 |
Tatli.Biz Əyləncə Portalı | Dil:
|
Vegetarianlar dünyaya ciddi ziyan vurur
Hər qadın gözəl görünməyə layiqdir
Vegetarianlar dünyaya ciddi ziyan vurur
Tatli.Biz xarici mətbuata istinadən xəbər verir ki, vegetarian pəhrizi planet üçün təhlükəli adlandırılıb. "Bloomberg" bildirib ki, ki, xaricdən gətirilən tərəvəz və meyvələrin daşınması nəticəsində ətraf mühitə dəyən ziyan alimlərin əvvəllər güman etdiyindən 7,5 dəfə çox olub.
Avstraliya və çinli tədqiqatçılar dünyanın 74 regionunda qida tədarükü zənciri ilə bağlı məlumatları təhlil ediblər. Hesablamalar zamanı Çin, Avropa, Şimali Amerika və planetin digər yüksək gəlirli hissələrində yeyilən meyvə-tərəvəz, mal-qara və digər qida məhsulları yetişdirmək üçün istifadə edilən məhsul, gübrə və kənd təsərrüfatı texnikasının daşınması nəticəsində atmosferə karbon qazı emissiyaları nəzərə alınıb.
Alimlərin fikrincə, kənd təsərrüfatı məhsullarının beynəlxalq ticarəti 1995-ci ildən 2018-ci ilə qədər iki dəfədən çox artıb. Qida nəqliyyatı qlobal yük daşımalarından emissiyaların 27 faizini və qida sistemindən ümumi emissiyaların 19 faizini təşkil edir. Eyni zamanda, ekspertlər məhsulun yük maşınlarında daşınmasını planet üçün ən zərərli çatdırılma üsulu hesab ediblər. Mütəxəssislərin fikrincə, meyvə və tərəvəzin daşınması zamanı atmosferə əlavə emissiyalar məhsulların soyudulması zərurətindən yaranır.
Mütəxəssislərin fikrincə, mövsümi yerli istehsal mallarına keçməklə qidanın ətraf mühitə vurduğu zərəri minimuma endirmək mümkündür. Bundan əlavə, zəngin ölkələr öz ərazilərində lazımi meyvələrin yetişdirilməsini təşkil edə bilərlər. Mütəxəssislər həmçinin daşınma üçün istifadə edilən yük maşınlarının akkumulyator, bioyanacaq və ya hidrogenlə işləyən analoqları ilə əvəzlənməsinə çağırıblar.
