Sarımsaqlı pamidor şirəsi ilə kotlet

Hər növ yemək və şirniyyat reseptleri

Sarımsaqlı pamidor şirəsi ilə kotlet

Ərzaqlar:

500 q çəkilmiş qoyun əti

5 ədəd pamidor

2 ədəd baş soğan

2-3 diş sarımsaq

Duz

Istiot

Qızartmaq üçün bitki yağı

Yeməyin yanında vermək üçün kartof əzməsi:

8-9 ədəd kartof

1 x.q əridilmiş kərə yağı

1/3 ç.q sarıkök

1/3 st süd

Duz

Istiot

Hazırlanması:

Əvvəlcə püreni hazırlayaq. Kartofun qabığını soyub yuduqdan sonra iki hissəyə bölüb balaca qazana tökürük.

Üzünə çıxana qədər su əlavə edib tamam hazır olana qədər bişiririk.

Suyu çəkiləndə kartof əzənlə yaxşı əzirik. İçinə südü, duzu, istiotu, sarıkökü və yağı əlavə edib qarışdırırıq. Pürüemiz hazırdı.

İndi isə kotleti hazırlayaq. Əti ətçəkən maşından soğanla bərabər keçiririk. Ya da soğanı sürtgəcdən keçirib ətlə qarışdırırıq. Duz və istiot töküb yaxşı qarışdırırıq.

Tavada yağı qızdırıb ətdən qoz boyda küftəcik götürüb yastılayıb yağın içinə düzürük.

Hər iki üzünü qızardırıq.

Şirəni hazırlamaq üçün pamidoru yuyub qabığını soyduqdan sonra xırda doğrayırıq.

Başqa tavada pamidoru suyu çəkilənə qədər bişiririk.

Suyu çəkiləndə 3-4 x.q bitki yağı əlavə edib qovururuq.

Sarımsağı sarımsaq əzəndən keçirib pamidora əlavə edib, duz və istiotunu da töküb 3-5 dəqiqə qovururuq.

Qızartdığımız kotleti pamidorun içinə yığırıq.

Vam odda 10-15 dəqiqə bişiririk.

Yeməyi süfrəyə verdikdə yanında düyü, qarabaşaq, kartof qızartması, vermeşel, makaron ya da bizim kimi kartof püresi verə bilərsiniz.

Nuş olsun!

Dostlarınızla Paylaş

Saytda 66 nəfər

Tatli.Biz