Turşu qovurma plov

Hər növ yemək və şirniyyat reseptleri

Turşu qovurma plov

Ərzaqlar: Turşu qovurma plov

4 st uzun düyü

1 kq sümüksüz suda bişmiş qoyun əti

500 q təmizlənmiş şabalıd

4 ədəd baş soğan

4 x.q əridilmiş kərə yağı

1 st kişmiş

10 ədəd qaysı

10 ədəd albuxara ya da alça turşusu

Limon duzu

Sarıkök ya da zəfəran

Duz

İstiot

Qazmaq üçün:

3 x.q qatıq

1 ədəd yumurta

Hazırlanması:

Şabalıdın qabıqlarını təmizləyirik. Bax. Şabalıdın qabığının təmizlənməsi. Təmizlənmiş şabalıdı tavada duz səpib yağ əlavə edib qovururuq.

Doğranmış soğanı tavaya töküb duz səpib yağ əlavə edib qızılı rəngdə olana qədər qovururuq. Qovrulmuş soğana 1/3 çay qaşığı sarıkök əlavə edib qarışdırırıq.

Əti yağda qovururuq. Qovrulmuş ətin üzərinə limon duzu və istiot səpib qarışdırırıq.

Ətin üstünə soğanı tökürük.

Soğanın üstünə turşuları qoyuruq və şabalıdı tökürük. Ətin bulyonundan az əlavə edib vam odda bişməyə qoyuruq.

Yuyulub təmizlənmiş kişmiş və qaysını yağda qovururuq.

Düyünü adi qaydada bişirib süzürük. Düyünün üstünə ya zəfəran şirəsi ya da sarıkök tökürük.

Düyünü dəmə qoyanda qazmaq hazırlayırıq. Yumurta ilə qatığı qarışdırıb qazanın dibinə töküb az düyü də töküb bərabər hündürlükdə təxminən 1 sm hündürlükdə yayırıq.

Sonra düyünü tökürük üstünə yağ verib dəmə qoyuruq. Düyü 1 saat dəm alır. Qazmaq tutanda aş hazırdı. Süfrəyə verdikdə boşqaba təpəcik şəklində düyü çəkilir üstünə qazmaq qoyulur və yağ tökülür. Yanına bir qabda kişmiş qaysı bir qabda isə ətli şabalıdlı qovurma qoyulur.

Nuş olsun!

Dostlarınızla Paylaş

Saytda 242 nəfər

Tatli.Biz