Gürzə

Hər növ yemək və şirniyyat reseptleri

(3-4 nəfərlik)

Ərzaqlar:

Xəmir üçün:

2 st un

1 ədəd yumurta

1/2 ç.q duz

1/4 st ilıq su(təxminən)

Yuxaları yaymaq üçün əlavə un

İçlik üçün:

300-400 q hazır bişmiş qoyun ətinin qiyməsi.

(Ya da soğanla çəkilmiş bişməmiş qoyun əti)

Üstü üçün:

Sarımsaqlı qatıq

Əridilmiş kərə yağı

Hazırlanması:

Qiyməni hazırlamaq üçün bax Qiymənin hazırlanmsı

Xəmiri hazırlamaq üçün bütün ərzaqları qarışdırıb normal xəmir yoğururuq.

Xəmiri 2 hissəyə bölürük.

Kündələri 1 mm qalınlıqda yayırıq.

Stəkanın ağzı ilə diametri 5 sm olmaqla dairələr kəsirik.

Kəsdikdən sonra içinə qiymədən qoyuruq.

Hər birini aşağıdan yuxarıya doğru bükürük və baş hissəsini az deşik saxlayırıq. Bu qayda ilə hamısını düzəldirik.

4 l suya 2 ç.q duz töküb qaynadırıq. Hazır gürzələri bir-bir suya töküb qarışdırırıq.

5-10 dəqiqə qaynayandan sönra aşsüzəndən süzürük.

Qaba yığıb üstünə əridilmiş yağ və qalan qiyməni tökürük. Hazır gürzəni süfrəyə verərkən yanında zövqə görə sarımsaqlı qatıq qoyulur.

Qeyd: Bişməmiş ətdən bişirildikdə süfrəyə verəndə adi qaydada qaba yığılır üstünə yağ tökülür və yanında sarımsaqlı qatıq qoyulur.

Bəzi bölgələrimizdə isə bu yemək süfrəyə suyu ilə birlikdə verilir.

Nuş olsun!

Dostlarınızla Paylaş

Saytda 182 nəfər