11 dəfə boşanan qadın hələ də sevgiyə inanır - FOTO-VİDEO - Oxu

Tatli.Biz xəbər verir ki, bu barədə "The Sun" yazır.

Belə ki, qadının 9 əri olub. Onlardan ikisi ilə iki dəfə ailə quran Mone özünə ümumilikdə 11 dəfə toy edib.

İlk dəfə o, orta təhsili bitirdikdən dərhal sonra elə məkdəbdə tanış olduğu birinə ərə gedib. Yuxarı sinifdə oxuyarkən bacısına "mən bu şəxsə ərə gedəcəyəm" dedikdən iki ay sonra onunla ailə qurub və tez bir zamanda boşanıb.

Onun 2-ci evliliyi də uzun çəkməyib, lakin boşandıqdan sonra sevgililər yenidən birgə yaşamağa cəhd edərək bir daha (3-cü evlilik) evləniblər.

Monenin 4-cü ərinin əvvəlki evlilikdən övladları olduğu üçün zamanla qadın bu insanla xoşbəxt ola bilmədiyini anlayıb.

Mone etiraf edir ki, 5-ci əri onun həyatının sevgisi olub, lakin bu hisslər də onların ailəsini qoruya bilməyib.

6-cı əri ilə tez bir zamanda boşansa da, yaxşılıqlarını yada salaraq, yenidən (7-ci evlilik) onunla ailə qurub.

8-ci dəfə Mone internetdə cəmi bir həftə tanıdığı şəxslə ailə qurub.

9-cu dəfə də evlilik qərarı tez qəbul edilib, lakin eyni tezliklə boşanmaq qərarı verilib.

"10 nömrə"ni Mone hələ məktəb vaxtından tanıyıb, lakin ailə qurduqdan sonra onunla sadəcə dost qalmağın daha yaxşı olduğunu anlayıb.

11-ci evliliyi haqqında isə Mone ümumiyyətlə danışmaq istəməyib.

Qadın tez aşiq olduğunu və ümumilikdə 28 dəfə evlilik təklifi aldığını etiraf edib.

Bütün yaşadıqları onda sevgiyə inamı öldürə bilməyib. 2 il öncə Mone 57 yaşlı Conla tanış olub və artıq üçüncü görüşdə kişi ona sevgi etirafı edib. Con da Monedən öncə iki dəfə boşanıb.

Hazırda xoşbəxt olan sevgililər hələ ki, toy etməyi düşünmürlər.

Natəvan Baxşiyeva