اینقیلاب‌دان کئچن سونراکی ایللرده تهراندا، ائله‌جه ده گونئی آزربایجانین تبریز، اورمیا، اردبیل، آستارا، میانا، زنجان، اهر، خوی، ماکو، شبوستر، موغان، و بو کیمی شهرلرینده "اودلار یوردو"، "چنلیبئل"، "آراز"، "موللا نصرالدین"، "آذربایجان"، "وطن اوغروندا"، "اوختای"، "ستار خان بایراغی"، "ایره‌لی"، "موشتولوق"، "بهار آذربایجان"، "آینده ی-آذربایجان" کیمی قزئت‌لر و "کوراوغلو"، "بیرلیک"، "آزادلیق"، "قارداش‌لیق"، "وارلیق"، "دده قورقود"، "اینقیلاب یولوندا"، "آذربایجان سسی"، "گونش"، "اولکر"، "یئنی یول" کیمی جورنال‌لار چاپ ائدیله‌رک یاییلدی. بو مطبوعات اورقان‌لاریندا ایران، او جمله‌دن آزربایجان جمعیتی‌نین سوسیال-اقتصادی پروبلئم‌لرینه، اونلارین چتین‌لیک و احتیاج‌لارینی عکس ائتدیرن یازی‌لارا چوخ یئر وئریلیردی. بونونلا یاناشی، تورکجه مطبوعات صحیفه‌لرینده آزربایجان خالقینین تاریخی، اونون مدنیتی، دیلی و ادبیاتینین ایشیقلاندیریلماسی و پوپولیارلاشدیریلماسی دا اهمیت‌لی یئر توتوردو.

ایرانین یئنی حاکم دایره‌لری‌نین ایران ایسلام رئسپب‌لیکاسی رهبرلیگی‌نین قئیری-فارس خالق‌لارین میلی دئموکراتیک حرکات‌لارینا منفی موناسیبتی ۱۹۸۰-۱۹۸۱-جی ایللرده تورکجه مطبوعات اورقان‌لارینین، دئمک اولار کی، اکثریتی‌نین نشری‌نین دایاندیریلماسی اوچون باش‌لیجا سبب‌لردن بیری اولدو. بوتون بو پروسئس‌لرده آنا دیلدینده اؤز چاپینی داوام ائتدیره بیلن یئگانه جورنال تهراندا‌دیر. جواد هئیتین رئداکتورلوغو ایله چیخان "وارلیق" جورنا‌لیدی. اونونلا یاناشی "فجری-آذربایجان"، "اومیدی-زنجان"، "ارک"، "اردبیل"، "احرار"، "کئیهان" و بو کیمی قزئت و ژورنال‌لاردا نشر اولونماغا باشلادی. قئید ائدیلمه‌لی‌دیر کی، همین نشرلر ایکی دیلده – فارس و تورک دیل‌لرینده چاپ اولونور. بونلاردان علاوه بیر چوخ آزربایجان اؤیرنجی‌سل درگی‌لری ده اولموش کی اولوس، نسیم، آراز، اؤزلوک، اویانیش، ستارخان، کیملیک ،یولداش ،یاغیش ،آیدین گله جک،قیبچاق، گونش، یارپاق، تلنگر ، چنلی بئل، یاشیل یول،آنا یوردو، سحر ، آچیق سوز، سایان و بولود و خلج توقیف و یا لغو امتیاز اولموش لار.