Şərqi Asiya Tədqiqat Universitetləri Assosiasiyası
Şərqi Asiya Tədqiqat Universitetləri Assosiasiyası (çin. 東亞研究型大學協會, ing. Association of East Asian Research Universities – AEARU) — Şərqi Asiya ərazisində yerləşən ölkələrin bəzi tədqiqat universitetlərinin regional təşkilatı.
Tarixi redaktə
Assosiasiya 1996-cı ilin yanvar ayında Şərqi Asiya ərazisində yerləşən ölkələrin doqquz ali məktəbi tərəfindən təsis edilmişdir.
Məqsədi redaktə
Təşkilatın əsas məqsədi bura üzv olan ali məktəblər – tədqiqat universitetləri arasında tədqiqat nəticələri bölüşmək üçün forum açmaq, həmçinin onlar arasında qarşılıqlı mübadilənin təşviqidir.
Rəhbərlik redaktə
Assosiasiyanın İdarə Heyətinə sədr rəhbərlik edir.[1] Bundan başqa bu təşkilatda vitse-sədr də fəaliyyət göstərir.[1] İdarə Heyətinə həmçinin beş seçilmiş digər üzvlər də daxildir.[1] Ümumiyyətlə isə İdarə Heyəti beş ölkənin hər birindən olan bir və ya iki üzvdən ibarətdir.[1] Səmərəli biznes məsələləri həyata keçirmək məqsədilə AEARU Katibliyi sədrlə eyni universitetdə yerləşir.[1] Təşkilatın eksklüziv katibi müxtəlif AEARU fəaliyyətini əlaqələndirir və həmçinin təşkilatın saytlarını idarə edir.[1]
Fəaliyyəti redaktə
Bütün üzv universitetlərin iştirakı ilə hər il Assosiasiyanın ümumi yığıncağı keçirilir.[1]
AEARU-nun fəaliyyətinə müxtəlif növ seminarlar, tələbə yay düşərgələrinin, tələbə müsabiqələrinin, beynəlxalq simpoziumların təşkili daxildir.[1] Bu kimi fəaliyyətlər fikir və qarşılıqlı məlumat mübadiləsinin təşviq edilməsi və üzv universitetlər arasında sıx münasibətlərin inkişaf etdirilməsi üçün il ərzində mütəmadi olaraq keçirilir.[1]
Üzvləri redaktə
2015-ci ilin noyabr ayına olan məlumata görə Assosiasiyaya hazırda 5 ölkədən 17 ali məktəb üzvdür.[2]
Pekin Universiteti (Pekin, Çin)- Fudan Universiteti (Şanxay, Çin)
- Tsinxua Universiteti (Pekin, Çin)
- Çin Elm və Texnologiya Universiteti (Hefei, Çin)
- Nankin Universiteti (Nankin, Çin)
Milli Tsinq Hua Universiteti (Sinçju, Tayvan)- Tayvan Milli Universiteti (Taybey, Tayvan)
Honkonq Elm və Texnologiya Universiteti (Say Kunq rayonu, Honkonq)
Tokio Universiteti (Tokio, Yaponiya)- Tsukuba Universiteti (Tsukuba, Yaponiya)
- Osaka Universiteti (Osaka, Yaponiya)
- Tokio Texnologiya İnstitutu (Tokio, Yaponiya)
- Kyoto Universiteti (Kyoto, Yaponiya)
- Tohoku Universiteti (Senday, Yaponiya)
Seul Milli Universiteti (Seul, Cənubi Koreya)- Koreya Qabaqcıl Elmlər və Texnologiyalar İnstitutu (Dəjeon, Cənubi Koreya)
- Pohanq Elm və Texnologiya Universiteti (Pohanq, Cənubi Koreya)
İstinadlar redaktə
- ↑ 1,0 1,1 1,2 1,3 1,4 1,5 1,6 1,7 1,8 About AEARU Arxivləşdirilib 2016-06-03 at the Wayback Machine. aearu.org (ing.)
- ↑ 17 Members Arxivləşdirilib 2022-07-09 at the Wayback Machine. aearu.org (ing.)
Xarici keçidlər redaktə
- aearu.org — Şərqi Asiya Tədqiqat Universitetləri Assosiasiyasının rəsmi saytı
SəhifəyəKeçidlərSlovak_Respublikası_(1939-1945)