Azərbaycansayağı gözəllik: plastik cərrahiyyənin bəzi sirləri

Hər qadın gözəl görünməyə layiqdir

Azərbaycansayağı gözəllik: plastik cərrahiyyənin bəzi sirləri

Azərbaycansayağı gözəllik: plastik cərrahiyyənin bəzi sirləri
Təbabətin ən böyük nailiyyətlərindən biri də müasir plastik cərrahiyyədir. İnsanların öz zahiri görünüşünü dəyişmək cəhdlərinə müxtəlif cür yanaşmaq olar. Lakin bunun bir çoxlarına özünü daha yaxşı hiss etmək imkanı verdiyini danmaq olmaz. Azərbaycanda zahiri görünüşündə tez-tez dəyişikliklər edən qadınlar çoxdur, xüsusilə də məşhurlar arasında.
Karantin dövründə əməliyyat etdirmək istəyənlərin sayı artıbmı? Əməliyyatın uğurlu olacağına tam əmin olmaq üçün peşəkar həkimi necə seçməli? Hazırda hansı əməliyyatlar daha çox dəbdədir? Bu və digər suallara ölkənin ən yaxşı plastik cərrahlarından biri Könül Ağamirova cavab verdi.
– Könül xanım, deyilənə görə karantin dövründə plastik əməliyyat etdirənlərin sayı artıb. Bu həqiqətən belədirmi?
– Düzünü desəm, mənim statistikama diqqət yetirsək, Azərbaycanda karantin tətbiq olunandan bəri öz zahiri görünüşünü dəyişmək istəyənlərin sayının artdığını deyə bilmərəm. Müraciət edənlərin sayı eynidir. Əməliyyatdan sonra reabilitasiya prosesi xeyli vaxt aparır – şişkinlik, göyərmələr çəkilməlidir ki son nəticəni aydın görmək mümkün olsun. Əməliyyat etdirib səhəri günü işə çıxmaq olmaz. Əvvəllər pasiyentlər şikayət edirdilər ki işdən uzun müddətə icazə alaraq bir yerə çıxa bilmirlər. Karantin isə həmin insanlara bu imkanı yaratdı və bu karantinin müsbət tərəfidir.
– Əməliyyat etdirənlər daha çox hansı yaşda olan insanlardır?
– Plastik cərrahiyyədə yaş məhdudiyyəti yoxdur. Müxtəlif yaşda insanlar müraciət edir, 18-dən 70 yaşa qədər. Estetik problemlərlə hər bir yaş qrupuna aid insanlar qarşılaşır. Məsələn, 18 yaşlı qızlar adətən burun, dodaq, çənə formasından narazı olurlar, 55-70 yaşlılar isə daha çox ümumi görünüşündən. Mənə daha çox 35-55 yaşlı insanlar müraciət edir. Bu yaşda süd vəzilərinin və qarın nahiyəsinin yaşla bağlı və hamiləlik və döşlə əmizdirmə nəticəsində deformasiyası ilə əlaqədar komplekslər yaranır. Bədən konturlarının yaxşılaşdırılması, lipomodelləşdirmə əməliyyatlarının məqsədi bədəni daha cazibədar etməkdir.
Azərbaycansayağı gözəllik: plastik cərrahiyyənin bəzi sirləri
– Siz daha çox müalicənin tərəfdarısınız, yoxsa, bütün cərrahlar kimi, əməliyyatın?
– Bəli, mən cərrah bıçağını sevirəm. Çünki onun köməyi ilə bir çox problemləri həll etmək olar. Bir cərrah olaraq mən bundan qürur duyuram, lakin insanların bədənində çapıqlar qoymaq xoşuma gəlmir. Ona görə də həmişə pasiyentlərə alternativ üsullarla kömək etməyə çalışıram. Məsələn, əgər qarın nahiyəsində dəri "önlük" çox böyük deyilsə, dəridə qırışlar və deformasiya çox deyilsə, lakin pasiyentin beli enlidirsə, mən lipoksasiyanı məsləhət görürəm. Bu zaman ancaq nazik piy qatını çıxarıram. Hər şey pasiyentdən asılıdır. Onların əksəriyyəti məsləhətə qulaq asır.
– Kişilər Sizə tez-tez müraciət edir? Onlar zahirində nəyi dəyişirlər?
– Kişi və ya qadın olmağın fərqi yoxdur, çünki estetik problemlər hamıda var. Güclü cinsin nümayəndələri tez-tez müraciət edirlər. Əsasən onlar qarının, kürəyin və belin lipoksasiyasını etdirirlər. Kişilərin burun forması, göz qapaqları və ginekomastiya (kişilərdə döş vəzilərinin birinin və ya hər ikisinin böyüməsi ilə xarakterizə olunan patoloji hal) ilə bağlı narahatlığı nadir hallarda olur.
– Məşhurlarla bağlı nə deyə bilərsiniz? Onlar Sizə tez-tez müraciət edirlər? Onların şıltaqlıqlarına dözmək çətin olmur ki?
– Mənə bir çox məşhurlar müraciət edir. Mənim üçün onlar da digər pasiyentlər kimi – adi insanlardır. Buna görə də mən onlara əməliyyatı reklam üçün etmirəm. Onların əksəriyyəti əməliyyat etdirdiklərini ictimaiyyətdən gizlədirlər. Lakin aralarında elələri də var ki bundan piar üçün istifadə edirlər. Düzünü desəm, mənim üçün ulduzlarla işləmək adi insanlarla işləməkdən daha asandır. Onlar estetik cəhətdən özlərindən razı olmaq istəyirlər. Onlara nələrisə izah etmək daha asandır. Ulduzlar əməliyyatdan sonra daha az kompleks yaşayırlar. Adi insanları xoşbəxt etmək üçün bizə həmişə daha çox vaxt lazım olur.
Azərbaycansayağı gözəllik: plastik cərrahiyyənin bəzi sirləri
– Plastik cərrahiyyənin ən əsas üstünlüyü və çatışmazlığı nədədir?
– Yəqin əsas üstünlük ondadır ki, insanın zahirində və ya bədənində hansısa çatışmazlığı aradan qaldırdıqda biz onu çox xoşbəxt edirik. Bizim sayəmizdə insanın bütün həyatı dəyişir və bu bizi məmnun edir. Bəzən isə elə olur ki, insan əməliyyatın nəticəsindən razı qalmır. Hər çeyin uğurlu olmasına rəğmən onları buna inandırmaq çətin olur. Hər şey insanın xarakterindən asılıdır. Yaxşı ki bu cür hallar çox az-az olur. Məsələn, səkkiz ay əvvəl bir bloqer xanımın süd vəzilərinin dartılması əməliyyatını etmişdik. Əməliyyat çox uğurlu alınmışdı. Lakin həmin xanım sosial şəbəkələrdə yalan məlumatlar yayaraq həkimin nüfuzuna xələl gətirməyə çalışdı. Təəssüf ki, belələri də olur. Allaha şükür ki, əməliyyatın nəticəsindən razı olanlar daha çoxdur. Onlar həkimə stimul verir.
– Plastik cərrahlar arasında təkcə virtuozlar deyil, şarlatanlara da rast gəlinir. Bəzi hallarda onların əməlləri hətta pasiyentin ölümünə də gətirib çıxarır. Deyə bilərsinizmi, yaxşı plastik cərrahı necə seçmək olar?
– Plastik cərrahiyyə ilə ali kateqoriya statusu almış həkimlər məşğul olur. Mütəxəssisə müraciət etməzdən əvvəl pasiyentlər onun haqqında, gördüyü işlər barədə daha çox məlumat toplamalıdırlar. Təəssüf ki, bir çox həkimlər sosial şəbəkələrdə digər həmkarlarının işlərini öz adlarına çıxaraq paylaşırlar. İnsanlar isə bunu bilmir və belə cərrahların qurbanına çevrilirlər.
– Son dövrlər gözəllik etalonu barədə təsəvvürlər dəyişibmi və dəyişibsə, nə dərəcədə? Bu günün diktə etdiyi standartlar hansılardır?
– Gözəllik etalonu trendləri ildən-ilə dəyişir. Hazırda biz daha təbii görünən vasitələrə üstünlük veririk. Məsələn, səkkiz və ya on il əvvəl xanımlar iri və yumru döş implantlarına üstünlük verirdilərsə, hazırda damcıya bənzər implantları daha çox seçirlər. Çünki bu cür implantlar süd vəzilərinin təbii konturlarını təkrarlayır. Anatomik implantla xanımların sinəsi maksimum təbii ahəngdar görünür. Pasiyentlər əsasən süd vəzilərinin dartılması və həcminin kiçildilməsi üçün müraciət edirlər.
Azərbaycansayağı gözəllik: plastik cərrahiyyənin bəzi sirləri
Lipoksasiya və lipofilinq də dəbdədir. Beş-on il əvvəl bu kişilər və qadınlar arasında o qədər də dəbdə deyildi və bu sahə o qədər də inkişaf etmirdi. Lipoksasiyanın köməyi ilə beldə, qarın nahiyəsində, arxada, boyunda, qollarda və sinədə piy qatını aradan götürmək olar. Bundan əlavə piy toxumalarını sonradan demək olar ki istənilən bədən hissəsinin – üzün, qolların, sinənin, arxanın korreksiyası üçün istifadə etmək olar. Onların köməyi ilə çapıqlar və qırışlar aradan qaldırılır, dodaq və yanaqlar şişirdilir.
Blefaroplastikanı da qeyd etməyə bilmərəm. Bu əməliyyat zamanı göz qapaqları dartılır. Bəzi pasiyentlər üçün bu əməliyyat göz qapaqlarının yırtıq və şişlərindən qurtulmağın yeganə əlacıdır. ("Sputnik Azərbaycan")

Dostlarınla Paylaş

Whatsapp Plus, Instagram Plus, Youtube Plus, Mp3 Yukle, Video Yukle, HD mp4, Bedava Indir, Android Dunyasi, Futbol neticeleri, Idman xeberleri

Duşuncə dərsi, Eşq və məhəbbət, Xəyanət, Testlər, Qadın psixologiyası, Kişi psixologiyası, Gəlin-qaynana, Cinsi munasibətlər, Psixoloji məsləhətlər, Gozel xanim, Saclara qulluq, Kosmetologiya, Makiyaj, Manikur və pedikur, Gozəllik xəbərləri, Ulduzların gozəllik sirləri, uzə qulluq, Bədənə qulluq, Estetik gozəllik, Moda, Moda luğəti, Moda xəbərləri, Stil dərsləri, ikonlar, Toy dəbi, cimərlik dəbi, Qırmızı xalca, Aksesuarlar, Ayaqqabı, Geyim, Gozəllik məhsulları, Alış-veriş, Dəbli bloq sahibələri

Saytda 146 nəfər
Tatli.Biz
MobTop.az
©Tatli.Biz 2010-2021