Şokoladlı sendviç peçenyesi
Hər növ yemək və şirniyyat reseptleri
Şokoladlı sendviç peçenyesi
Tərkibi :
2 fincan + 2 x.q. un
0,5 fincan qəhvə
1/4 fincan quru süd
1 ç.q. qabartma tozu
1/2 ç.q. duz
240 q kərə yağı
1 + 3/4 fincan şəkər tozu
1 iri yumurta
2 ç.q. vanil ekstraktı
1/4 fincan xama
3 x.q. qaynar su
Krem:
300 q şokolad
150 q yağ
Hazırlanması:
Ələnmiş unu, qəhvəni, quru südü, qabartma tozu və duzu qarışdırın.
Yumşaldılmış kərə yağını şəkər tozuyla mikserdə çalın. Yumurta, xama, vanil ekstraktı, qaynar su əlavə edin. Sonra unlu qarışığı əlavə edib eynicinsli kütlə alınanadək çalın.
Xəmirdən kündələr tutub yastılayın, siniyə bir-birindən 1,5 sm aralı olmaqla düzün.
180 dərəcə qızdırılmış sobada 10-12 dəqiqə bişirin.
Hazır olandan sonra şəbəkənin üzərində soyudun.
Su hamamında şokoladı əridin (çox qızmasın!). Yumşaldılmış kərə yağı ilə qarışdırın. Peçenyelərin arasına bu kremdən yaxmaqla cüt-cüt birləşdirin.
