Ağsuçay — Kürün sol qolu. Şamaxı, Ağsu və Kürdəmir rayonlarının ərazisindən axıb süni kanal vasitəsilə Kürə tökülür.

Ağsuçay
azərb. Ağsuçay‎
Ölkə	Azərbaycan
Rayonlar	Ağsu Kürdəmir
Mənbəyi	Böyük Qafqaz, Sarıbulaq
• Yüksəkliyi	2268 m
Mənsəbi	Kür
Uzunluğu	85 km
Su sərfi	1,7 m³/san
Su sistemi	Kür
Su hövzəsi	Xəzər dənizi
Hövzəsinin sahəsi	572 km²
mənbəyi mənsəbi Ağsuçay Azərbaycanın fiziki xəritəsində: 40°47′12″ şm. e. 48°26′45″ ş. u. 40°03′37″ şm. e. 48°17′09″ ş. u.
Vikianbarda əlaqəli mediafayllar

Uzunluğu 85 km, hövzəsinin sahəsi 572 km²-dir. Böyük Qafqaz silsiləsindəki Sarıbulaq dağından (2268m) başlayan bir çox bulaqların birləşməsindən əmələ gəlir. Yuxarı axınında Sulutçay adlanır.

Axımı yeraltı (67%), qar (20%) və yağış (13%) sularından əmələ gəlir. Yaz fəslində qar, payızda isə yağış suları çayda daşqınlar əmələ gətirir

Orta illik su sərfi 1,7 kub m/san-dır. Orta illik asılı gətirmələr sərfi 3,08 kq/san, orta lillənməsi 2000 q/kub m-dir. Suyu hidrokabonatlı-kalsiumlu olmaqla 500–700 mq/l minerallaşmaya malikdir.

Ağsuçaydan suvarma məqsədləri ilə istifadə olunur və Cavanşir su anbarını qidalandırır.