Hökümə Nəcəfova

Hökümə Nəcəfova
Hökümə Nəcəfova
Ümumi məlumatlar
Doğum adı	Hökümə Yusif qızı Nəcəfova
Doğum tarixi	19 noyabr 1915
Doğum yeri	Bakı, Azərbaycan SSR
Vəfat tarixi	2002
Vəfat yeri	Bakı, Azərbaycan SSR
Musiqiçi məlumatları
Fəaliyyəti	Bəstəkar
Mükafatları

Hökümə Nəcəfova — bəstəkar, ilk azərbaycan qadın tarzən. Müğənni Brilliant Dadaşovanın atasının və aktyor Məlik Dadaşovun xalası idi.

Həyatı redaktə

Hökümə Yusif qızı Nəcəfova 19 noyabr 1915-ci ildə Bakıda ziyalı ailəsində anadan olmuşdur.Hələ uşaq yaşlarında Əbilov adına Mədəniyyət Evində Səid Rüstəmovun rəhbərliyi ilə fəaliyyət göstərən tar dərnəyində Qızbəs Əsədova və Ağabacı Rzayeva ilə birgə dərs alan H.Nəcəfovanı Üzeyir bəy Hacıbəyovla tanışlıq Asəf Zeynallı adına Musiqi Məktəbinə gətirir. Sonralar Dövlət Konservatoriyasında həm bəstəkarlıq, həm də tar bölmələrində təhsil alan Hökumə Nəcəfova Üzeyir bəyin sevimli tələbələrindən olub. Hətta dahi bəstəkarımız Hökumə xanıma və bir neçə imkansız qıza guya "dövlətin əli" ilə təqaüd də verirmiş. Üzeyir bəy rəhmətə gedən günə qədər onlar bu təqaüdünün onun tərəfindən verildiyini bilməyiblər. Üzeyir Hacıbəyov Hökumə xanım Nəcəfovanın istedadını, qabiliyyətini, bəstələrini və ifalarını yüksək qiymətləndirir, onun ictimai fəallığını, mədəniyyətimizin inkişafı işində fədakarlıq əzmini çox bəyənirdi. Hökumə Nəcəfova Azərbaycanın ilk qadın bəstəkarlarından biri olmaqla yanaşı, eyni zamanda ilk tarzən qadın idi.

Əsərləri redaktə

Bir çox məşhur mahnıların müəllifidir: "Kaş ki, gözəl olmayaydım", "Həliməcan", "Səninləyəm", "Qaça bilməzsən məndən, ey yar", "Xalidəcan", "Ceyran balası" və s. Bir zamanlar bu mahnılar görkəmli sənətkarlarımız - Şövkət Ələkbərova, Sara Qədlmova, Zeynəb Xanlarova və Elmira Rəhimovanın ifasında da tez-tez səslənirdi. Həmçinin rəqslər də ("Şənlik rəqsi", "Rəqs melodiyası") bəstələmişdir.

Kitablar redaktə

Mahnı və romanslar not kitablarının müəllifidir:

Fortepiano üçün "Yarım gəldi" (1945)
"Arzu" (1946)
fortepiano ilə oxumaq üçün "Uşaq mahnıları" (1967)
"Mahnılar" (1968, 1975)
"Ana yurdum" (1986)

Mükafatları redaktə

"Şərəf nişanı" ordeni
Azərbaycan Respublikası Prezidentinin fərdi təqaüdü — 11 iyun 2002^[1]

İstinadlar redaktə

↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 05.10.2023.

Xarici keçidlər redaktə

Mobil Əhmədov - Tez gəl
Brilliant Dadaşova - Ceyran bala
Zeynəb Xanlarova - Səninləyəm, sözləri Ələkbər Ziyatayındır
Kaş ki, gözəl olmayaydın. Sözləri: Aşıq Ələsgərindir ^[1].

↑ Maşallah Xudubəyli - Mənim sazlı-sözlü dünyam Arxivləşdirilib 2010-11-19 at the Wayback Machine. II cild (3 kitabda). Bakı: "Nurlan", 2010.

[1] "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 05.10.2023.

[2] Maşallah Xudubəyli - Mənim sazlı-sözlü dünyam Arxivləşdirilib 2010-11-19 at the Wayback Machine. II cild (3 kitabda). Bakı: "Nurlan", 2010.

[1]

[1]

Hökümə Nəcəfova Haqqinda Melumat - Vikipedia