Şahzadə Mehmed Səlim Əfəndi 11 yanvar 1870-ci ildə Dolmabağça sarayında dünyaya gəlmişdir. Atası dövrün Osmanlı sultanı Əbdüləzizin qardaşı oğlu Şahzadə Əbdülhəmid Əfəndi, anası isə onun çərkəz əsilli ilk xanımı Bədrifələk xanım idi. Sarayda xüsusi təhsil aldı. Həmçinin Osmanlı ordusunda general rütbəsinə qədər yüksəldi. 1909-cu ildə atası taxtdan endirilərək sürgün edilmiş, Mehmed Səlim Əfəndi də atasıyla birlikdə Salonikiyə getsə də, bir il sonra anasıyla birlikdə İstanbula qayıtmışdır. 1924-cü ildə xilafətin ləğvi və Osmanlı sülaləsinin sürgünə göndərilməsinin ardından, o da ölkəni tərk etdi və Livanın Cuniyə şəhərinə köçdü. O əsnada bəzi kürd üsyançılar tərəfindən sultan elan edilsə də, siyasətə qarışmaq istəməyən Mehmed Səlim Əfəndi 5 may 1937-ci ildə vəfat etdi və Dəməşqdə Süleymaniyyə təkyəsinin qəbiristanlığında dəfn edildi.

• Dəryal xanım (d. 10 fevral 1870, Suxumi, Abxaziya — ö. 27 dekabr 1904, Ulduz sarayı, İstanbul) — Sultan Vahidəddinin xanımlarından Nazikəda xanımın kiçik bacısıdır. 4 iyun 1886-cı ildə Dolmabağça sarayında evləndilər. 1 övladı oldu.
  • Əminə Namiqə Sultan
• Nilufər xanım (d. 1 may 1887, Artvin — ö. 23 avqust 1943, Beyrut) — 30 iyun 1905-ci ildə Ulduz sarayında evləndilər. 1 övladı oldu.
  • Şahzadə Mehmed Əbdülkərim Əfəndi (d. 26 iyun 1906, Ulduz sarayı, İstanbul — ö. 3 avqust 1935, Nyu-York)
• Pərvin Dürrüyekta xanım (d. 6 iyun 1894, Sakarya — ö. 1969, Tripoli) — 29 mart 1910-cu ildə Ulduz sarayında evləndilər. Ögey bacısı Ayşə Sultanın piano müəlliməsi idi.
• Gülnaz xanım
• Dilistan xanım (d. 1904 — ö. 1 fevral 1951, Beyrut) — 16 sentyabr 1918-ci ildə Sivasda evləndilər.

• http://www.ekrembugraekinci.com/makale.asp?id=460
• Yılmaz Öztuna (2008). II. Abdülhamîd: zamânı ve şahsiyeti. Kubbealti Publishing. pp. 230–32
• Mahinur Tuna (2007). İlk Türk kadın ressam: Mihri Rasim (Müşfik) Açba : 1886 İstanbul-1954 New-York. As Yayın