Mən səni hələ də unutmamışam

Mən səni hələ də unutmamışam


Nə olsun quruyub gözmün yaşı?
Nə olsun geriyə qayıtmamışam?
Hələ də ağrıyır bağrımın başı,
Mən səni hələ də unutmamışam.˚
Nə olsun həyatda keçir illərim,
Solub pəncərədə bütün güllərim.
Adını duyanda əsir əllərim,
Mən səni hələ də unutmamışam.
Atmadım gülləri saralsa belə,
Yarpağı quruyub, qaralsa belə.
Yanımda özgəsi var olsa belə,
Mən səni hələ də unutmamışam.
Ötən xatirələr məni yandırır,
Qəlbimə od vurub, alovlandırır.
Həzin musiqilər səni andırır,
Mən səni hələ də unutmamışam.
Baxışın əbədi iz qoyub məndə,
Gülüşün gül olub yaşıl çəməndə.
Bilirəm bu sözü deyirsən sən də,
Mən səni hələ də unutmamışam.
Cəmi 2201 nəfər oxuyub
Dostlarınla Paylaş

Saytda 130 nəfər
Top.Mail.Ru
©Tatli.Biz 2010-2023