 |
Tatli.Biz Entertainment Portal | Lang:
|
Hamilə qadın diş çəkdirə bilərmi?
The secret of education begins with respect in the child
Hamilə qadın diş çəkdirə bilərmi?
Amerika Stomatoloji Assosiasiyasının məlumatına görə, hamiləlik zamanı qadınlar ehtiyac olduqda dişlərini çəkdirə bilərlər. Bir qadının hamiləlik dövründə diş çəkdirə bilməz fikri yanlışdır. The New York Times-ın verdiyi məlumata əsasən, hamiləlik dövründə dişin çıxarılmasının və ya digər oral terapiyanın təhlükəsiz olduğuna dair sübutlar var.
Milli Ana və Uşaq Ağız Sağlamlığı Resursu Hamiləlik dövründə Ağız Sağlamlığına dair Milli Konsensus Bəyanatında da bu fikri ifadə edib. Açıqlamada hamiləlik dövründə yerli anesteziya, ağrıkəsici dərmanlar və rentgen şüalarının təhlükəsiz olduğu qeyd edilib.
Doğulmamış körpələrin lokal anesteziyadan necə təsirləndiyini göstərmək üçün Amerika Diş Həkimləri Assosiasiyasının jurnalı birinci trimestrdə lokal anesteziyaya məruz qalmış 210 hamilə qadını və bunu heç etdirməmiş 794 hamilə qadını araşdırıb. Tədqiqatın nəticələri göstərib ki, bu qadınların hamiləliyi və doğulan körpələr arasında ciddi fərq yoxdur. Bütün doğulan körpələrin doğum çəkisi və ya doğum günündə fərqlər aşkar edilməyib.
Amma mütəxəssislərin fikrincə, hamiləlik dövründə dişlərin çəkilməsinin zamanı çox önəmlidir. Amerika Hamiləlik Assosiasiyası əsas diş prosedurlarının 3-6 ay arasında aparılmasını və vacib olmayan diş prosedurlarının doğuşdan sonrakı dövrə qədər təxirə salınmasını tövsiyə edir. Əgər həqiqətən təcili tədbirlərə ehtiyacınız varsa və diş ən qısa zamanda çəkilməlidirsə, hansı ay olmasının əhəmiyyəti yoxdur. İltihablı və ya ciddi zədələnmiş dişi mümkün qədər tez çəkdirmək həm sizin, həm də körpəniz üçün daha faydalı hesab edilir.
medicalmedia.az
