Regionda futbol (VİDEO) - İdman Xəbərləri | Tatli.Biz
Regionda futbol (VİDEO) - İdman Xəbərləri
Ən yeni idman xəbərləri

Regionda futbol (VİDEO)

Regionda futbol (VİDEO)

[16.02.2016]
Regionda futbol (VİDEO) Lənkəranda AFFA-nın təşkilatçılığı ilə U-11, 12, 13, 14 və 15 yaşlı futbolçular arasında keçirilən sona yarışının qış fasiləsi davam edir.

Qol.Az-ın "Region TV"yə istinadən yaydığı xəbərə görə, çempionatda iştirak edən astaralı futbolçular da ikinci dövrənin hazırlığını yekunlaşdırmaq üzrədir.

Astara rayon Uşaq Gənclər İdman Məktəbinin 5 yaş qrupunda olan futbolçuları cənub bölgəsi üzrə Lənkəranda keçirilən zona yarışının ilk dövrəsini uğurla başa vurub. Komanda hər yaş qrupu üzrə turnir cədvəlinin ilk üçlüyündə qərarlaşab.
Astaralı futbolçular ikinci dövrəyə də çox ciddi hazırlaşır. Həftənin üç günü bir araya gələn azyaşlılar əsasən taktiki-texniki plan üzrə təlim keçir.
Astara rayon UGİM-in məşqçi-müəllimi Qəhrəman Mirzəyev bildirib:
 “Uşaqları hazırlaşdırdıq. Qış fasiləsində biz fürsətdən istifadə edib Bakıda turnirdə də iştirak etdik. Həmin turnirdən yaxşı nəticələrlə qayıtdıq”.
Komanda finala qədər olan mərhələni də uğurla başa vurmaq niyyətindədir. Onlar yekunda hər yaş qrupu üzrə ilk üç yerdən birini tutacağı halda finala vəsiqə qazanmaq şanslarını artıracaqlar.
Qəhrəman Mirzəyev bildirib ki, martın ortalarında Lənkəran zonası ilə Cəlilabad zonası üçlük olacaq:
"Həmin bu üçlüklər də birləşib altılıqlar olacaq. Deməli, altılıqda oynayacağıq. Bu altılıqda fikrimiz var ki, ya birinci, ya da ikinci yeri tutub, respublika çempionatının final mərhələsinə çıxaq”.
O deyib ki, artıq hər il davamlı olaraq zona yarışının keçirilməsi Astarada uşaqların futbola olan marağını artırır:
"AFFA-nın təşkil etdiyi bu futbol yarışının bizə də çox təsiri olur. Çünki bizim rayonda futbol getdikcə inkişaf edir”.
Hazırda Astara rayon Uşaq Gənclər İdman Məktəbinin yetirmələrindən “Xəzər Lənkəran”, “Qəbələ” və “Bakı” klublarında top qovan futbolçular var. Qəhrəman Mirzəyevin əsas istəyi isə futbolçularının milli komandada oynamasıdır. n onu
Q.Mirzəyev onu da deyib ki, əgər Premyer Liqada Astara komandası da olarsa, bu istiqamətdə onların işi daha da asanlaşacaq.





Dostlarınla Paylaş

Saytda 69 nəfər
Top.Mail.Ru MobTop.az
©Tatli.Biz 2010-2022