Ləzzətindən doymayacağınız yay salatı - RESEPT
Hər növ yemək və şirniyyat reseptleri
Ləzzətindən doymayacağınız yay salatı - RESEPT
Yayda yağlı yeməklərdən uzaq durun, ləzzətli salatlar hazırlayın.
Tatli.Biz yay salatının hazırlanma qaydasını təqdim edir:
Tərkibi:
1 banka turşuya qoyulmuş göbələk
1 ədəd orta boy yerkökü
1 ədəd kiçik qırmızı Bolqar bibəri
1 ədəd kiçik sarı Bolqar bibəri
1 ədəd kiçik yaşıl Bolqar bibəri
1 ədəd orta boy turşu-xiyar
1 ədəd orta boy təzə xiyar
1 ədəd orta boy baş soğan
3-4 x/q limon suyu
3-4 x/q zeytun yağı
Zövqə görə şüyüd
Duz, istiot
Hazırlanması:
Göbələkləri iki yerə bölün. Yerkökünü qaynadıb nazik doğrayın. Bibərləri və xiyarları (təzə xiyarın qabığını soyun) da uzun-uzun və nazik doğrayın. Şüyüdü də doğrayın.
Soğanı nazik doğrayın və üzərinə duz səpin. Bütün ərzaqları bir qaba qoyub üstünə limon suyu və zeytun yağı əlavə edin. Zövqə görə duz, istiot əlavə edin.
Nuş olsun!
