Laqodexi

Laqodexi
	Şəhər
Laqodexi
	ლაგოდეხი
Bayraq	Gerb
	41°49′20″ şm. e. 46°16′30″ ş. u.
Ölkə	Gürcüstan;
Tarixi və coğrafiyası
İlk məlumat	VIII əsr
Mərkəzin hündürlüyü	435 m
Saat qurşağı	UTC+04:00;
Əhalisi
Əhalisi	5.640 nəf. (2022);
Rəsmi dili	Gürcü dili
Rəqəmsal identifikatorlar
Telefon kodu	+995 354
Poçt indeksi	2700
	Xəritəni göstər/gizlə Laqodexi
	Vikianbarda əlaqəli mediafayllar

Laqodexi (gürc. ლაგოდეხი, azərb. Qabal‎) — Alazan vadisində (Gürcüstan) şəhər, Laqodexi rayonunun mərkəzi, Kaxetiya tarixi ərazisinin parçası olub.

Əhalisi — 5918 nəfər (2014).^[3] Laqodexi Azərbaycanın Balakən rayonu ilə sərhəddə yerləşir.

TarixiRedaktə

Laqodexinin adı Leketi sözündən yarandığı ehtimal olunur. Leketi tərcümədə leklərin vətəni deməkdir. Qafqaz Albaniyasının tayfalarından biri hesab edilən leklərin indiki ləzgilər olduğu qəbul edilir. Leklər patriarx Foqarmanın nəslindən olan Lekosun adından aldığı hesab olunur. Gürcü əfsanələri də bunu qəbul edir.

Leklərin Alazan çayının sağ sahilində yaşadığı dəqiqdir. Gürcülər ləzgilərdən başqa avarları da lek adlandırırlar. Daha sonralar bu ərazidə gürcülərin güclü dövlət qurulmasıyla ləzgilərin çoxu buradan çıxarılır, bölgənin adı da Leketidən Lekoyetiyə, Leqodetiyə çevrilərək sonda, indiki adını Laqodexini almışdır. Şəhər olaraq əsası isə 8-ci əsrdə gürcü çarı Arçilin Lakuasti qalasının tikilməsiylə qoyulub.

ƏhalisiRedaktə

Laqodexinin əhalisinin çox hissəsini gürcülər təşkil edir, 2-ci böyük etnos isə ərazinin 23,04 faizini təşkil edən azərbaycanlılar tutur. Azərbaycanlılar Laqodexinin Kabali kəndində (3238 nəfər), Gəncala (2243 nəfər), Qaraçala (2012 nəfər) və Uzunçalada (1786 nəfər) yaşayırlar (2014).^[4]