Otel |
| Ölkə | Azərbaycan |
| Şəhər | Bakı |
| Koordinatlar | 40°21′48″ şm. e. 49°50′05″ ş. u. |
| Veb-sayt | |
| fourseasons.com/baku/ | |
 Vikianbarda əlaqəli mediafayllar | |
2006-cı ilə qədər hotel binasının yerində "Tibb İşçiləri Evi" kimi tanınan,[1] 1860-cı illərdə Karl Hippius tərəfindən tikilmiş və inqilabdan əvvəl Qubernator evi kimi tanınan bina mövcud idi. 2009-cu ildə sökülən Tibb İşçiləri Evinin yerində Paşa İnşaat yeni hotelin tikintisinə başlayıb. Layihənin icraçısı ingilis ReardonSmith şirkətidir.[2] Hotel binasının tikintisi 4 il davam edib, açılışı 2012-ci il sentyabrın 3-də ölkə prezidenti İlham Əliyevin iştirakı ilə baş tutub.
Hoteldə 27-si lüks olan 171 otaq mövcuddur. Həmçinin 2 prezident otağı — Heather və Lyman mövcuddur. Hoteldə həmçinin işgüzar görüşlər üçün "Şur", "Cahargah", "Bayatı-Şiraz", "Hümayun" və "Şüştər" muğamlarının adını daşıyan 5 iclas otağı var. Hoteldə İtalyan mətbəxi olan Zafferano restoranları, çay üçün Piazza Launge, Bentley Bar və Kaspia restoran-bar mövcuddur. Banketlər üçün iki böyük zal var: "Segah" və "Rast". Ən böyük zal 500 nəfər üçün nəzərdə tutulmuş Segah zalıdır. Rast zalı isə 350 nəfər üçün nəzərdə tutulub.[3]
Oteldə təxminən 350 nəfər çalışır. Oteldə otaq qiymətləri 300 manatdan başlayır. Ən bahalısı 6000 manat olan prezident otağıdır.[4]
İstinadlar redaktə
- ↑ "Эмиль Аббасов: Я могу сыграть даже «братана» - ИНТЕРВЬЮ". Oxu.Az (rus). 28 aprel 2015. 2016-04-05 tarixində arxivləşdirilib. İstifadə tarixi: 2024-02-27.
- ↑ "В Баку будет построен элитный жилой комплекс и отель Four Seasons". РБК Недвижимость (rus). 4 avqust 2010. 2023-12-08 tarixində arxivləşdirilib. İstifadə tarixi: 2024-02-27.
- ↑ "Bakıda beşulduzlu "Four Seasons Hotel Baku"nun açılışı olmuşdur Azərbaycan Prezidenti İlham Əliyev açılış mərasimində iştirak etmişdir". AZƏRTAC. 3 sentyabr 2012. İstifadə tarixi: 27 fevral 2024.
- ↑ "Интервью с PR-менеджером открывшегося 3 сентября в Баку отеля Four Seasons Hotel Baku Айнур Мамедовой". abc.az. 2016-04-20 tarixində arxivləşdirilib. İstifadə tarixi: 2024-02-27.
