Hər növ yemək və şirniyyat reseptleri
Toyuq və pendirli şampion
Tərkibi:
- Toyuq filesi - 500 qr
- Qoyun pendiri - 60qr
- Şampion - 10 ədəd (böyük ölçüdə)
- Xama - 4 xörək qaşığı
- Un - 1 xörək qaşığı
- Mozzarella pendiri - ½ stəkan (xırdalanmış)
- Təzə göyərti (zövqə görə cəfəri)
- Quru qara bibər (zövqə görə)
- Duz (zövqə görə)
- Bitki yağı - 1 xörək qaşığı
Hazırlanması:
1. Şampionları yuyun və qurumağını gözləyin, sərt bıçaqla ayaqlarını kəsin. Göbələyin papağının içərisini ehtiyyatla təmizləyin
2. Toyuq filesini xırda doğrayın. Tavaya 1 xörək qaşığı bitki yağı əlavə edib, orta temperaturda qızdırın. Sonra doğranmış toyuğu əlavə edin, 5 dəqiqə müddətində qızardın. Qızartma zamanı touğu vaxtaşırı qarışdırın.
3.Toyuq qızarana qədər, göbələyin ayaqlarını xırda döğrayın. Döğranmış göbələyi toyuğu bişirdiyiniz tavaya əlavə edib, 5 dəqiqə ərzində qarışdıra-qarışdıra bişirin.
4. Xamanı unla qarışdırın. Odu azaldın və xamanı tavaya tökün. Duz, istiot əlavə edib qarışdırın.
8-10 dəqiqə qaynadın, sonra odu söndurun, soyumasını gözləyin.
5. Qarışıq soyuyana qədər , sobanı 180 dərəcə qızdırın.
6. Qoyun pendirini sürtkəcdən keçirib toyuq və göbələklə qarışdırın. Xırda doğranmış cəfərini də əlavə edib qarışdırın.
7. 2 xörək qaşığı içliyi bərabər şəkildə şampionların hazır papaqlarının içərisinə tökün. İçliyin üzərinə bir qədər xırdalanmış mozzarella pendiri əlavə edin.
8. Sobada 15 - 20 dəqiqə müddətində bişirin. Sonra göbələklərin soyumasını gözləyərək süfrəyə verin.
Nuş olsun!
