Sevgiliniz üçün səhər yeməyi-Yumurtalı "Ürək"
Hər növ yemək və şirniyyat reseptleri
Sevgiliniz üçün səhər yeməyi-Yumurtalı "Ürək"
Tərkibi: (2 nəfərlik)
2 sosis
2 yumurta
Kərə yağı
Duz, istiot, göyərti
Hazırlanması:
Sosisləri uzunluğu boyunca 2 hissəyə bölün, ancaq axıra qədər kəsməyin. Kəsdiyiniz ücları diş çöpünün köməyi ilə elə birləşdirin ki, sosislər ürək formasını alsın.
Tavaya yağ töküb əridin, sonra sosisləri tavada qızardın. 1 üzü qızarandan sonra zəif odda 2-ci üzünü cevirin.
Ürəklərin içərisinə çiy yumurtanı tökün, duz, istiot və xırda doğranmış göyərti səpin. Hazır olduqdan sonra boşqaba qoyun, ehtiyatla diş çöplərini çıxarın.
Yumurtanın bir hissəsi sosislərdən kənara çıxsa da kefinizi pozmayın. Sadəcə artıq hissələri sərt bıçağın köməyi ilə kəsib götürün.
