Proxodna mağarası
Proxodna mağarası (bolq. Проходна) – Bolqarıstanın Loveç vilayətinin Lukovit bələdiyyəsinin Karlukovo kəndinin yaxınlığında, İskar dərəsində yerləşən karst mağarası. Mağara tavanındakı Tanrının gözləri adlı iki gözəbənzər dəliyi ilə məşhurdur.
| Proxodna | |
|---|---|
| Проходна | |
 Tanrının gözləri. | |
| Ümumi məlumatlar | |
| Uzunluğu | 262 m |
| Kəşf tarixi | 1962 |
| Tipi | karst |
| Giriş sayı | 2 |
| Ziyarətçilər üçün əlçatılan | bəli |
| Yerləşməsi | |
| 43°10′33″ şm. e. 24°04′23″ ş. u. | |
| Ölkə | |
|
|
|
 Vikianbarda əlaqəli mediafayllar | |
Haqqında redaktə
Proxodna mağarası Karlukova dərəsində yerləşən məşhur görməli yerlərdən biridir. Həmin region Bolqarıstanda ən böyük karst regionlarından biridir və speleologiya üçün populyar məkandır.[1] Dördüncü dövrdə formalaşan Proxodna mağarası 262 metr uzunluğundadır və Bolqarıstandakı ən uzun mağara keçididir. Mağaranın iki girişi var və girişlər qarşı tərəflərdə yerləşir. Girişlər, uyğun olaraq, Böyük giriş və Kiçik giriş adlanır. Kiçik giriş 35 metr hündürlüyündə, Böyük giriş 42,5-45 metr hündürlüyündədir.[2] Mağaranın adı bolqar dilindən tərcümədə "Keçid mağarası" deməkdir.[3] Mağarada müxtəlif idman fəaliyyətləri də təşkil olunur.[4] Proxodna mağarasının qədim dövrlərdə insanlar tərəfindən Neolit və Mis dövrlərində məskunlaşıldığı güman olunur.[3]
Mağara Karlukovadan 2 kilomet uzaqlıqda yerləşir. Mağaraya Rumyantsevodan da çatmaq mümkündür və Kiçik girişin yanında avtomobil dayanacağı yerləşir. Proxodna mağarasının yaxınlığında daha uzun olan Temnata Dupka mağarası var.[3]
Tanrının gözləri redaktə
Proxodna mağarası tavanda yerləşən, bərabərölçülü, iki gözəbənzər dəliyi ilə məşhurdur. Eroziyadan yaranan bu dəliklər mağaranın işıqlanmasına səbəb olur. Quruluş Tanrının gözləri kimi tanınır. 1988-ci ilə aid "Zorakılıq vaxtı" bolqar filmində rahib bu gözlərin altında ibadət edir.[5]
Qalereya redaktə
.jpg)
.jpg)
İstinadlar redaktə
- ↑ Стоянова, Оля. "Карлуково — пещери, скални халки и църкви". Дневник (Bulgarian). Икономедиа. 2003-07-10. 2016-03-03 tarixində arxivləşdirilib. İstifadə tarixi: 16 January 2011.
- ↑ Popov, Alexi. Biogeography and ecology of Bulgaria. Springer. 2007. səh. 496. ISBN 978-1-4020-4417-5.
- ↑ 1 2 3 "Проходна пещера – "Очите на Бога"" (Bulgarian). Razhodka.com. 25 February 2013 tarixində arxivləşdirilib. İstifadə tarixi: 16 January 2011.
- ↑ "Бънджи скокове" (Bulgarian). Journey.bg. 4 March 2016 tarixində orijinalından arxivləşdirilib. İstifadə tarixi: 16 January 2011.
- ↑ Ягодова, Весела; Сава Чанкова. "Какво още". Light (Bulgarian). Икономедиа. 2010-07-27. 2021-05-16 tarixində arxivləşdirilib. İstifadə tarixi: 16 January 2011.
