Rafaello tortu və hazırlanma qaydası

Hər növ yemək və şirniyyat reseptleri

Rafaello tortu və hazırlanma qaydası

Lazım olan ərzaqlar
2 yumurta
2 st. un
1 paket qabartma tozu
400 ml qaymaq
1 3/4 st. şəkər tozu
15-20 ədəd "Rafaello" konfeti
5 paket vanilli şəkər
200 q xama
1 qutu kokos yonqarı

Hazırlanması

Sobanı 170 dərəcəyədək qızdırın.

2 yumurta, 1 st. şəkər tozu, 2 vanilli şəkər paketini qarışıb möhkəm köpük alınanadək çalın. 200 ml qaymaq əlavə edib çalmağa davam edin. Un, qabartma tozu əlavə edib yaxşıca qarışdırın.

Xəmiri yağlanıb perqament döşənmiş formaya tökün. Sobada 25 dəqiqə bişirin. Sonra biskviti soyudub iki korja bölün.

Krem üçün xamanı, 200 ml qaymağı, 3/4 st. şəkər tozunu və 3 paket vanilli şəkəri çalın (qatı krem alınmalıdır).

Birinci korjun üzərinə 1-1,5 sm qalınlıqda krem çəkin. 6 "Rafaello" konfetini blenderdə xırdalayıb kremin üstünə səpin. İkinci korju qoyun, üzərinə və tortun kənarlarına kremin qalanını çəkin. "Rafaello" konfetlərini iki bölüb üzərinə düzün, üstünə kokos yonqarı səpin.

Nuş olsun!

Dostlarınızla Paylaş

Saytda 78 nəfər

Tatli.Biz