Sulu xingal

Hər növ yemək və şirniyyat reseptleri

Ərzaqlar:

Xəmir üçün:

2 st un

1/2 ç.q duz

1/2 st ilıq su

1 ədəd yumurta

Yuxaları yaymaq üçün əlavə un

Üstü üçün:

500 q qoyun əti

2 ədəd baş soğan

2 x.q əridilmiş kərə yağı

1 st bişmiş noxud

Bulyon

Duz

İstiot

Keşniş, şüyüd və nanə qurusu

Üzüm sirkəsi (zövqə görə)

Hazırlanması:

Əvvəlcə xəmiri hazırlayaq. Unu yumurtanı və duzu töküb su ilə qarışdırıb normal xəmir yoğururuq.

Xəmiri iki hissəyə bölüb kündəliyirik.

Kündələri adi yuxa kimi yayırıq.

Xingal üçün yuxanı 2×3 sm ölçüdə doğrayırıq.

Soğanı təmizləyib yuduqdan sonra xırda doğrayırıq.

Yağ duz əlavə edib qızılı rəngdə olana qədər qovururuq.

Bişmiş əti əlavə edib 5 dəqiqə qovururuq.

Sonra bulyonu töküb üstünə su əlavə edirik. Cəmi 3-3,5 l olacaq.

Qaynamağa başlayandan 5 dəq sonra noxudu əlavə edirik. Kəsdiyimiz xəmirləri tökürük və qarışdırırıq.

10 dəqiqə qaynayır keşniş şüyüdü xırda doğrayıb yeməyə əlavə edirik.

5 dəq də qaynadıb götürürük.

Süfrəyə verdikdə üstünə nanə qurusu səpilir. Zövqə görə yanında sirkə verilir.

Nuş olsun!

Dostlarınızla Paylaş

Saytda 119 nəfər