Tarixi-sənədli film Oktyabr inqilabının qələbəsindən sonra Azərbaycanın keçdiyi yolu işıqlandırır. Filmin əvvəlində sahibsiz qalmış neft mədənləri, fəhlə-neftçilərin ağır yaşayış şəraiti, sökülüb dağıdılmış parovozlar, yoxsul bazarlar və aclıq çəkən xalqın ağır güzəranı göstərilir. Sonra ekranda XI Qırmızı Ordunun təntənəli paradı əks olunur.

Filmdə sənaye və kənd təsərrüfatı sahələrində yenidənqurma işləri, konserv zavodunun tikintisi, pambıqçılğın inkişaf etdirilməsi, İliç buxtasının doldurulması, Əli Bayramov adına ilk qadınlar klubunun işi, bu klubun əsasını qoyan Ceyran xanım Bayramova, Səriyyə Xəlilovanın təşkilatçılığı öz əksini tapmışdır.

Oktyabr inqilabının X ildönümünün bayram edilməsi günü keçirilən parad və zəhmətkeşlərin nümayişi də filmə daxil edilmişdir.

Kinolentdə arxiv materiallarından geniş istifadə edilmişdir.

Filmin üzərində işləyənlər redaktə

Rejissor: Mikayıl Mikayılov

Ssenari müəllifi: Mikayıl Mikayılov

Operator: İvan Tartakovski

• Ведомости НКП. "Азербайджанское киностроительство", стр. 6. Газ. "Кино" 28 февраля 1928 года.
• Azərbaycan SSR Elmlər Akademiyası. Memarlıq və İncəsənət İnstitutu. Nazim Sadıxov. Azərbaycan bədii kinosu (1920-1935-ci illər). Bakı: Elm, 1970.
• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 29.