Təzyiq qaldırmaq üçün qidalar

Təzyiq qaldırmaq üçün qidalar


Hipertoniyadan əziyyət çəkən insanlar müəyyən müalicə ilə yanaşı həmçinin pəhriz saxlamalı, təzyiqin artmasına səbəb olan bəzi qidaları və içkiləri qidalanmada minimuma çatdırmalıdır. Yalnız bu halda təzyiqi normallaşdırmaq mümkün olacaq. Bəzən insanlar fikirləşir - təzyiqi salan dərman içirəmsə, deməli istənilən qida qəbul edə bilərəm. Bu çox təhlükəli yanılmadır. Bu halda hipertoniyanı kontrol etmək mümkün olmayacaq, xəstəlik daha da inkişaf edəcək və müxtəlif ağır fəsadların inkişafına səbəb olacaq. Hipertoniya zamanı pəhriz müalicənin ayrılmaz tərkib hissəsidir.

Beləliklə, hansı qida və içkilər təzyiqin artmasına səbəb olur:

- duzlu, hisə verilmiş qidalar (balıq, ət və s.), müxtəlif şorabalar, konservlər

- kolbasa, sosis

- yağlı ət, qara ciyər, balıq, balıq yağı, kürü

- ədviyyatlar (qırmızı və qara istiot, mixək, xardal, qıtığotu)

- yağlı kremlərlə tortlar, pirojnalar, dondurma

- bulkalar, piroqlar və s. mayalı xəmirdən hazırlanmış şirin un məmulatları

- şirin qazlı içkilər (müxtəlif limonadlar, "kola", "fanta" və s.)

- şokolad

- göbələklər

- zeytun

- qəhvə, kakao, tünd qara və yaşıl çay

- yağlı xama, qaymaq, duzlu pendir

- qoz-fındıq

- spirtli içkilər.

Bəzi otların qəbulu təzyiqin qalxmasına səbəb ola bilər. Bu otlar arasında - jenşen, eleuterokokk, dazı otu və s.

Təbii ki, əgər hipertoniyadan əziyyət çəkən insan həftədə 1 dəfə 1 tikə pendir və ya 1 kiçik pirojna yeyərsə, bu onun sağlamlığına ciddi ziyan vurmayacaq. Lakin qadağan olunmuş qidaların tez-tez qəbulu qəti surətdə yolverilməzdir.

Sağlamlığınızı qoruyun!
Cəmi 487 nəfər oxuyub
Dostlarınla Paylaş

Saytda 66 nəfər
Top.Mail.Ru
©Tatli.Biz 2010-2023