Avro, Avropa Birliyi ölkələrinin iqtisadi və maliyyə birliyinin faktoru kimi ödənişsiz pul tədavülünə 1999-cu ildən buraxılıb. 1999-cu ildən AB-nin 15 üzvündən 11-i Maastrixt sazişinin tələblərinə uyğun olaraq avrozona yaratdılar və 1 yanvar 1999-cu ildən rəsmi tədavülə paralel ümumi valyuta kimi avropanı buraxdılar.

Avro və onun sentləri dövriyyəyə 1 yanvar 2002-ci ildən buraxılıb. Sloveniya avrozonaya 1 yanvar 2007-ci ildən, Kipr və Malta 1 yanvar 2008-ci ildən, Slovakiya 1 yanvar 2009-cu ildən, Estoniya — 1 yanvar 2011-ci ildən, Latviya — 1 yanvar 2014-cü ildən^[1] daxil olub.

Hal-hazırda Avrozonanın tərkibinə 325 milyon əhalisi olan 19 ölkə daxildir.

Avrozonaya daxil olan (valyutası Avro olan) dövlətlər

Avrozonaya qatılma tarixi	Dövlətin adı	Avrodan əvvəlki milli valyuta	İstisnalar
1 Yanvar 1999	Almaniya   Avstriya   Belçika   Finlandiya   Fransa   İrlandiya   İspaniya   İtaliya   Lüksemburq   Niderland   Portuqaliya	Alman markı   Avstriya şillinqi   Belçika franqı   Fin markkası   Fransız franqı   İrland paundu   İspan pesetası   İtalyan lirası   Lüksemburq franqı   Niderland quldeni   Portuqal eskudosu	Fransaya bağlı olan:   Fransa Polineziyası   Uollis və Futuna   Yeni Kaledoniya   Niderlanda bağlı olan:   Aruba   Karib Niderlandı   Kürasao   Sint-Marten
1 Yanvar 2001	Yunanıstan	Yunan draxması	-
1 Yanvar 2007	Sloveniya	Sloven toları	-
1 Yanvar 2008	Kipr   Malta	Kipr paundu   Malta lirası	Kiprin bir hissəsi olan:   Şimali Kipr Türk Respublikası
1 Yanvar 2009	Slovakiya	Slovak korunası	-
1 Yanvar 2011	Estoniya	Estoniya kronu	-
1 Yanvar 2014	Latviya	Latış latısı	-
1 Yanvar 2015	Litva	Litva litası	-

Avropa İttifaqı üzvü olan lakin, Avrodan istifadə etməyən dövlətlər redaktə

Avropa Birliyinin üzvü olan lakin, rəsmi olaraq Avrodan istifadə etməyən bir neçə dövlətlər vardır.

Danimarka, Maastrixt sazişində qeyd edilən imtiyazlara əsaslanaraq Avrodan istifadə etməyən Avropa İttifaqının üzvüdür. Danimarka höküməti, referendumun nəticəsində qərar qəbul etmədiyi müddətcə, Avropa İttifaqı tərəfindən hüquqi təzyiqlə qarşılaşmaz. 28 Sentyabr 2000-ci ildə Danimarkada keçirilən referendumun nəticəsinə görə səs verənlərin 53.2%-i Avroya keçməyə qarşı çıxmışdır.

İsveçin Avro məsələsində imtiyaza sahib olmamasına qarşı, bu ölkədə keçirilən referendumlar, Avroya keçməyə maneə yaradır. 14 Sentyabr 2003-cü ildəki referendumun nəticəsinə görə, səs verənlərin 56.1%-i Avroya 'Yox' demişdir.

Avropa İttifaqına daxil olan lakin, Avrodan istifadə etmək üçün, müəyyən kriteriyalara hələki cavab verə bilməyən bir neçə dövlətlər vardır. Bolqarıstan, Çexiya, Xorvatiya, Macarıstan, Polşa və Rumıniya müəyyən kriteriyaları qarşıladıqdan sonra Avroya keçmək məcburiyyətindədirlər.

Avropa İttifaqına daxil olan lakin, Avrozonaya daxil olmayan (Avrodan istifadə etməyən) dövlətlər

Dövlətin adı	Milli valyutası	Avrozonaya daxil olmamasının səbəbi
Bolqarıstan	Bolqar levi	Avrozonaya qatılmaq üçün, müəyyən kriteriyalara cavab vermir
Çexiya	Çex kronu	Avrozonaya qatılmaq üçün, müəyyən kriteriyalara cavab vermir
Danimarka	Danimarka kronu	Maastrixt sazişində qeyd edilən imtiyazlara əsaslanaraq avrodan istifadə etmir
Xorvatiya	Xorvatiya kunası	Avrozonaya qatılmaq üçün, müəyyən kriteriyalara cavab vermir
İsveç	İsveç kronu	14 Sentyabr 2003-cü ildəki referendumun nəticəsinə görə Avroya keçilməkdən imtina edilmişdir
Macarıstan	Macarıstan forinti	Avrozonaya qatılmaq üçün, müəyyən kriteriyalara cavab vermir
Polşa	Polşa zlotı	Avrozonaya qatılmaq üçün, müəyyən kriteriyalara cavab vermir
Rumıniya	Rumıniya leyi	Avrozonaya qatılmaq üçün, müəyyən kriteriyalara cavab vermir

Avropa İttifaqı üzvü olmayan lakin, Avro istifadə edən dövlətlər redaktə

1.   Andorra
2.   Kosovo
3.   Monako
4.   Monteneqro
5.   San Marino
6.   Vatikan

Dörd ədəd cırtdan dövlətlər, Andorra, Monako, San Marino və Vatikan Avropa İttifaqının üzvü olmasalarda, edilən müqavilələr çərçivəsində avrodan istifadə etməkdədirlər.

Monteneqro və Kosovo isə Avropa İttifaqı ilə hər hansısa müqavilə imzalamadan avrodan istifadə etməkdədirlər.

• European Central Bank
• Central Bank Rates, ECB Key Rate, chart and data
• European Commission – Economic and Financial Affairs – Eurozone

1. ↑ "Arxivlənmiş surət". 2014-01-02 tarixində orijinalından arxivləşdirilib. İstifadə tarixi: 2014-01-01.