"Tez başlamalıydıq ki, gəlib qol vursunlar?" - Ramin Quliyev - İdman Xəbərləri "Tez başlamalıydıq ki, gəlib qol vursunlar?" - Ramin Quliyev - İdman Xəbərləri
Ən yeni idman xəbərləri

"Tez başlamalıydıq ki, gəlib qol vursunlar?" - Ramin Quliyev

"Tez başlamalıydıq ki, gəlib qol vursunlar?" - Ramin Quliyev

[25.04.2021]
"Tez başlamalıydıq ki, gəlib qol vursunlar?" - <b style="color:red">Ramin Quliyev</b> "Sabah”ın baş məşqçisi Ramin Quliyev Azərbaycan Premyer Liqasının 24-cü turu çərçivəsində “Neftçi”yə qarşı keçirdikləri oyunu şərh edib.

Qol.az xəbər verir ki, o, 2:2 hesabı ilə bitən matçdan sonra təşkil olunan mətbuat konfransında bunları söyləyib:
 
- Həftəboyu bu oyuna çox yaxşı hazırlaşmışdıq. "Neftçi"nin zəif və güclü tərəflərini təhlil etmişdik. Oyun əvvəldə də yaxşı gedirdi. Bu, sırf hesabda önə keçməyimizə görə deyildi.  20-25 dəqiqədən sonra gərginliyin yaranması artıq oyundan futbolçulara keçdi və ümumi matçı dəyişdi. Hakim ümumi oyunu əldən verdi. Buna baxmayaraq, qələbəyə daha çox biz layiq idik. Bu gün "Neftçi" bir xalı qazandı.
 
- Bəhlul Mustafazadə təcrübəli müdafiəçidir. Qırmızı vərəqə aldığı epizodlarda dirsəklə rəqibi vurması nə dərəcədə düzgündür?
- O, belə epizodlarda daha diqqətli olmalıdır. Epizoda baxıb, təhlil edəcəyik. Bəhlulun komandanı azlıqda qoyması xoşagəlməz hadisə idi. Ruslan Abışov təcrübəlidir. Onun meydana daxil olmasından sonra təcrübəsi özünü göstərdi.
 
- Üç qırmızı vərəqə futbolçularınızın intizamsızlığı ilə bağlıdır, yoxsa hakimliklə?
- İntizamsızlıq deməzdim. 20 dəqiqədən sonra hakimin oyunu əldən verməsi bu yerlərə gətirib çıxardı. Mən futbolçumun qırmızı vərəqə almasını hakimin boynuna yıxmıram. Epizodlara daha diqqətlə baxıb, dəyərləndirmək lazımdır.
 
- Saşa Stamenkoviçin vaxtı aparmasına münasibətiniz necədir?
- Bu gün çempionluğa oynayan komanda xal itirdi. Samir Abasovun bizim qapıçıya münasibət bildirməsini başa düşə bilmirəm. Amma harda görünüb ki, üç qırmızı vərəqədən sonra qapıçı vaxtı aparmasın? Onlar kimi biz də xal qazanmalıyıq. Nə etməliydik? Tez başlamalıydıq ki, gəlib qol vursunlar? Rəqib baş məşqçinin bizim futbolçular haqda fikir bildirməsini başa düşmürəm. Gərək biz də rəqib oyunçular haqda münasibət bildirək? (matc.az)



Dostlarınla Paylaş

Saytda 152 nəfər
Tatli.Biz
Top.Mail.Ru MobTop.az
©Tatli.Biz 2010-2022