Turnir hər il oktyabr (son illərdə) və ya noyabr aylarında başlayır və mart ayında bitir. CEV (Avropa Voleybol Konfederasiyası) hər il turnirin marağını daha da artırmaq və turniri bütün Avropaya yaymaq üçün bir sıra mühüm addımlar atır. Məsələn, 2006–07 voleybol mövsümündə turnirdə 16 komanda iştirak edirdisə növbəti mövsümdən 20, 2012-ci ildən isə 24 komanda iştirak edir. 2011–12 voleybol mövsümündə 5 qrup hərəsində dörd komanda var idi və növbəti mərhələyə 16 komanda çıxırdı (qruplarında ilk üç yerə girənlər). Növbəti mövsüm komandaların sayı 4 ədəd artılır və növbəti mərhələyə çıxanlar isə dörd ədəd azaldıldı. Bu isə komandaların işini çətinləşdirir, rəqabəti isə artırırdı. CEV Çempionlar Liqasının başqa komanda idman növlərində olduğu kimi (basketbol, həndbol) özünə xas olan final mərhələsi — finalfour (dördlər finalı) yarışları var. 1987-ci ilə qədər bu mərhələ qrup sistemi ilə keçirilsə də daha sonra (1987-ci ildən sonra) pleyoff sistemi ilə yəni, məğlub olan turniri tərk edir pirnsipi ilə keçirilir. Finalfour yarışları demək olar ki, həmişə sabit məkanda keçirilir. Yəni, bu mərhələyə qədər evdə-səfərdə prinsipi var idisə bu mərhələdən sonra oyunlar "CEV"in seçdiyi məkanda (namizədlər içərisində qalib olmuş məkanda) keçirilir. Həmçinin bu mərhələnin oyunları iki dəfə Bakımızda da keçirilmişdir. İlk olaraq 2011–12 mövsümündə baş vermişdir bu möhtəşəm hadisə. Həmin il digər illərə istinad olaraq ev sahibi komanda birbaşa qatılmamışdı. Çünki komandalarımız Azərreyl və Rabitə ev sahibi titulunu bölüşdürə bilməmişdilər. CEV də bundan sonra hər iki komandamızın öz gücləri ilə bu mərhələyə çıxması qərarını qəbul etdi və klublarımız da bu mərhələyə qədər gəlib çıxa bilmədiklərindən turnirin ev sahibi yarışlara qatılmadı. 2013–14 mövsümündə isə RabitəBakı Kristal Zalı ilə namizədliyini verib bu yarışları qəbul etdi.^[1]