Dargilər (özlərini darqan adlandırırlar) — əsasən Dağıstanda yaşayan xalq. Avarlardan sonra respublikanın sayca ikinci ən böyük xalqıdır. Subetnik qrupları sayılan qaytaqlılar və qubaçılılar ilə birlikdə sayları 510 min nəfərdir (2002). Onların 495 mini Dağıstanda yaşayır. Dargi dilinin müxtəlif ləhcələrində danışırlar. Dini baxımdan sünni müsəlmandırlar.

Dargilər
darg. дарган, дарганти, даргва, даркала хъалкъ.

Ümumi sayı
600 000
Yaşadığı ərazilər
Rusiya 510 156 (2002)[1] Dağıstan 490 384 (2010) [2] Moskva 3 255 (2010) [1]
Dili
Dargi dili
Dini
İslam, sünni

İlk dəfə "dargi" etnonimi XV əsrdə işlənmişdir. Həmin dövrdə mərkəzi Dağıstanın əhalisi ciddi və kütləvi şəkildə islamı qəbul etməyə başlamışdır. Bu günlər dargilər Dağıstan əhalisinin 16%-ni təşkil edir. Əksəriyyətdə mərkəzi Dağıstanın dağ və dağətəyi Aquşa, Dahadayev, Qaytaq, Serqoqala və Levaşi rayonlarında, İzberbaş şəhərində yaşayırlar. Qarabudaqkənd və Qayakənd rayonlarında əhalinin böyük qismini təşkil edirlər.