Ramiz Rövşən. Bu nə darıxmaqdır

Ramiz Rövşən. Bu nə darıxmaqdır


Bu nə təhər darıxmaqdı,
Axı belə kim darıxır?!
Cibimdə əlim darıxır,
Ağzımda dilim darıxır.

Darıxır qabım-qaşığım,
Darıxır yorğan-döşəyim.
Evdə qalsam, evim-eşiyim.
Yol getsəm, yolum darıxır.

Yoluma qızlar çıxsalar,
Gülüb üzümə baxsalar,
Yaxama bir gül taxsalar,
Yaxamda gülüm darıxır.

Hara atım bu kədəri?
Yox hesabı, yox qədəri,
Görünür məndən ötəri
Hardasa ölüm darıxır.

Ramiz Rövşən.
Cəmi 644 nəfər oxuyub
Dostlarınla Paylaş

Saytda 174 nəfər
Top.Mail.Ru
©Tatli.Biz 2010-2023