1969-cu il 6 iyun tarixində Ağdam rayonunun Papravənd kəndində doğulmuşdur. 1990-cı ilin sentyabr ayında Ağdam rayon polis şöbəsinin tərkibində yaranmış polis alayına daxil olur.

1991-ci il 23 dekabr tarixində Xocalı rayonunun Meşəli kəndi erməni silahlılarının hücumuna məruz qalır. Erməni quldurları günahsız, silahsız insanları körpələrə, yaşlılara məhəl qoymadan onları vəhşicəsinə qətlə yetirirdilər. Azərbaycanlı hərbçilər yerli əhalini xilas etməyə çalışırdılar. Uçurulmuş evlərdən birini özünə istehkam seçən Faiq dəqiq atəşlərlə azğınlaşmış erməni quldurlərını məhv edirdi. Faiq düşmənin atəşini özünə cəlb etməklə onlarla qadını, uşağı xilas etdi.

O son ana qədər mövqeyini tərk etmədi və son nəfəsinə qədər vuruşdu. Vətənimizin igid oğlu başqalarının həyatını xilas edərək öz həyatını qurban verdi.^[1]

Subay idi.

Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Ağayev Faiq Alış oğluna ölümündən sonra "Azərbaycanın Milli Qəhrəmanı" adı verildi.

Ağdam rayonunun Papravənd kəndində dəfn edilmişdir.

• Abbasoğlu B. Meşəli əfsanəsi //Abbasoğlu B. Ölərkən dünyaya qələn oğullar.- B., 2004.- S. 223-234.
• Ağayev S. Faiq Alış oğlu Ağayev //Ağayev S. Şəhid şəhərin şəhid övladları.- B., 1994.- S.11-12.
• Əsgərov V. Ağayev Faiq Alış oğlu //Əsgərov V. Azərbaycanın Milli Qəhrəmanları.- B., 2005.- S.14.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 25.
• Əlizamin. Faiq Alış oğlu Ağayev. Polis serjantı. Ellərin sinə dağı //Əlizamin. Vətən fədailəri.- B., 1994.- S.25-26.
• Faiq Alış oğlu Ağayev //Qarabağ.- 1993.- 26 mart.- S.3.
• Nazim N. Ağayev Faiq Alış oğlu: (1969-1991) //Nazim N. İstiqlal ulduzları.- B., 1995.- S.16-18.
• Zeynalov R. Ağayev Faiq Alış oğlu: (1969-1991)//Zeynalov R. Azərbaycanın Milli Qəhrəmanları.- B., 1996.-S.92.

• ^[ölü keçid] Ağayev Faiq
• Ağayev Faiq Alış oğlu