 |
Tatli.Biz Əyləncə Portalı | Dil:
|
Yalnız bu yolla xəstəlikdən qurtula bilərik - Həkim
Hər qadın gözəl görünməyə layiqdir
Yalnız bu yolla xəstəlikdən qurtula bilərik - Həkim
Tatli.Biz xəbər verir ki, bu sözləri terapevt-pulmonoloq Nazim Quliyev deyib. O bildirib ki, görülən tədbirlər nəticəsində insanların koronavirusa kütləvi yoluxma hallarının qarşısının alınmasına nail olunub:
"Bu tədbirlərin davam etdirilməsini və hər kəsin şüurlu şəkildə bu işə cəlb olunmasını arzu edirəm. Yoluxmanın qarşısını almaq üçün ictimai yerlərdə maskadan istifadə etməyə və sosial məsafəni gözləməyə davam etməliyik. Eyni zamanda, tez-tez əllərinizi yuyun və dezinfeksiya etməyi unutmayın".
"Vaksin xəstəliyi törədən virusa qarşı immunitetin yaranmasına şərait yaradır. Virusa yoluxma halında isə orqanizmin xəstəliyi yüngül keçirməsinə səbəb olur. Odur ki, vaksinasiyadan yayınmaq məqsədyönlü deyil. Pandemiyanın ölkəmizdə yaratdığı fəsadların aradan qaldırılması istiqamətində vaksinasiya çox mühüm tədbirdir. Ancaq bu yolla biz xəstəliyin törətdiyi gərginlikdən yaxamızı qurtara bilərik. Hamı ya xəstələnib sağalmalıdır, ya da bu yolla immunitet qazanmalıdır ki, normal həyatımıza qayıda bilək. İnaktiv vaksinlərin heç bir fəsadı yoxdur, narahat olmağa dəyməz. Çox nadir hallarda halsızlıq müşahidə olunur ki, bu da qısa müddətdə keçib gedir. İnsanlar anlamalıdır ki, vaksin ciddi ağırlaşmaların qarşısını alır, ona qarşı immunitet qazanırıq, daha böyük fəlakətlərdən uzaqlaşırıq. Odur ki, hər kəsi vaksinasiyaya səsləyirəm".
Aytən Məftun
