Rusiya Ukraynanı bombaladı - Oxu

Tatli.Biz Associated Press-ə istinadən xəbər verir ki, Ukrayna mediasının yaydığı məlumata görə, Xarkov Vilayət Hərbi Administrasiyasının rəhbəri Oleq Sinequbov bildirib ki, Rusiya qüvvələri vilayətin özü də daxil olmaqla 17 yaşayış məntəqəsinə raket, idarəolunan aviabomba və müxtəlif tipli pilotsuz uçuş aparatları ilə zərbələr endirib. Hücum nəticəsində 3 nəfər ölüb, 21 nəfər isə yaralanıb.

Aleksandr Prokudin isə qeyd edib ki, Rusiya ordusu Xerson vilayətindəki yaşayış məntəqələrini də atəşə tutub.

Onun sözlərinə görə, hücumlar nəticəsində 6 nəfər həlak olub, 26 nəfər yaralanıb. Yaralananlar arasında bir uşağın da olduğu bildirilib.

Müəllif: İlkin Məmmədkərimov