Səs tellərində problem olan insanlar bunun sayəsində danışa biləcəklər - FOTO

Hər gün yeni maraqlı məlumatlar əlavə olunur

Səs tellərində problem olan insanlar bunun sayəsində danışa biləcəklər - FOTO

Artıq səs telləri zədələnən insanlar da danışa biləcəklər. Kaliforniya Universitetinin (ABŞ) Biomühəndislik Departamentinin alimləri bunun üçün insanın boynuna yapışdırılan xüsusi cihaz hazırlayıblar. Sözügedən qurğu boğaz əzələlərinin hərəkətlərini nitqə çevirmək qabiliyyətinə malikdir və insana səs tellərindən istifadə etmədən danışmağa imkan verir.
Tatli.Biz oxu.az-a istinadən bildirir ki, bu barədə "Nature Communications" elmi jurnalında dərc olunan məqalədə xəbər verilib.
Bildirilib ki, cihazın işləməsi üçün batareya və ya elektrik bağlantısı tələb olunmur. O, elastik silikon materiala daxil edilmiş miniatür maqnitlərdən ibarətdir və funksional olaraq, insanın səslərin tələffüzü ilə əlaqəli boğaz əzələlərinin hərəkətlərini tanıya bilir. Bu əzələ hərəkətləri onun işləməsi üçün zəruri olan elektrik enerjisini istehsal etmək üçün də istifadə olunur.
Alimlərin sözlərinə görə, cihaz müxtəlif səbəblərdən səs telləri zədələnən insanlara kömək edə bilər.
Qeyd edək ki, cihazın praktiki nümayişi zamanı nitq problemi olmayan səkkiz nəfər sınaqlara cəlb olunub. Alqoritm cihazın elektrik impulslarını 95% dəqiqliklə nitqə çevirə bilib.
Tatli.Biz
Xəbərlərimizi WhatsApp kanalımızdan da oxuyun

Dostlarınla Paylaş

Saytda 135 nəfər

Tatli.Biz