Litva Futbol Federasiyası
Litva Futbol Federasiyası (lit. Lietuvos futbolo federacija) — Litvada futbolun milli idarəetmə orqanıdır. Mərkəzi ofisi Vilnüs şəhərində yerləşir. 1922-ci ildə yaradılıb.
| Litva Futbol Federasiyası | |
|---|---|
| UEFA | |
| Yarannma tarixi | 1922 |
| FİFA üzvlüyü | 1923 |
| UEFA üzvlüyü | 1992 |
| Prezident | Tomas Danileviçius |
| Vebsayt | http://www.lff.lt |
 Vikianbarda əlaqəli mediafayllar | |
Tarix redaktə
Litvada ilk şəhərlərarası futbol matçı 1911-ci ildə keçirilib. 18 may 1919-cu ildə, Kaunas şəhərində Litva İdman Birliyi (LSS) yaradılır. 1920-ci ildə Litva İdman Birliyi futbol çempionatı təşkil etməyə çalışır, lakin bu yarışda iştirak etmək həvəsində olan komandaların sayı az olduğundan turnir baş tutmur.
1922-ci ildə Litva İdman Liqası quruldu, elə həmin ildə 10 Kaunas komandasının mübarizə apardığı ilk çempionat keçirilir. 1923-cü ildə Litva İdman Liqası müstəqil Federasiya kimi FİFA-ya üzv olur, lakin Litvanın SSRİ tərəfindən işğalı ilə əlaqədar olaraq Federasiyanın mövcudluğu dayandırılır.
Ölkə müstəqillik əldə etdikdən sonra, 1991-ci ildə Litva Futbol Federasiyası adı ilə yenidən yaradılır. 1991-ci il dekabrın 9-da FİFA üzvluyu bərpa edilir. 1992-ci il aprelin 23-dən isə UEFA-nın üzvüdür.
Fəaliyyəti redaktə
Litva Futbol Federasiyası ölkədə futbolun inkişafına və milli komandalara, o cümlədən Litva milli futbol komandasına cavabdehdir. Mərkəzi ofisi Vilnüsdə yerləşir.
Litva Futbol Federasiyasının hüquqi forması Üzvlərdən ibarət assosiasiyadır. Federasiyanın ali orqanı Konfransdır. Digər məsələlər Litva Futbol Federasiyası İcraiyyə Komitəsi tərəfindən həll edilir. Gündəlik fəaliyyətləri Baş Katibin rəhbərlik etdiyi Administrasiya həyata keçirir.[1]
Federasiyanın, 10 regional futbol assosiasiyası və 10 filial assosiasiyası olmaqla 20 üzvü var.[2]
Regional Federasiyalar:
- Vilnüs Rayon Futbol İttifaqı
- Kaunas Rayon Futbol Federasiyası
- Klaipėda Rayon Futbol Federasiyası
- Şiauliai County Futbol Federasiyası
- Panevezys Rayon Futbol Federasiyası
- Marijampole County Futbol Federasiyası
- Telşiai Rayon Futbol Federasiyası
- Taurage County Futbol Federasiyası
- Alytus Rayon Futbol Federasiyası
- Utena Rayon Futbol Federasiyası
Filial birlikləri
- Litva Futbol Hakimləri Assosiasiyası
- Litva xalq futbol assosiasiyası
- Litva Qadın Futbol Assosiasiyası
- Litva Qapalı və Çimərlik Futbolu Assosiasiyası
- Futbol Məşqçiləri Tədris Birliyi
- Litva Uşaq və Gənclər Təhsili Futbol Assosiasiyası
- Litva Futbol Klubları Assosiasiyası A Liqası
- Litva Tələbə Futbol Liqası
- Litva Futbolçular İttifaqı
- "Litva Futbol Klubları İttifaqı" Assosiasiyası (Birinci Liqa)
İstinadlar redaktə
- ↑ "Arxivlənmiş surət". 2022-08-10 tarixində arxivləşdirilib. İstifadə tarixi: 2023-05-06.
- ↑ https://lff.lt/federacija/struktura/asociacijos/ Arxivləşdirilib 2022-05-04 at the Wayback Machine
