Mətanət Məmmədova
Mətanət Elmixan qızı Məmmədova (tam adı:Məmmədova Mətanət Elmixan qızı) — Naxçıvan Muxtar Respublikasının "Əməkdar jurnalisti" (2008), Azərbaycan Respublikasının "Əməkdar jurnalisti" (2020),[1] Azərbaycan Yazıçılar Birliyinin üzvü.
| Mətanət Məmmədova | |
|---|---|
| Mətanət Elmixan qızı Məmmədova | |
 | |
| Doğum tarixi | |
| Doğum yeri | Şahbuz rayonu, Naxçıvan Muxtar Respublikası, Azərbaycan |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| İxtisası | Jurnalist -publisist |
| Təhsili | ali - Azərbaycan Dövlət Universiteti |
| Mükafatları |
 Naxçıvan Muxtar Respublikasının “Əməkdar jurnalisti” |
Həyatı redaktə
Məmmədova Mətanət Elmixan qızı 10 mart 1973-cü ildə Naxçıvan Muxtar Respublikasının Şahbuz rayonunun Şahbuz qəsəbəsində (indiki Şahbuz şəhəri) anadan olub. 1980–1990-cı illərdə Şahbuz qəsəbə orta məktəbində təhsil alıb. 1991–1997-ci illərdə Bakı Dövlət Universitetinin Jurnalistika fakültəsində jurnalistika ixtisası üzrə təhsil alıb.
Ailədir. İki övladı var.
Əmək fəaliyyəti redaktə
1990–2011-ci illərdə Şahbuz rayonunda nəşr olunan "Oğuz səsi" qəzeti redaksiyasında müxbir, məsul katib və redaktor vəzifələrində çalışıb. 2011–2017-ci illərdə Şahbuz Rayon İcra Hakimiyyəti başçısının müavini-İctimai-siyasi və humanitar məsələlər şöbəsinin müdiri vəzifəsində çalışıb. 2017–2020-ci illərdə Naxçıvan Muxtar Respublikası Ali Məclisinin orqanı olan "Şərq qapısı" qəzetində müxbir və baş redaktorun müavini vəzifələrində işləyib.[2] Çalışdığı mətbu orqanlarda, eyni zamanda ölkə mətbuatında bütün qəzet janrlarında, xüsusilə publisistik janrda yüzlərlə yazısı dərc olunub. "Nuhçıxan" İnformasiya Agentliyinin köşə yazarı olub. 2020-ci ildən 2021-ci ilədək Naxçıvan Muxtar Respublikası Ali Məclisi Aparatının Mətbuat və ictimaiyyətlə əlaqələr şöbəsində baş məsləhətçi vəzifəsində çalışıb. Dövlət qulluğunun kiçik müşaviridir. 2021-ci ildən "Səs" qəzetində çalışır.
Üzvü olduğu təşkilatlar redaktə
- 2000-ci ildən Yeni Azərbaycan Partiyasının üzvüdür,
- Azərbaycan Jurnalistlər Birliyinin üzvüdür.
Təltifləri redaktə
7 mart 2008-ci ildə Naxçıvan Muxtar Respublikasının "Əməkdar jurnalisti", 22 iyul 2020-ci ildə Azərbaycan Respublikasının "Əməkdar jurnalisti" fəxri adlarına layiq görülüb.[3] "Blokada Naxçıvanı" adlı ikicildlik kitabına görə Ali Məclis Sədrinin 8 fevral 2021-ci il tarixli Sərəncamına əsasən Naxçıvan Muxtar Respublika mükafatı alıb.[4]
Kitabları redaktə
2010-cu ildə "Qəzet jurnalistikası"[5], 2020-ci ildə "Naxçıvanın publisistik xəritəsi (Kitab Naxçıvan Dövlət Universitetinin Jurnalistika ixtisasında dərs vəsaiti kimi istifadə edilir), 2020-ci ildə "Naxçıvan blokadası" ikicildliyi,[6] 2021-ci ildə "Qarabağ dastanı" adlı kitabları[7] dərc olunub.
İstinadlar redaktə
- ↑ "Azərbaycan Respublikasının kütləvi informasiya vasitələrinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2022-07-03 tarixində arxivləşdirilib. İstifadə tarixi: 2024-05-02.
- ↑ "Əməkdar jurnalist Mətanət Məmmədova yeni vəzifəyə təyin edilib".
- ↑ "Azərbaycan Respublikasının kütləvi informasiya vasitələrinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2021-12-01 tarixində arxivləşdirilib. İstifadə tarixi: 2024-05-02.
- ↑ ""Naxçıvan blokadası" kitabının müzakirəsi keçirilib - FOTOLAR".
- ↑ ""QƏZET JURNALİSTİKASI"".
- ↑ ""Naxçıvan blokadası" ikicildliyi işıq üzü görüb".
- ↑ ""Qarabağ" dastanı və yaxud 2914 bənd bayatı - FOTOLAR".
SəhifəyəKeçidlərSəhifəyəKeçidlərWhatLinksHereEDiff1798534