İslamda cənnət
İslamda cənnət (ərəb. جنة)- bir çox dinlərdə göstərilən insanın axirət dünyasında sonra köçəcəyi müqəddəs dünyadır. Cənnət əbədi nemətlər yurdudur. Allah oranı iman edilməsi fərz olan şeylərə iman edən, Allah və rəsuluna itaət edən, bunu da Allaha ixlas ilə və Rəsuluna tabe olaraq gerçəkləşdirən təqva sahibi olan möminlər üçün hazırlamışdır.[1]
Cənnət haqqında hədislər redaktə
- Peyğəmbər : "Allah cənnəti yaratdığı zaman Cəbrailə buyurdu: "Get ora bir bax". O da gedib cənnətə baxdı və "Ey Rəbbim, sənin izzətinə and olsun ki, onu eşidib və ora girməyən qalmayacaqdır. Hər kəs ora girəcəkdir" dedi. Allah cənnətin ətrafını məkruhlarla nəfsin xoşlanmadığı şeylərlə bəzədi və "İndi get ora bax" deyə buyurdu. Cəbrail gedib ora bir də baxdı və "Qorxuram ki, ora heç kimsə girməsin" dedi. Allah cəhənnəmi yaradib Cəbrailə "Get ora bir bax" deyə buyurdu. Cəbrail "İzzətinə and olsun ki, onu eşidən ora girməyəcəkdir" dedi. Sonra Allah cəhənnəmin ətrafını şəhvətlərlə nəfsin xoşladığı şeylərlə bəzədi və "Get ona bir kərə də bax" dedi. Cəbrail də baxıb gəldikdən sonra "İzzətinə and olsun ki, bir nəfər də belə qalmayıb hamının ora girməsindən qorxuram" dedi.
- Peyğəmbər : "Qiyamət günü cənnət əhlindən olub dünyada ən çətin və məşəqqətli həyat sürən birisi gətirilir və cənnətə bir dəfə salınıb çıxardılır. Ona "Ey Adəm oğlu, sən dünyada ikən heç çətinlik və sıxıntı gördünmü?" O da "Xeyr ya Rəbbim, mən heç bir həyat çətinliyi və sıxıntısı görmədim". Cəhənnəm əhlindən olub dünyada ən nemətli və gözəl yaşayan biri gətirilib cəhənnəmə bir dəfə salınıb çıxardılır. Ona "Ey Adəm oğlu, sən heç dünyada ikən bir xeyir gördünmü?" soruşulur. O da "Xeyr ya Rəbbim, heç bir xeyir görmədim" deyər.
- Rəsulullah : sədid suyu haqqında buyurdu: "O, ağıza yaxınlaşdırılacaq və onu cəhənnəmdə əzab çəkən heyvanın suyu içdiyi kimi içər. Su onun sifətinə yaxınlaşanda onu yandıracaq və içənin başının dərisi qopacaq. O suyu içəndə onun bağırsaqları parça-parça olub arxa dəlikdən çıxacaqdır". Əbu Səid əl Xudri (r.a) deyir: "Bu su yağın çöküntüsünə oxşayır və onu üzə yaxınlaşdırdıqda başın dərisi onun üsdünə düşər".
- Peyğəmbər : "Cənnət və cəhənnəm aralarında münaqişə etdilər. Cənnət deyir: "Mənə daxil olanlar zəif və miskindirlər". Cəhənnəm deyir: "Mənə daxil olanlar qüvvətlilər və təkəbbürlülərdir". Allah dedi: "Cəhənnəm, sən mənim əzabimsan, istədiyimdən sənlə intiqam alıram.Cənnət isə sən mənim rəhmətimdir, sənin ilə istədiyim kəsə rəhm edirəm".
- Rəsulullah : "İnsanı ən çox cəhənnəmə salan cinsi orqanı və dilidir, ən çox da cənnətə salan Allaha qarşı çıxmaqdan çəkinmək və gözəl əxlaqdır".
İstinadlar redaktə
- ↑ Nisa surəsi, 124
