Tərəvəzli toyuq şorbası

Hər növ yemək və şirniyyat reseptleri

Ərzaqlar:

(6-8 nəfərlik)

400-450q toyuq qanadı dibi ilə birgə

3 ədəd baş soğan

2 ədəd kartof

1 ədəd yerkökü

1 ədəd şirin bibər

1/3 st yumtu düyü

1 x.q tomat

2 x.q əridilmiş kərə yağı

Duz

Istiot

Zövqə görə göyərti (nanə, keşniş, şüyüd)

Hazırlanması:

Soğanı xırda doğrayırıq.

Qazana soğanı töküb əridilmiş kərə yağı və az duz töküb qızılı rəngdə olana qədər qovururuq.Sonra üstünə tomatı əlavə edib 3-5 dəqiqə qovururuq.

Yerkökünü təmizləyib sürtgəcin böyük gözündən keçiririk və qovrulmuş soğana əlavə edib 5 dəqiqə qovururuq.

Şirin bibəri yuyub təmizləyib xırda doğrayırıq onu da qovrulmuş soğanın üstünə əlavə edib 5 dəqiqə qovururuq.

Toyuq ətini yuyuruq. Suyu çəkilir qovurmanın üstünə əlavə edirik.Üstünə az duz töküb 10 dəqiqə qovururuq.

Üstünə 3 l su əlavə edib duzunu tökürük.

Toyuğun ətinin bişməsi üçün 20-30 dəqiqə qaynadırıq.

Sonra düyünü və kartofu əlavə edib qarışdırırıq. 1 saat normal odda qaynayır. Yəni cox da vam od olmasın.

Hazır olmağa yaxın duzuna baxib istiotunu da əlavə edirik.

Yemək tam hazır olandan sonra zovqə görə göyərti tökürük.

Nuş olsun!

Dostlarınızla Paylaş

Saytda 75 nəfər