Rəngsiz, iysiz qazdır. Havadan ağırdır. Yanmır və yanmanın qarşısını alır. Atmosfer təzyiqdə -78,5 °C-dən aşağı temperaturda karbon qazı mayeləşmədən birbaşa bərk hala keçir. Ona görə də "quru buz" adlanır.

Sənayedə: redaktə

• Təbii mineralların parçalanmasından:

CaCO3 □(→┴t ) CaO + CO2

• Təbii qazın yandırılmasından:

CH₄ + 2O₂ → CO₂ + 2H₂O

• Laboratoriyada karbonat turşusunun duzlarına qüvvətli turşularla təsir etməklə alınır

Na₂CO₃ + 2HCl → 2NaCl + CO₂ + H₂O

CO₂ − karbonat turşusunun anhidrididir. Turşu oksidlərinin ümumi xassələrini göstərir:

• CO₂+ H₂O↔ H₂CO₃
• Na₂O + CO₂→Na₂CO₃
• 2NaOH + CO₂ → Na₂CO₃ H₂O

Karbon qazını əhəng suyu ilə təyin edirlər:

• Ca(OH)₂ + CO₂ → CaCO₃ +H₂O

Karbon qazı ammonyakla karbamid əmələ gətirir:

• CO₂ + 2NH₃ □(→┴t ) CO(NH₂)2 + H₂O

Oksidləşdirici kimi kömür və magneziumla reaksiyaya daxil olur:

• CO₂ + C □(→┴t ) 2CO
• CO₂ + 2Mg □(→┴t ) 2 MgO + C

Təbiətdə bitkilərin yaşıl yarpaqlarında(xlorofildə) fermentlərin iştirakı ilə havada olan karbon qazı və torpaqdan udulmuş su hesabına fotosintez prosesi gedir, qlükoza sintez olunur:

• 6CO₂ + 6 H₂O □(→┴hϑ ) C₆H₁₂O₆ + 6O₂

Zəhərli qaz deyil, amma havada karbon qazının normadan çox olması orqanizmə zəhərləyici təsir göstərərək hipoksiyaya səbəb olur.Tərkibində 1,5-3% CO₂ olan hava ilə uzun müddət ( bir neçə gün) nəfəs aldıqda qusma və başgicəllənmə başlayır, CO₂ 6%-dən çox olduqda isə ürəyin fəaliyyəti zəifləyir və həyat üçün təhlükəli vəziyyət yaranır..

Karbon qazı soda, qazlı içkilərin, karbamidin, yuyucu vasitələrin istehsalında, quru buzun alınmasında istifadə olunur. Həmçinin neftin çıxarılmasında, pensilin istehsalında, mədənlərdə partlayıcı maddələrin soyudulmasında, yanğının söndürülməsində tətbiq olunur.

1. Краткая химическая энциклопедия.М., изд."Советская энциклопедия", 1967, т.V, с 314-315.
2. Химический энциклопедический словарь. М., изд. "Советская энциклопедия", 1983, с.602.