Nizami Məmmədov (milli qəhrəman)

Nizami Məmmədov
Nizami Məmmədov
	Nizami Murad oğlu Məmmədov
Doğum tarixi	12 yanvar 1958
Doğum yeri	Stepanakert, DQMV, Azərbaycan SSR, SSRİ;
Vəfat tarixi	29 mart 1992 (34 yaşında)
Vəfat yeri	Şuşa, Şuşa rayonu[d], Dağlıq Qarabağ, Dağlıq Qarabağ Respublikası;
Dəfn yeri	Dəymədağlı;
Uşağı	üç oğlu var
Fəaliyyəti	hərbi qulluqçu
Mükafatları

Nizami Məmmədov (12 yanvar 1958, Stepanakert – 29 mart 1992, Şuşa, Dağlıq Qarabağ) — Azərbaycanın Milli Qəhrəmanı; Qarabağ müharibəsi şəhidi.

Həyatı redaktə

12 yanvar 1958-ci ildə Xankəndi şəhərində dünyaya göz açmışdır. N.Gəncəvi adına 4 saylı məktəbi bitirdikdən sonra 1975-1977-ci illərdə İrkutsk vilayətində hərbi xidmətdə olmuşdur. 1988-ci illərdə erməni millətçiləri azərbaycanlıları doğma el-obalarından qovarkən o, əhalinin təhlükəsizliyini təmin edirdi. Polis zabiti Nizami daha sonra Şuşaya köçür və burada işini davam etdirir.

Döyüşlərdə iştirakı redaktə

Nizami Məmmədov özünümüdafiə batalyonlarına silah-sursat çatdırılmasında iştirak edir, döyüşlərə atılırdı. Nizami Daşaltı, Malıbəyli, Qaladərəsi kimi mühüm əməliyyatlarda iştirak etmiş erməni basqınçılarına öz gücünü göstərmişdi. 1992-ci il 29 mart snayper gülləsi onun arzularla dolu qəlbini susdurdu. Vətənin cəsur övladı əbədiyyətə qovuşdu.

Ailəsi redaktə

Evli idi, üç oğlu yadigar qalıb.

Xatirəsi redaktə

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Məmmədov Nizami Murad oğluna ölümündən sonra "Azərbaycanın Milli Qəhrəmanı" adı verilmişdir.

Nizami Məmmədov Bərdə rayonunun Dəymədağlı kəndində dəfn edilib.

Həmçinin bax redaktə

Mənbə redaktə

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 203.

Nizami Məmmədov (milli qəhrəman) Haqqinda Melumat - Vikipedia