Badambura

Hər növ yemək və şirniyyat reseptleri

Badambura

Ərzaqlar:

Xəmir üçün:

900 q un

2-3 yumurta

200 q kərə yağı

2 x.q xama

1 ç.q quru maya

Aparanadək süd

İçlik üçün:

500 q badam ləpəsi

500 q şəkər tozu

1/4 ç.q hil

Yağlamaq üçün: 400-450 q kərə yağı

Hazırlanması:

Xəmiri hazırlayaq. Südü qaba töküb ilıq qızdırırıq.

Yağı əridirik.

Mayanı ilıq süddə qarışdırırıq 5-10 dəqiqə qalır köpüklənir.

Unun ortasına yumurtanı, mayanı, südü, yağı və xamanı əlavə edib qarışdırırıq.

Yumşaq xəmir yoğururuq.

Xəmirin üstünə sellofan çəkib, dəsmal qoyub, adyala bükürük, 1-2 saat acımağa qoyuruq.

İçlik hazırlayırıq. Badam ləpəsinin qabığını təmizləmək üçün Badam ləpəsinin təmizlənməsi baxa bilərsiniz.

Təmizlədikdən sonra quruması üçün tavada az qovurub soyuduqdan sonra sürtgəcli maşından keçiririk.Çəkilmiş badama şəkər tozu və hil ilə qarışdırırıq. İçliyimiz hazırdı.

Xəmirdən 10 ədəd kündə düzəldirik.

Kündənin birini götürüb az un səpib oxlov ilə nazik yuxa yayırıq.

Yuxanı əlimiz ilə az dartıb böyüdürük və yağlayırıq. Bu qayda ilə 5-5 yuxaları yayıb yağlayırıq.

Yağlanmış yuxa qatlarını qoğalda olduğu kimi lentvari kəsirik.

Kəsilmiş yuxa qatlarını bükürük.

Hamısını bu qayda ilə kəsib bükürü. Bir yerə yığıb üstünə qurumasın deyə sellofan çəkirik.

Bükdüyümüz xəmirin birini götürüb 0,5 mm qalınlıqda əlimizlə qatları gözləyə-gözləyə yayırıq. Ortasını qabarıq şəkildə qabağa döğrü çökəldirik.

Içlıiyi qoyub badamburanın yanlarını yaxşı uc-uca alta doğru bərkidirik. Şəkərbura kimi bükürük. Bükülən yer altda ortada qalmalıdır.

Bütün badamburaları hazırlayib qurtardıqdan sonra bişirməyə başlayırıq. Qurumasın deyə üstünə sellofon çəkirik.

170-180 dərəcə qızdırılmış sobada 20-25 dəqiqəyə bişiririk. Bişirərkən badamburaların üzü qızarmamalıdır ağ qalmalıdır.

Bişmiş badamburaları düz qaba yan-yana yığırıq tamam soyuduqdan sonra isə qazana yığıb ağzını örtürük.

Nuş olsun!

Dostlarınızla Paylaş

Saytda 103 nəfər

Tatli.Biz