Sorb Gimnaziyası Bautzen (y.sorb Serbski gymnazij Budyšin , alm. Sorbisches Gymnasium Bautzen) — Almaniyanın Bautzen şəhərində Fridrix List Ştrase üzərində yerləşən orta təhsil müəssisəsidi. Almaniyada tədrisin tamamilə Yuxarı Sorb dilində aparıldığı yeganə orta məktəbdi.[1]
| Sorb Gimnaziyası Bautzen | |
|---|---|
| y.sorb Serbski gymnazij Budyšin , alm. Sorbisches Gymnasium Bautzen | |
 | |
 | |
| 51°11′10″ şm. e. 14°26′07″ ş. u.HGYO | |
| Əsası qoyulub | 1947 |
| Şəhər | Bautzen |
| Ölkə | |
| Ünvan | Fridrix List Ştrase 8 |
| Sayt | serbski-gymnazij.de/.. |
 Vikianbarda əlaqəli mediafayllar | |
Tarixi
redaktəSorb Gimnaziyasının əsası 1947-ci il sentyabrın 1-də Bautzen şəhərində qoyulub. Əvvəlcə Sorb Gimnaziyası İkinci Dünya müharibəsi zamanı ciddi zədələnmiş Katolik Ali Pedaqoji Məktəbində yerləşirdi. 1937-ci ildə Pedaqoji Məktəb bağlandıqdan sonra həmin binada Gömrük Məktəbi yerləşdi. Müharibə illərində bina hərbi hospital olub. Sorb gimnaziyası yarandığı ilk dövrdən internat məktəbi xarakteri daşıyırdı və ucqar kəndlərindən şagirdləri qəbul edirdi. Binada həmçinin Sorb Müəllimləri Təkmilləşdirmə İnstitutu yerləşirdi. 1960-cı ildən Sorb Gimnaziyasının filialı 60-a yaxın oğlanın yaşadığı Radibora malikanəsində yerləşirdi. 1949-cu ildən Sorb Gimnaziyasında gənclər ansamblı, uşaq xoru və orkestr fəaliyyət göstərir. 2007-2008-ci illərdə Sorbiya Gimnaziyasının binası təmir edilmişdir. O vaxtdan bəri binada Sorb uşaqları üçün ibtidai məktəb yerləşir. 2012-ci ilə kimi Sorbiya Gimnaziyasını 2700-ə yaxın şagird bitirib. Dərslər hal-hazırda yuxarı sorb dili bacarıqlarına əsasən A və B qruplarına bölünür. A qrupu siniflərində əksər fənlər yuxarı sorb dilində tədris olunur. B qrupu sinifləri Alman və Yuxarı sorb dillərini bərabər bilən uşaqlar üçündür. Tələbələrin seçimi ilə fransız, ingilis, çex və rus dilləri tədris olunur.[2]
Tanınmış müəllimləri
redaktə- Frido Metschk - 1949-1955-ci illərdə gimnaziyanın ilk direktoru
- Jan Buk Lusatian - rəssamıdır
- Bogna Koreng - Sorb televiziya aparıcısıdır.
- Merana Tsushtsyna - Sorb yazıçısı və şairəsidir.
Tanınmış məzunları
redaktə- Yan Bulank (1931-2002) - bəstəkar və xor dirijoru
- Klaus Thielmann (* 1933) - həkim, GDR Səhiyyə Naziri
- Jan Pol Nagel (1934-1997) - bəstəkar
- Sieghard Kosel (1939-cu il təvəllüdlü) - jurnalist və siyasətçi
- Gabriele Virth (* 1943) - diş həkimi və siyasətçi
- Benno Budar (1946-cı il təvəllüdlü) - jurnalist
- Toni Bruk (1947-2020) - kinorejissor və prodüser
- Ludvig Noack (1947-1996) - pedaqoq və siyasətçi
- Angela Stachova (1948-2022) - yazıçı və siyasətçi
- Stanislav Tillich (1959-cu il təvəllüdlü) - texnik, Saksoniyanın baş naziri
- Boqna Koreng (1965-ci il təvəllüdlü) - teleaparıcı
- Gabriela Maria Şhmeide (1965-ci il təvəllüdlü) - aktrisa
- Heiko Kosel (* 1966) - hüquqşünas
- Lubina Hajduk-Veljković (1976-cı il təvəllüdlü) - yazıçı
Mədəniyyət
redaktəGimnaziyada Sorb gənclər ansamblı (1949-cu ildən), tez-tez xaricdə qonaq olan xor orkestrı və bir sıra digər işçi qrupları fəaliyyət göstərir.
İstinadlar
redaktə- ↑ https://schuldatenbank.sachsen.de/index.php?id=100&institution_key=4140034
- ↑ "Arxivlənmiş surət". 2022-12-18 tarixində arxivləşdirilib. İstifadə tarixi: 2023-04-09.
