"Tek" sözü soyad yox, sülalə mənsubiyyətini bildirdiyinə görə məqalənin adı "Mariya Tek" və ya rus dilində ifadə edildiyi kimi "Mariya Tekskaya", yaxud ingilis dilində olduğu kimi "Mary of Teck" deyil, "Tek şahzadəsi Mariya" və ya "Mariya (Tek şahzadəsi)" olmalıdır. Ən azından ingilis vikisinin ilk abzasındakı bu cümləyə diqqət etmək lazım idi: "By birth, she was a princess of Teck ...". Məqalələri adlandırarkən və məqalənin daxilində kiminsə adını tərcümə etməyə çalışarkən etibarlı mənbələrə istinad edin, yaxud məlumatı olan şəxslərlə məsləhətləşin. Wertuose 09:15, 18 Oktyabr 2010 (UTC)

Şəxs adları heç vaxt tərcümə edilmir. Mariya Tek şəxsin öz dilində səsləndiyi kimi yazılmalıdır. İvanoviçi heç kəs azərbaycanca İvan oğlu, İlqar oğlunu isə heç bir ingilis İlqarson yazmaz. Adlar digər dillərdə sadəcə olaraq transliterasiya olunur. Sizin məlumatlılığınız məndə etimad doğurmadığına görə mənə daima məsləhət vermək adətinizdən əl çəkin.--Acategory 09:46, 18 Oktyabr 2010 (UTC)

"Şəxs adları heç vaxt tərcümə edilmir." fikrinizdən belə başa düşülür ki, məqalənin adı əslində orjinaldakı kimi, yəni "Mary of Teck" , yaxud "Meri (və ya Mariya) of Tek" olmalıdır. --Vago 09:56, 18 Oktyabr 2010 (UTC)

Düz başa düşmüsünüz.--Acategory 10:28, 18 Oktyabr 2010 (UTC)

Bu kimi sülalə adlarından istifadə edilən mürəkkəb adlarda məhz "tərcümə etməyi" nəzərdə tuturam. "Alexandra of Denmark" yazmaq sizcə nə dərəcədə düzgündür? Mən məsləhət vermirəm, Azərbaycan dilinin qaydalarını başa salmağa çalışıram. Wertuose 10:33, 18 Oktyabr 2010 (UTC)

Adların orijinalda yazılmasına çox bağlı olduğunuz hiss olunur. Məqalələrdən birində "Сонная Лощина" sözlərini "Yuxulu Loşin" kimi tərcümə etmişdiniz. Halbuki, "лощина" rus dilində "dərə" deməkdir və düzgün tərcümə "Yuxulu dərə" olmalı idi. Wertuose 10:37, 18 Oktyabr 2010 (UTC)

Rus dilində "dərə" sözünün "ущелье"dən başqa "лощина" kimi də tərcümə edildiyini bilmirdim, ona görə də iradı qəbul edirəm. Yazırsınız ki, "...Azərbaycan dilinin qaydalarını başa salmağa çalışıram". Sizə digəriləri ilə bu tonda danışmağa kim səlahiyyət verib ? Siz başqalarını nə hesab edirsiniz ?--Acategory 10:47, 18 Oktyabr 2010 (UTC)

Bir idarəçi kimi qaydalara riayət edilməsinə nəzarət etmək mənim vəzifəmdir. Bu səlahiyyəti mənə istifadəçilər veriblər. Mənim sözlərimdə qeyri-adi nə gördünüz ki, sizi belə hiddətləndirdi. Nəyisə başa salmaq məgər qəbahətli bir işdir. Xahiş edirəm mövzudan yayınmayın. Wertuose 10:54, 18 Oktyabr 2010 (UTC)

İdarəçi, Siz səlahiyyətlərinizi və adi insalıq qaydalarını aşırsınız. İstənilən ciddi dəyişiklik mütləq ciddi müzakirədən keçməlidir. Eyni zamanda Sizdən başqa da idarəçilər var ki, onların hamısı ilə işləmək məmnunluq verir.

Hiss edirəm ki, Siz ciddi elmi müzakirədən qaçırsınız. Məqalənin adını özünüz dəyişəcəksiniz yoxsa Sizin səhvinizi mən düzəltməliyəm ?--Acategory 11:06, 18 Oktyabr 2010 (UTC)

Şəxsən mənim fikrim budur ki, məqaıənin adı "Mariya Tek" olsa daha yaxşı olar. Bu halda Azərbaycan dilini bilməyən istifadəçi də məqalənin kim haqqında olduğunu asanlıqla başa düşər. Həm də bu ad məqalə adı üçün daha uyğundur. Məqalə üzərində Acategory-nin zəhmətini də nəzərə almaq lazımdır. Mariya (Tek şahzadəsi) adı isə redirektlə verilməlidir. Hər kəsə hörmətlə, --Ira 11:00, 18 Oktyabr 2010 (UTC)

İradə xanım, yenə güzəşt? Hesab edirsiniz ki, qaydaları saymamaq daha asandır, nəinki onlara riayət etmək? Mən şəxsən bunun əleyhinəyəm və hesab etmirəm ki, bu sahədə azacıq da olsa məlumatı olan hər kimsə belə bir təklifə razı olsun. Axı bu adlandırma qaydaları orta məktəbin "Ümumi Tarix" fənnindən hamıya tanış olmalıydı və indi biz burda belə sadə məsələləri müzakirə etməli olmamalıydıq. Üstəlik yuxarıdakı birinci yazımda ingilis dilindəki vikipediyanın birinci abzasından çıxarış da vermişəm. Mənə etibar etmirsiniz, bəs ingilisə nə sözünüz? Wertuose 11:24, 18 Oktyabr 2010 (UTC)

Burada belə problemlərin yaranması əslində bizdən asılı deyil. Azərbaycan terminologiyasında boşluqların olması, dünyadakı tarixi şəxslərin adlarının (müxtəlif terminlərin) Azərbaycan dilinə tərcümələrdə müxtəlif versiyaların qəbul edilməsi və yaxud da heç tərcümə olunmaması problemin Vikipediya müstəvisinə çıxmasına səbəb olur. Hansı qaydaları saymadım ki? Bir də ki, Vikipediyada hər bir dil versiyasının öz qaydası var. Vikinin bir dilindəki qaydanı digər dildəki vikipediya cəmiyyəti saymaya da bilər. Erməni dilindəki Vikipediyada Azərbaycan xəritəsini yada salın. O cəmiyyət o cür qəbul edib. Odur ki, qaydaları cəmiyyət qaradır. Əgər İngilislər hər hansı bir məsələyə ingilissayağı yanaşırlarsa, bu o demək deyil ki, azərbaycanlılar da bu cür olmağa məcburdurlar. Orta məktəbin "Ümumi Tarix" fənnində "Mariya (Tek şahzadəsi)" adına rast gəlməyim yadımda deyil. --Ira 11:42, 18 Oktyabr 2010 (UTC)

Söhbət konkret bu addan yox, bu kimi adlardan gedirdi. Birinci postumda isə konkret bu adla bağlı aydınlıq gətirmişəm. Mən ingilis vikisinin yox, Azərbaycan dilinin qaydalarına riayət etməkdən danışıram. Həmin qaydalara görə isə bu şəxsin adı Azərbaycan dilində Mariya Tek, Mary of Teck və ya Matiya Tekskaya deyil, məhz "Tek şahzadəsi Mariya" olmalıdır. "Mariya (Tek şahzadəsi)" adlandırması isə məqalə adlarında daim istifadə etdiyimiz adlandırma formasıdır. Hər halda buna ilk dəfə deyil ki, rast gəlirsiniz. Wertuose 11:55, 18 Oktyabr 2010 (UTC)

İngiliscə o qədər də bilməsəm də, "Mary of Teck" adında "of" kəlməsinin xüsusi məna kəsb etdiyi qənaətindəyəm və bu baxımdan Wertuose ilə razılaşıram. Ona görə ki, əks halda ingilislər, haqqında söhbət gedən məqaləni Maria Theresa məqaləsində olduğu kimi, "Mery Teck" adlandırardılar. Bu və ya digər şəkildə adlandırmanın hələ ki o qədər də mühüm əhəmiyyət kəsb etmədiyini nəzərə alaraq, məqalənin adının "Meri Tek" kimi düzəldilməsini təklif edirəm. (Fikrimcə orijinaldan "Mery" Meri kimi oxunur, "Mariya" isə "Maria" sözünə uyğundur.)--Vago 12:09, 18 Oktyabr 2010 (UTC)

Məqalənin adının "Mariya Tek" olması daha düzgündür. "Mariya (Tek şahzadəsi)" o halda mümkündür ki, məqalənin adının başqa versiyası olmasın. Burada isə müxtəlif versiyalar ola bilər. Sadəcə redirekt qoymaq lazımdır. Hər kəsin müxtəlif fikri ola bilər. Buna görə kimi isə qayda pozmaqda günahlandırmaq lazım deyil. --Ira 12:16, 18 Oktyabr 2010 (UTC)

Qeyd etdiyim kimi, Mariya yox, Meri olmalıdır. Soyadı bir qırağa, heç olmasa adı ruscadan yox, ingiliscədən, yəni orijinaldan oxumaq lazımdır.--Vago

Wertuose-un fikirlərində hec bir ciddi arqumentə rast gəlinmir. Dəlil kimi gətirdiyi faktlar isə sadəcə olaraq mövcud deyidir.( " Ümumi tarix " məslələsi kimi ) O qaydaları deyil, real vəziyyəti deyil, şəxsi düşüncəsini israrla hamıya qəbul etdirmək istəyir. İndiyə qədər Azərbayacan Vikipediyasında "Atatürkün" "Türklərin atası", "Kim Çen İrin" " Çen İr oğlu Kim " yazılmaması sadəcə olaraq təəccüb doğurur. Nədən Wertuose-un özünün maraq doğuran məqalə yaratmayaraq , başqasının yaratdığı məqaləyə kobudcasına müdaxilə etməsinin və " Azərbaycan dilinin atası" rolunu öz üzərinə götürməsinin səbəbini başa düşə bilmirəm. Ortada sivil polemikan deyil, " söz güləşdirilməsi" vardır.

Bu lazımsız müzakirəyə sərf edilən vaxta mən artıq Kral-konsort Flip məqaləsini başlayıb yarısına çatmışdım.

Artıq əks tərəfdən ciddi polemika görmədiyimdən mübahisəni dayandırı və məaqlənin köhnə adını qaytarıram. Vago-nun təklifi isə maraqlıdır, onunla bu barədə birgə fikirləşməyə hazıram.--Acategory 12:28, 18 Oktyabr 2010 (UTC)

Bu adın Azərbaycandilli mənbələrdə bu günə qədər necə işləndiyini mən çalışaram dəqiqləşdirim. Hər halda yəqin ki, tarix dərsliklərində, ya ensiklopediyalarda məlumat olar. Şəxsən mən ədəbiyyatlarda nə Tek Şahzadəsi Mariya, nə Mariya Tek, nə də Meri Tek adına rast gəldiyimi xatırlamıram.--Sortilegus 15:10, 18 Oktyabr 2010 (UTC)

Adı dəqiqləşdirib sonra dəyişmək daha düzgün olar, nəinki, dəyişdirib sonra dəqiqləşdirmək. Hər halda "qulaqları kəsib, sonra saymaq" lazım deyil.--Ira 15:16, 18 Oktyabr 2010 (UTC)

Onu nəzərə almaq lazımdır ki, Tek familiya deyil və familiya kimi yazılması da düzgün deyil, məhz familiya ilə səhv salınmaq ehtimalı nəzərə alınaraq indiki kimi saxlanmamalıdır. Burda təəsüf ki, azərbaycan dilinin qaydalarına çox müraciət etmək olmur, çünki bu barədə elə də mənbə yoxdur. Bunlar Avropa əsilzadələrinin ad konvensiyasıdır və kökü feodalizm dövründə yaranmaış qayda-qanunlara çıxır. Əksər bu cür adlar şəxsi ad+yer adı şəklində olur. Avropada əsilzadələr dövlət tərəfindən məcbur edilənə qədər adi camaat kimi familiyadan istifadə etməyiblər (kral ailələrinin bu gün də familiyası olmur), bunu hətta özlərinə təhqir hesab ediblər, çünki feodal sisteminə daxil olan birisi daha çox yer-yurduna, tituluna görə tanınır, ailəsinə görə yox. Ona görə də bu adlar Filankəs+ (of, de, von və. s. kimi mənsubiyət şəkilçisi)+yer adı formasında olur. Bu səbəbədən də Tek sözü familiya kimi yazıla bilməz və məqalənin adı bunun titul olduğunu göstərən bir forma olmalıdır, bunu şahzadə sözünü işlətmədən etmək mümkündürsə elə də edilə bilər. Bununla belə əgər azərbaycan dilində olan mötəbər mənbələrdə bu tip titulların hansısa standard forması artıq varsa onda elə həmin forma bu ada da tətbir edilə bilər, daha doğrusu edilməlidir, hətta bu standard forma yuxarıda yazdığım tarixi konvensiyaya uyğun olmasa belə. Bütün hallarda mənbələr bizim hər cür məntiq yürütməyimizdən və ya icma qərarımızdan üstündür. --TimBitsتِمبِتس 19:53, 18 Oktyabr 2010 (UTC)

İstifadəçi Acategory'nin sözlərindən belə çıxır ki, ru:София Греческая kimi tanınan indiki İspaniya kraliçası Sofiya Yunan, XV əsrdə İspaniyanı birləşdirən ru:Изабелла Кастильская — İzabella Kastiliya və ru:Фердинанд Арагонский — Ferdinand Araqon adlandırılmalıdır? Bu şəxslər ədəbiyyatlarda Yunanıstan şahzadəsi Sofiya, Kastiliya şahzadəsi İzabella və Araqon şahzadəsi Ferdinand kimi tanınırlar. Adın sonundakı yer adları tituldur, soyad yox. Rus dilində titulun sonuna "skaya", ingilis dilində isə əvvəlinə "of" şəkilçisinin artırılması ilə yaranır. Əvvəllər kraliça Mariyanın titulları haqqında eşitməmək bu cür hallar üçün ümumi qaydaların tətbiqini istisna etmir və əgər kimsə bu qaydalardan xəbərsizdirsə bu onun öz problemidir və buna görə başqalarını ittiham etmək lazım deyil. Wertuose 07:30, 19 Oktyabr 2010 (UTC)

Buradakı ad problemi heç kəsin şəxsi problemi deyil - Vikipediyanın problemidir. Əgər kimsə özünü başqalarından ağıllı və qaydaların ən ali bilicisi sayırsa bax bu olur onun öz şəxsi problemi. O ki, qaldı ada, burada əsas problem adın necə olması yox, adi etik qaydaların gözlənilməsidir. İstifadəçi məqalə yaradıb, zəhmət çəkirsə onun zəhmətinə hörmət etmək hər kəsin, ilk növbədə idarəçinin borcudur. İdarəçi məqalənin adını dəyişmək istəyirsə heç olmasa məqalə üzərində zəhməti olanla məsləhətləşməlidir. Yoxsa ki, mən qaydaları hamıdam yaxşı bilirəm deyərək, istifadəçilərin şəxsi fikri ilə hesablaşmamaq, təhqir etmək, savadsız adlandırmaq idarəçiyə, ümumiyyətlə insana yaraşmaz. --Ira 07:48, 19 Oktyabr 2010 (UTC)

Belə getsə, bu xəmir deyəsən çox su aparacaq. Şəxsən bu saat mənim üçün məqalənin adından çox şəxsi münasibətlərimizin korlanmaması daha böyük əhəmiyyət kəsb edir. Ona görə də burada bir-birimizi günahlandırmağı bir kənara qoymağı təklif edirəm. Məqalənin adı gec-tez tənzimlənəcək və ümid edirəm ki, bu, şəxsi münasibətlərimiz korlanmasın deyə tez bir zamanda baş verəcək.

P.S.: Etiraz edən olmasa idi, türklər demiş, tansionu düşürmək üçün müvəqqəti olaraq məqalənin adını dəyişib edərdik "просто" Mariya :) --Vago 08:09, 19 Oktyabr 2010 (UTC)

Burada Vikipediyanın ingilisdilli versiyasında olan Mary of Teck adlı məqalənin AzVikidə adının müəyyənləşməsi üçün səsvermə elan etmişəm. İştirak edə bilərsiniz. --Cekli829 13:52, 19 oktyabr 2010 (Cek vaxtı ilə)

Məqalə adına görə səsvermə keçirilməsi absurd bir məsələdir. İndiyə qədər hansı məqalə adına görə Azərbaycan Vikipediyasında səsvermə keçirilib. Müzakirələrin keçirilməsinə etiraz etmirəm, ancaq Viki qaydalarında nəzərdə tutlmayan yolla kiminsə fikrinə qanuni yol geyindirmək cəhdi yolverilməzdir. Əgər proses bu səmtdə gedəcəksə mən Azərbaycan Vikipediyasında fəaliyyətimi dayandıracağam.--Acategory 09:21, 19 Oktyabr 2010 (UTC)

Hesab etmirəm ki, atdığım addım qanunsuzdur. Sadəcə mən yeni böhranın yaranmaması üçün bu addımı atdım. Çünki problemi səsvermə yolu ilə həll etmək mənə çox məntiqli gəldi. --Cekli829 14:32, 19 oktyabr 2010 (Cek vaxtı ilə)

Yeni böhran artıq yarandı. Məsələ yenicə sakitləşmişdi ki, Siz heç kəslə məsləhətləşmədən, inzibati yolla ortaya yenidən gərginlik gətirdiniz. Əgər qanunsuz səsvermə dayandıdrılmasa sabahdan Vikipediyada fəaliyyətimi dayandırıram.--Acategory 09:51, 19 Oktyabr 2010 (UTC)

Demokratik prinsipləri nəzərə alaraq Səsvermənin dayandırılmasına səs verənlər bölməsini də əlavə etdim. --Cekli829 15:26, 19 oktyabr 2010 (Cek vaxtı ilə)

Dostum, deyəsən istifadəçilər "səsverməni gözəgörünməz hesab edənlər" variantına səs veriblər ;) Məncə də sırf səs çoxluğu ilə nəyinsə doğru olduğunu müəyyən eləmək olmaz, bunun üçün arqumentlərə müraciət etmək lazımdır. --TimBitsتِمبِتس 13:52, 19 Oktyabr 2010 (UTC)

Vikipediyada fəaliyyətimi dayandırıram. Vikipediyanın bundan sonrakı fəaliyyətinə uğurlar arzulayıram.--Acategory 04:37, 20 Oktyabr 2010 (UTC)

Hörmətli idarəçilər! Əvvəl mən aktiv iştirakçıydım. Bu həvəsi məndə vikidə baş verənlər yavaş yavaş söndürdü. Sizlərdən xahiş edirəm fəalların üstünə düşənə qədər öz yaratdığınız məqalələridə gözdən keçirin və araşdırma aparmaqdan heçdə qaçmayın. Bu da sizə Mariya Tek adıyla bağlı mənbələr: [1], [2], bu siyahı dava edə bilər. Başqa vaxt iki ad ətrafında müzakirə gedəndə redirectdən istifadə olunurdu. Məqalənin adı düzdürsə kimin başqa ad təklifi varsa buyursun redirecti xatırlasın.--E-citizen 09:59, 19 Oktyabr 2010 (UTC) [3] burda redirect var. Lakin biz nə ingilis vikisinin nədə rusun kopyaçıları sayılmamalıyıq. Əsas məqalə Mariya Tek, sonradan edilən təkliflər isə redirect ola bilər.--E-citizen 10:11, 19 Oktyabr 2010 (UTC)

Hörmətli E-citizen. Burada hər birimiz o qədər məqalə adı dəyişmişik ki... Heç bir-birimizə bu dərəcədə irad da tutmamışıq. Özünüzün qeyd etdiyiniz yerdə əsas məqalə adı kimi "Mary of Teck" kimi qalıb və "Mary teck" səhifəsi redirekt edilib. Bu, bir daha məndə əminlik yaradır ki, müzakirəsiz dəyişilməsinə baxmayaraq, ad məsələsində Wertuose haqlıdır, məqalənin indiki adının əsas ad kimi saxlanılması düzgün deyil. Gələcəkdə bu cür variantların necəliyinin isə indi həll olunmasının tərəfdarı deyiləm. Bir müddət sonra bu məsələni "Kənd meydanı"na çıxarıb həll etmək yolunu daha münasib hesab edirəm. Mübahisə tərəflərindən isə bu məsələnin həllinə müəyyən müddət qayıtmamasını xahiş edirəm. --Vago 10:31, 19 Oktyabr 2010 (UTC)

Hörmətli Vago,E-citizen-nin göstərdiyi kimi ruslar özləri də etibarlı mənbələrdə Mariya Tek yazırlarsa bunun nəyi sizin xoşunuza gəlmədi. E-citizen-nin arqumentləri bir daha sübut etdi ki, Mariya Tek geniş yayılmış addır. Odur ki, adın bu cür qalmasını tələb edirəm. Bir də ki, məqalə haqqında müzakirələr məqalənin öz müzakirə səhifəsində getməlidir. Kənd meydanında şəxsi münasibətlər və ümumi Vikipediya məsələləri həll edilir. --Ira 11:27, 19 Oktyabr 2010 (UTC)

Xahiş edirəm, şərhimi diqqətlə oxuyun.--Vago 11:29, 19 Oktyabr 2010 (UTC)

Mən sizi çox gözəl anladım...--Ira 11:37, 19 Oktyabr 2010 (UTC)

Təşəkkür edirəm...--Vago 11:39, 19 Oktyabr 2010 (UTC)

Rusca etibarlı mənbələrdə Mariya Tek yazılırsa onda sual yaranır ki, nəyə görə rusca vikidə bu məqalənin adı həmin etibarlı mənbələrə əsaslanaraq yazılmayıb, eləcə Tekskaya yazılıb? Heç Mariya Tek variantı yönləndirmə olaraq da yoxdur. Bu həmin variantın səhv olduğu üçün ola bilərmi? Məncə məhz elə bu səbəbdəndir (burda artıq, "ruslar özləri bilərlər necə adlandırırlar" demək tutarlı arqument deyil, hər halda rus vikipediyasının nəyə görə öz dillərindəki mənbəyə əsaslanmadığını ortaya çəkmək rus dilindəi mənbənin azərbaycanca vikiyə tətbiq edilməsinə çağırmaqdan daha az məntiqsiz deyil). Bizdə yazılır "Uels şahzadəsi Çarlz", yazmırıq ki, Çarlz Uels. --TimBitsتِمبِتس 13:49, 19 Oktyabr 2010 (UTC)

Eyni zamanda yazılmır ki, "Çarlz (Uels şahzadəsi)". Digər tərəfdən etibarlı mənbəyə mən daha çox inanıram, nəinki Vikipediyaya. İstər o ingilis vikisi olsun, istərsə də ru-viki və ya erməni vikisi. Əgər kimsə ru-vikini ideal hesab edirsə, demək oradakı vəziyyətlə tanış deyil. --Ira 16:45, 19 Oktyabr 2010 (UTC)

Elə mən də etibarlı mənbələrə inanıram amma rusca mənbənin azərbaycanca vikipediyanın dil qaydalarına necə istinad ola biləcəyini başa düşmürəm. Yəni istinad elədiyimiz məsələ hansısa fakt olsaydı onda hansı dildə olmasının mənası olmazdı amma bir dilin qaydasını, nəyinsə o dildə necə yazıldığını müəyyən eləmək üçün o dildə olmayan mənbəyə necə müraciət edə bilərik? Əgər bizim dildəki mənbələr də rusca mənbələrə əsaslanaraq belə bir yazı forması müəyyən etsələr (və ya artıq ediblərsə) onda biz də bu formanı tətbiq etməyə məburuq, səhv olsa belə. Yox əgər azərbayacandilli mənbələr bu barədə susursa onda biz özümüz bir yazı qaydası müəyyən eləməliyik ki, bunun üçün də mən yuxarıda Uels şahzadəsi titulunun yazılmasını analogiya aparmaq üçün göstərdim. Mötərizəyə mən də əsasən qarşıyam amma bunu mötərizəsiz də etmək mümkündür. Bütün hallarda titulun familiya kimi yazılması düzgün deyil. --TimBitsتِمبِتس 17:31, 19 Oktyabr 2010 (UTC)

Əgər müzakirələri bir də başdan oxusanız görərsiniz ki, indiki adın əksinə olanlar en-vikini və ru-vikini nümunə gətirərək öz fikirlərinin düzgün olmasını sübut etməyə çalışırlar. İndi isə siz deyirsiz: "rusca mənbənin azərbaycanca vikipediyanın dil qaydalarına necə istinad ola biləcəyini başa düşmürəm". Bu isə o deməkdir ki, nə əcnəbi mənbələrinə nə də əcnəbi vikilərə inanmaq lazım deyil. Sizi düz başa düşdüm?

Əgər adın seçilməsi bizim ixtiyarımızdadırsa nədən məqalə yaradanın, çox böyük əmək sərf edən istifadəçinin fikirlərinə bu qədər hörmətsiz və etinasız yanaşaq. Məni ən çox düşündürən budur ki, mübahisədə iştirak edənlərin heç biri, mən də daxil olmaqla belə bir möhtəşəm məqalə yaratmağa hünərləri çatmadıqları halda, başqalarının zəhmətini öz ambisiyalarına qurban verirlər. Gəlin hər birimiz Mariya Tek nəslindən olan məşhur adamlar haqqında bu cür məqalə yaradaq, ondan sonra gəlib burada iradımızı bildirək. --Ira 17:55, 19 Oktyabr 2010 (UTC)

İradə xanım, belə görürəm ki, mövzunu zadəgan titullarının Azərbaycan dilində yazılması qaydaları müstəvisindən rus və ingilis vikisinin qaydalarının bizdə tətbiqinin məqsədəuyğunluğu müstəvisinə keçirmək istəyirsiniz. Qeyd edim ki, ingilis vikisindən gətirdiyim çıxarış, yəni Mariyanın Tek şahzadəsi olması barədəki cümlə, öz mövqeyimi əsaslandırmaq üçün olmaqla yanaşı, bu müzakirədə maraqlı olan şəxslərin mövqelərinin əsassızlığını da göstərmək üçün kifayət qədər tutarlıdır. Ümumiyyətlə isə, elektron da olsa, ensiklopediya yazılmasında iştirak edən istifadəçilərin belə bir müzakirəyə qatılmaq məcburiyyətində qalmasına yol verilməməliydi. Bu məsələ sadə ad dəyişmə ilə həll olunmalı və adlandırmada səhv etmiş istifadəçiyə səhvinin nədən ibarət olduğu izah edilməli idi. Siz isə əksinə, səhvə yol vermiş istifadəçinin mövqeyini müdafiə edirsiniz. Wertuose 19:02, 19 Oktyabr 2010 (UTC)

Əslində məqalə müəllifinin özü də məqalə daxilində Şahzadə Matiya istinadını göstərməklə Wertuosenin haqlı olduğunu təsdiqləyib...--Vago 06:05, 20 Oktyabr 2010 (UTC)

Hörmətli Wertuose, problemin bu həddə gəlib çatmasının əsas günahkarı sizsiniz. Məqalənin adını dəyişməzdən əvvəl müəlliflə məsləhətləşsəydiniz pis olardı? Sizin adi istifadəçilərə "saymazyana" münasibətiniz əvvəl-axır işlərin bu həddə gələcəyindən xəbər verirdi. Vikipediyada yetərincə yarımçıq, əvvəli-sonu bilinməyən məqalələr olduğu halda bu məqaləyə bu qədər diqqət məndə artıq şübhə yox, bir əminlik yaratdı...--Ira 06:23, 20 Oktyabr 2010 (UTC)

Mənim şəxsən məqalənin müəllifi barədə çox məlumatım yox idi, bura da müzakirələri görüb bir istifadəçi kimi öz fikrimi yazanda heç redaktə tarixçəsini yoxlamamışdım. Mən doğru hesab elədiyim mövqeni tuturam, mövqeyimi istifadəçiyə görə müəyyən eləmirəm. Məqalənin müəllifinin və ya ən çox inkişaf elətdirənin məqalə üzərində eksklüziv hüquqları yoxdur, hətta hər hansı bir istifadəçidən fərqli heç bir hüquqları yoxdur, nə texniki nə də mənəvi, çünki vikipediyanın bütün istifadəçilər tərəfindən redaktə üzərində qurulduğunu artıq hamı bilir, bura yazan da bunu qəbul edib yazır. Bu əvvəlcədən qəbul edilməlidir ki, hər hansı bir mövzuda, hər hansı bir istifadəçi, fəaliyyət səviyyəsindən, təcrübəsindən asılı olmayaraq, öz fikrini deyə, iradlarını bildirə bilər. Bunu deməyə haqq qazanmaq üçün hansısa səviyyədə iş görməsi tələb olunmur, oluna da bilməz. Bütün bunlar bir yana məncə artıq şəxsi məsələlri bir qırağa qoyub bu məqalənin adını müəyyən eləsəydik pis olmazdı. --TimBitsتِمبِتس 14:40, 20 Oktyabr 2010 (UTC)

İradə xanım, addəyişməni niyə saymazyanalıq kimi qəbul edirsiniz? Hamı səhv edə bilər, idarəçilərin əsas vəzifələrindən biri də səhvləri aradan qaldırmaqdır. Mən səhv olduğuna əmin olduğum adı dəyişmişəm, əmin olmasaydım bunu müzakirəyə çıxarardım. Üstəlik bu cür adlandırmalarda müzakirəyə ehtiyac olmadan ortaq qaydaların tətbiqi məcburi olmalıdır. Düzdür bizim Vikipediyada bu barədə ortaq qayda yoxdur, amma yuxarıda çəkdiyim bir neçə misaldan da aydındır ki, Azərbaycan dilində bu cür adlar üçün ortaq adlandırma hansıdır. Sizdə nəyə əminlik yarandığını bilmirəm, amma məqaləyə xüsusi diqqət göstərmirəm, sadəcə adını dəyişib, içində də buna müvafiq düzəlişlər etmişdim. Səbəbi isə "Son dəyişikliklər" bölməsinə baş çəkdiyim vaxt orada adında səhv olan yeganə məqalənin bu olması idi. Lakin istifadəçi Acategory-nin təkidinin nəticəsidir ki, müzakirə bu yerə gəlib çıxıb. TimBits-lə də razıyam ki, artıq məqalənin adını müəyyən etmək lazımdır. Yeri gəlmişkən, eston Vikipediyasında bu məqalənin adına baxın: et:Mary (Tecki printsess). Wertuose 16:12, 20 Oktyabr 2010 (UTC)

İstifadəçilərin zəhmətinə hörmət edin. Ad dəyişmək istəyirsinizsə Vikipediyada baxımsız, redaktəyə ehtiyacı olan məqalələr yetərincədir. Amma nədənsə onlar bu məqalənin adını israrla dəyişmək istəyənləri heç ilgiləndirmir...Məndə təəccüb və ikrah doğuran da budur. Polyak Vikipediyasında bu məqalənin adına baxın:pl:Maria_Teck. --Ira 19:44, 20 Oktyabr 2010 (UTC)

Mən eston vikipediyasını məqalənin adının yazılma stilini göstərmək üçün nümunə gətirmişdim. Amma bu məqalənin mövcud olduğu digər 20-dən artıq dilin hamısında da polyak və Azərbaycan vikilərindən fərqli olaraq mahiyyət etibarilə eston vikisindəki ilə eyni adlandırma mövcuddur. Yəni söhbət Mary of Teck, Mary av Teck, Mary von Teck, Mary (Tecki printsess) və s. yazılmasından asılı olmayaraq hamısının mənasının "Tek şahzadəsi Mariya" olmasından gedir. Təkcə Azərbaycan və polyak vikiləri istisna təşkil edirlər. Əgər digər məqalələrdə də bu cür hallarla rastlaşırsınızsa bunu ən azından müzakirəyə çıxarmalısınız. Mən şəxsən rastıma çıxan bütün hallara dərhal reaksiya verirəm və bunu bir çox aktiv istifadəçilər təsdiqləyə bilər, elə siz özünüz də. Yadınızdadırsa hələ 1 il əvvəl hərf səhvi olduğu üçün sizin yaratdığınız Roza Lüksenburq məqaləsinin adını Roza Lüksemburq olaraq dəyişmişdim və onda da kiçik bir müzakirə olmuşdu. Wertuose 05:25, 21 Oktyabr 2010 (UTC)

Çox təəccüblüdür ki, son zamanlar sizin rastınıza yalnız Acategory-nin yaratdığı və redaktə etdiyi məqalələr çıxır. Vikipediya qaydalarına görə istifadəçini təqib etmək və işinə mane olmaq qadağandır. Bunu siz məndən də yaxşı bilməlisiniz. Sizin və Acategory-nin fəaliyyətlərini nəzərdən keçirərkən çox aydın görünür ki, son zamanlar işiniz əsasən onu müxtəlif müzakirələrə cəlb etməklə işindən ayırmaq olub. Belə işlər idarəçiyə yaraşmaz. Bir idarəçi kimi bizim işimiz istifadəçilərə kömək etməkdir, mane olmaq, işdən soyutmaq yox. --Ira 05:37, 21 Oktyabr 2010 (UTC)

Bu sizin şəxsi fikrinizdir. Acategory ilə eyni zamanda digər istifadəçilərin məqalələrində də dəyişikliklər etmişəm, sadəcə digər istifadəçilərdən fərqli olaraq Acategory bu düzəlişləri özünə qarşı hücum hesab etdiyi və haqlı-haqsız öz mövqeyindən geri çəkilmədiyi üçün müzakirələr həmişə uzanıb. Bu onun Vikipediya prinsiplərinə uyğunlaşmaq istəməməsinin nəticəsidir, mənim fəaliyyətimin yox. Vikipediyanın əsas prinsiplərini cənab TimBits yuxarıda çox gözəl açıqlayıb. Wertuose 11:58, 21 Oktyabr 2010 (UTC)

İkiniz də hər şey çox "gözəl" açıqladız və nə əldə etdiz? - Növbəti fəal istifadəçini Vikipediyadan uzaqlaşdırdınız. Təbrik edirəm. İndi xoşbəxt olun!!!--Ira 12:10, 21 Oktyabr 2010 (UTC)

Təbrikə görə təşəkkürlər amma istifadəçinin müzakirələrə görə fəaliyyətini dayandırdığını hesab etmirəm, yuxarıda da müzakirə aparılmasına qarşı olmadığını açıq şəkildə yazıb, ona görə bunda bizi günahlandırmağı qəbul etmirəm. İkincisi də mən də, bütün istifadəçilər də doğru bildiyimizi yazmışıq, burda nə qəbahət var ki? Hər hansı istifadəçi hansısa şərt daxilində fəaliyyət göstərəcəksə, "filan şey olmayacaqsa (və ya olacaqsa) mən gedirəm" deyəcəksə onda həmin istifadəçinin fəaliyyət göstərməməsi daha məsləhətdir (mən Acategory-nin belə dediyini irəli sürmürəm, hətta mövqeyinə əsasən belə fikirləşmədiyini hesab edirəm). --TimBitsتِمبِتس 15:53, 21 Oktyabr 2010 (UTC)

TimBits, sizin son 10 gündə fəaliyyətiniz belə deməyə əsas verir ki, Mariya Tek məqaləsinin adının dəyişdirilməsi sizin üçün həddən artıq önəmli bir məsələ olubdur. Son günlər işiniz yalnız müzakirə səhifələrinə daxil olub, "aranı qarışdırmaq", Vikipediyanın normal işini pozmaqdan ibarət olmuşdur: [4]. Sizi XƏBƏRDAR EDİRƏM: Bu fəaliyyətinizdən, yəni Vikipediyanın normal fəaliyyətinə mane olacaq işinizdən əl çəkməsəniz, sizi bloklamaq məcburiyyətində qalacam! --Ira 17:36, 21 Oktyabr 2010 (UTC)